Ezekiel 15

1 Hiti hin kahenga Pakaija kon in thukhat ahung lhunge.

Then the word of the LORD came to me, saying,

2 “Mihem chapa, lengpigui chu thingphung toh iti kitekah thei ding ham? Lengpi gui hi thingphung tahbeh man bang banga kimang thei ding hinam?

“Son of man, how does the wood of the vine surpass any other branch among the trees in the forest?

3 Hiche lengpigui thing chu thilkeuva kisem theija belho leh haipeh ho khaina kisem thei ding hinam?

Can wood be taken from it to make something useful? Or can one make from it a peg on which to hang utensils?

4 Ahipoi, tiding thing in bou akimangjin, hiche jeng jong chu bailam tah in acajou loichel jin ahi.

No, it is cast into the fire for fuel. The fire devours both ends, and the middle is charred. Can it be useful for anything?

5 Lengpigui chu meiya akiti masang hihen, akiti jou hijongleh pannabei ahibouve.

Even when it was whole, it could not be made useful. How much less can it ever be useful when the fire has consumed it and charred it!

6 Chule hiche hi thanei tah Pakai thusei ahi. Jerusalem mite chu gammang thingphung lah a keh langpigui tobangbep bou ahiuve. Pannabei ahiuva kipatna chu keiman akavam dinga meilah a kalelut dingu ahi.

Therefore this is what the Lord GOD says: ‘Like the wood of the vine among the trees of the forest, which I have given to the fire for fuel, so I will give up the people of Jerusalem.

7 Keiman meilah a kon in sohcha jong leu meikou dangkhat lah a lhalut kit thou thou ding ahi. Keiman amaho douna kaki hei teng, nangin keima hi Pakai kahi chu nahet doh ding ahi.

And I will set My face against them. Though they may have escaped the fire, yet another fire will consume them. And when I set My face against them, you will know that I am the LORD.

8 Kamite hi keija dinga tahsan umlou ahi jeh uva gamsung chu mihem chenna lou gam'a kasem ding tia,” keima thanei tah Pakaiyin kasei ahi.

Thus I will make the land desolate, because they have acted unfaithfully,’ declares the Lord GOD.”