Semtilbu 35
1 Hichun Pathen in Jacob ahoulimpin, “Kithouvin lang Bethel lama kinungle kit inlang hikom a chun gacheng tan, chule na upa Esau koma nahung jampet'a nahenga hung kilah Pathen ding chun hikoma chun maicham khat gasem in,” ati.
上帝對雅各說：「起來！上伯特利去，住在那裏；要在那裏築一座壇給上帝，就是你逃避你哥哥以掃的時候向你顯現的那位。」
2 Chuin Jacob in a insung mite ahin midang akoma cheng ho jah a hitin aseiye, “Doiphung jouse pai mang un, natahsa kisuhthengun, vonthah kivon un,
雅各就對他家中的人並一切與他同在的人說：「你們要除掉你們中間的外邦神，也要自潔，更換衣裳。
3 Tua eiho Bethel lama iche diu Pathen henga maicham ka semding ahi. Ajeh chu Pakai in ka hahsat laitah a kataona eisan pehin, Ama in kache na kalam jotna jouse a eiumpi jinge ati.
我們要起來，上伯特利去，在那裏我要築一座壇給上帝，就是在我遭難的日子應允我的禱告、在我行的路上保佑我的那位。」
4 Hichun amahon gamdang mite indoi akoi jouseu chule abil uva abilba u abonchan Jacob apeuvin ahile Jacob'in abonchan Shechem nai vel'a gangpi phungnoi khat ah agavui mang tai.
他們就把外邦人的神像和他們耳朵上的環子交給雅各；雅各都藏在示劍那裏的橡樹底下。
5 Amaho ahung kon doh uchun Pathen a kona tijat na mipi adimun, hijeh chun Jacob insung mite bulu din koimacha ahung kondoh ngam tapoi.
他們便起行前往。上帝使那周圍城邑的人都甚驚懼，就不追趕雅各的眾子了。
6 Jacob le a insung mite Luz kiti mun hichu Bethel Cannan gam sunga um ahi. (Bethel ti chu Pathen in tina ahi).
於是雅各和一切與他同在的人到了迦南地的路斯，就是伯特利。
7 Chule hikom'a chun Jacob in maicham khat asem in, hiche lai mun chu EL-Bethel asah in ahi. Ajeh chu aupa henga kona ahung jam doh a chu hikoma chu Pathen ama among mong ahenga hung kiphong ahi.
他在那裏築了一座壇，就給那地方起名叫伊勒‧伯特利；因為他逃避他哥哥的時候，上帝在那裏向他顯現。
8 Rebekah jenle nu Deborah athi a chu Bethel noiya gangpi phungnoi khat ah ana kivui ahin, hiche jeh a chu hiche min chu lhilon na gangpi phung kisah ahiye.
利百加的奶母底波拉死了，就葬在伯特利下邊橡樹底下；那棵樹名叫亞倫‧巴古。
9 Hichun Pathen in Jacob Padan-Arama kona ahung chun ana kimuto pi kitin, chuin Bethel muna Pathen in phatthei aboh kit in ahi.
雅各從巴旦‧亞蘭回來，上帝又向他顯現，賜福與他，
10 Pathen in ahoulimpin ajah'a, “Namin hi Jacob ahin tunia patna hi nangma Jacob na kiti talou ding ahi. Amavang ISRAEL kiti ding na hitai,” hichun Pathen in ama pa min chu Israel asah tai.
且對他說：「你的名原是雅各，從今以後不要再叫雅各，要叫以色列。」這樣，他就改名叫以色列。
11 Hichun Pathen in aseiye, “Keima El-Shaddai kahi. Pathen hattah ka hi, hatah in ga un, hatah in pung tul tul un, nam lentah ka so ding nahi, chule chilhah jong tamtah kapeh ding nahi,” ati.
上帝又對他說：「我是全能的上帝；你要生養眾多，將來有一族和多國的民從你而生，又有君王從你而出。
12 Chule khatvei Abraham, Isaac kapeh gamchu nangma le na insung mite kapeh kitding nahi, khonung teng jongle nangma kapeh ding nahi.
我所賜給亞伯拉罕和以撒的地，我要賜給你與你的後裔。」
13 Hichun Pakai vantil chu Jacob akihoulimpi na akon in achemang tai.
上帝就從那與雅各說話的地方升上去了。
14 Jacob'in Pakai toa kimuto na melchihna ding in hiche muna chun song khom khat aphut doh kitin, hiche khom chunga chun kilhaina ju asun khum in, chule hiche chunga chun Olive thao twi asun khume.
雅各便在那裏立了一根石柱，在柱子上奠酒，澆油。
15 Chule Jacob'in hilai mun chu Bethel asah tan ahi.
雅各就給那地方起名叫伯特利。
16 Jacob le a insung miten Bethel chu adalhau vin, Ephratha lam ajot laitah un Rachel chu anaovop nat ahung kipantan, akhol che nao jong lhung joujep lou lai ahin, amanu soh dingin ha nat nat'in ahung natai.
他們從伯特利起行，離以法他還有一段路程，拉結臨產甚是艱難。
17 Rachel chu soh dinga hanat'a anat pet chun anaodom a pang a sohnu numei ho chun hitin ahoulimpi uve, “Nangma kicha hih in, lungneo hih beh in, chapa khat na neibe ding ahi,” atiuve.
正在艱難的時候，收生婆對她說：「不要怕，你又要得一個兒子了。」
18 Hinlah Rachel chu alhagao apotdoh tai, ajeh chu amanu athia ahitan ahi; hijeh chun aman jong nao min chu Ben-oni asah in (Ben-oni tichu, ka thoh gimpeta kacha tina ahi), apan vang Benjamin asah tai. (Benjamin tichu, kajet lama pang chapa tina ahi).
她將近於死，靈魂要走的時候，就給她兒子起名叫便‧俄尼；他父親卻給他起名叫便雅憫。
19 Rachel chu athitan Ephratha lampia avui tau vin ahi.
拉結死了，葬在以法他的路旁；以法他就是伯利恆。
20 Jacob'in angailut hetjing nan Rachel lhan song asem peh in, tuni gei hin hiche Rachel lhan hi aum jing nalaiye.
雅各在她的墳上立了一統碑，就是拉結的墓碑，到今日還在。
21 Hichun Israel (Jacob) chu achen pondal buh chu Eder inting vum geiyin atung doh e.
以色列起行前往，在以得臺那邊支搭帳棚。
22 Israel chuche gamsunga ana cheng nalaiyin, ahin Reuben in apa jithahnu Bilhah chu ana chonsetpin ana luppi tan, hiche thu chu Israel in jong aja tai. Chule Jacob chapate chu som le ni alhinguve.
以色列住在那地的時候，呂便去與他父親的妾辟拉同寢，以色列也聽見了。 雅各共有十二個兒子。
23 Leah chapate chu Reuben, Jacob chapa apeng masa pen, Simeon, Levi, Judah, Issachar chule Zebulun ahiuve.
利亞所生的是雅各的長子呂便，還有西緬、利未、猶大、以薩迦、西布倫。
24 Rachel chapate ni chu Joseph le Benjamin ahi lhon'e.
拉結所生的是約瑟、便雅憫。
25 Rachel sohnu Bilhah chapate nichu Dan le Naphtali ahilhon in,
拉結的使女辟拉所生的是但、拿弗他利。
26 Leah sohnu Zilpah chapate ni chu Gad le Asher ahi lhone. Hi chengse hi Jacob'in Padan-Ram gamsunga ahindoh achapate chu ahiuve.
利亞的使女悉帕所生的是迦得、亞設。這是雅各在巴旦‧亞蘭所生的兒子。
27 Hichun Jacob apa Isaac koma ahung kinungle kit tan Mamre a Kiriath-arba gam (Hebron tiajong kisei) phatkhat laia Abraham le Isaac maljin na ana umna'u mun chu ahi.
雅各來到他父親以撒那裏，到了基列‧亞巴的幔利，乃是亞伯拉罕和以撒寄居的地方；基列‧亞巴就是希伯崙。
28 Isaac chu akum kum jakhat le kum som get ana lhing tan ahi.
以撒共活了一百八十歲。
29 Hichun Isaac ahaitan in ahinkho abeitai, anam mite ho jouse ateh akhang abonchauvin a nilhum gei in op cheh un, chuin achate ni Esau le Jacob in avui lhon tai.
以撒年紀老邁，日子滿足，氣絕而死，歸到他列祖那裏。他兩個兒子以掃、雅各把他埋葬了。
