Jeremiah 1
1 Hiche hi, Benjamin gamsunga Anathoth khomi Hilikiah thempu chapa Jeremiah thusei ho ahi.
本雅明地內阿納托特城的司祭中，希耳克雅的兒子耶肋米亞的言行錄。──
2 Judah lengpa Amon chapa Josiah lengvaipoh kum somthum leh thum lhin kum in, Pakai thusei chu Jeremiah henga ahung lhungtan ahi.
上主的話傳給，是在阿孟的兒子約史雅為猶大王執政第十三年；
3 Hiche ho chu, Josiah chapa Jehoiakim lengvaipoh gei laiyin jong ahung lhungin, chuleh Josiah dangkhat Juda leng Zedikiah lengvaipoh kal kum som leh khat toh lhanga lhinni geiyin, Jerusalem mite sohchanga akikaimang nikho geiyin jong ahung lhung in ahi.
以後傳給他，是在約史雅的兒子約雅金為猶大王，直到約史雅的兒子漆德雅為猶大王第十一年年底，即直到是年五月，耶路撒冷固民被擄去充軍時為止。
4 Hiti chun Pakai thusei chu kaheng ahunglhung tan ahi.
上主對我說：
5 “Keiman nanu naobu sung’a, nalim namel kagondoh masanga, nangma kahetsa nahitai. Nahung penlhah masanga, Keiman nangma namtin vaipi henga keima themgao ding’a, kathenso’a chuleh kapansah nahitai,’’ ati.
「我還沒有在母腹形成你以前，我已認識了你；在你還沒有出離母胎以前，我已祝福了你，選定了你作萬民的先知。」
6 Chuphat in kenjong, “Vo thaneipen Pakai, keima kachapang behseh jeng in, Nang’a dingin ima seidoh thei ponge,’’ kati.
我回答說：「哎呀! 我主上主! 你看，我還太年輕，不會說話」。
7 Ahivangin Pakaiyin kajah’a, “Kachapang behseh e, tihih in; Ajeh chu keiman kasolna hoilai hijongleh nache ding, chuleh keiman kapeh thuho bou nasei ding ahibouve.
上主對我說：「你別說：我太年輕，因為我派你到那裏去，你就應到那裏去；我命你說什麼，你就應說什麼。
8 Amaho chu kicha hih in, Ajeh chu keiman nangma kaumpi jengding, chuleh kahuh doh jing ding nahi,’’ tin Pakaiyin aseiye.
你不要害怕他們，因為有我與你同在，保護你──上主的斷語。」
9 Hichun Pakaiyin akhut ahinlhang in, kakamsung ahin khoiyin, kajah’a aseitai, “Vetan, keiman kathu ho, nakam sunga kakoipeh tai.
此後，上主伸出手來，觸摸我的口，對我說：「看，我將我的話放在你口中；
10 Tunia hi, nangma nadindoh’a namtin vaipi leh lenggamho chunga douna thusei dinga, keiman kapansah nahitai. Nangman amaho phabep chu, ajung geiya nabo doh’a naheboh ding; nasuh mang’a chuleh nalekhup ding ahi. Chuleh adangho chu naphu det’a, nasahdoh ding ahi,’’ ati.
看我今天委派你對萬民和邦列國，執行拔除、破壞、毀滅、推翻、建設和栽培的任務。」
11 Chuin Pakaiyin hitin aseiye, “Jeremiah ven, ipi namum?” ati. Keiman kadonbut in, “Jon-mot thingbah khat kamui,” kati.
上主的話傳給我說：「耶肋米亞，你看見什麼﹖」我回答說：「我看見一棵杏樹枝。」
12 Hichun Pakaiyin kajah’a, “Adih’e, hichu keiman nangma kavelhi jingin, chuleh kathil gonsa banga kaboltei ding ahi,” ati.
上主對我說：「你看的對，因為我要警醒，看我的話怎樣實現。」
13 Chujouvin, Pakaiyin avellin kajah’a, “Tua adang ipi namum?” ati. Keiman kadonbut in, “sahlam’a kon twibel ki-om phul letlut khat, hung kibung lha kamui,” kati.
上主的話二次傳給我說：「你看見什麼﹖」我回答說：「我看見一個沸騰的鍋，它的口由北面傾倒過來。」
14 Hichun Pakaiyin kajah’a, “Adih e, sahlam’a konin kichat umtah manthahna chu hung kipan intin, gamsung a cheng jouse chung a hung chuding ahi.
上主對我說：「災禍將由北方燒起，一直燒到這地上的一切居民。
15 Ngaiyun, keiman sahlam lenggam ho’a kon’a namtin vaipi Jerusalem khopia hung dinga kakoi ding ahi. Hichehi keima Pakai chun kaseidohsa ahitai. Chutahleh amahon Jerusalem kulpi kotphung dung jouse leh Judate khopi dangho kimvel’a laltouna akidouva, gal abolkhum diu ahi.
看，我必召集北方的一切國家──上主的斷語──叫各國前來，在城門口，在城牆四周以及猶大各城市旁，建立自己的寶座。
16 Chutahleh, keiman kamite achonset jeh’uva achunguva thutanna kaneikhum ding; Ajeh chu amahon keima einungsun’uvin chuleh lim semthu pathen ang-ah gim namtwi ahaluvin ahi. Amahon akhut tah’uva akisem’u doilim chu ahougamtauve.
我要向各城市的人民宣告我的判決，懲罰他們的，因為他們離棄我，向別的神祗獻香，崇拜了他們手製的作品。
17 Thoudoh in, kigosan um'in, Keiman amaho seipeh dinga kathupeh jouse, amaho gaseipeh tan. chuleh amaho chu kicha hih in, achutilouleh amaho masanga kasuhjum ding nahi.
至於你，你要束上腰，起來向他們傳示我命令你的一切。在他們面前，你不要畏懼，免得我在他們面前令你畏懼。
18 Vetan, tunia hi keiman nangma suhchim joulou kulpi dettah, thih khopi leh sum-eng tho kikaikhum banga, kasemdoh nahitai. Nangma gam-leiset pumpi douna-a nadin ding; lengho, gamvaipo ho, thempu ho, chuleh Judah mite jouse douna-a pangdet chet ding a kasem nahitai.
看啊! 我今天使你成為堅城、銅牆、鐵壁，以對抗猶大君王和首領，司祭和當地的人民。
19 Amahon nang douna gal ahinbol diu, hijongleh ajolou diu ahi. ajeh chu keiman nangma kaumpi jing ding chuleh kavenbit ding nahi. Hiche hi, keima Pakaiyin kaphondoh ahi,” ati.
他們要攻擊你，卻不能得勝你，因為有我與你同在，協助你──上主的斷語。」
