Job 26

1 Hichun Job in thu aseikit in:

2 Thabei chu nangin iti nana kithopi ham? Atha lhasam chu iti naki thopi ham?

3 Kangolna hi iti nahetdoh sah thei ding ham? Ipi chihna chu neihil khah em?

4 Hitobang chihna thusei hohi hoiya nakilah ham? Koi lhagauvin nanga konna thu asei ham?

5 Athisa twitonoija umho chu akithinge.

6 Pathen masanga chun noimigam jong akeu ahi, manthahna mun chu akihol doh tai. (Sheol h7585)

7 Pathen in van sahlang kai chu onghom laiya ahin khang doh in chule leiset chu imacha umlouna ah akhaije.

8 Aman go chu meilhang satah in atom in chule agih a chun apohkeh dehpoi.

9 Aman lha chu amai atompeh in ameilhang ho a chun akhumin ahi.

10 Aman leisetna konna twi achom khenna chu kolmong ana semdoh ahi. Sunle jan gamgi asempeh ahi.

11 Van khombul ho akiling in aman asapset teng akithing tuntun jin ahi.

12 Ama thahat in twikhang len thipchet in aumin athilbol theina in twikhanglen'a ganhing len chu asuhchip ahi.

13 Alhagauva vanho hoitah a asem ahi. Athaneina a gulpi kilap lele chu asutpai ahi.

14 Athilbol ho lah a hicheho hi akipatna mai mai bou ahi nalaije. Athilboltheina husa mai mai bou ahin kon hitia chu van kithin thahatna chu ahet thei ding ham?