Potdohbu 8

1 Pakaiyin Mose heng'a asei jin, “Pharaoh heng ah chen lang hiti hin gasei kit tem in, “Hiche hi Pakai thusei ahi: Kamite soldoh jeng tan, chutileh amahon keima kin abol ding'u ahiye.”

上主又對梅瑟說：「你去見法朗向他說：上主這樣說：你該放我的百姓走，好叫他去崇拜我。

2 “Nahsah moa amaho nasol doh louva ahileh, nagam sung pumpia ukeng kahin lansah ding ahi.”

你若拒絕不放，我要用蝦蟆打擊你的全境。

3 “Nile luidung jong ukeng dimlha jeng ding ahi. Na insung leh na lupna channa hungkal doh diu! Na mite leh na nung jui ho jouse kom channa lhung ding, na chang lhah meh nau jouse'a jong hung lut dimset ding ahiuve.”

河中要滋生蝦蟆，牠們要上來進入你的宮殿和臥室，爬上你的床榻，進入你臣僕和你百姓的房屋，進入你的爐灶和搏麵盆。

4 “Ukengte chung leh nanung juiho jouse chung'a chom le ding'u ahi.”

這些蝦蟆要爬到你、你百姓、你臣僕的身上。」

5 Chuin Pakaiyin Mose heng'a asei jin, “Aaron jah'a sei jin lang, ‘Egypt gamsung pumpi ukeng ten ahinlo dim nading in, natenggol jah in, twinah jouse, twilam jouse leh luidung jouse chu jeptan! Ukengten Egypt gam pumpi hinluo dim tante, tin seipeh in,” ati.

上主對梅瑟說：「你給亞郎說：將你手中的棍杖伸在河、溝渠和池沼之上，使蝦蟆上到埃及地上。」

6 Aaron'in jong Egypt gamsung twi chung'a akhut ajah'in ajep tan ahile, ukengte ahung potdoh'un Egypt gamsung pumpi alodim jeng tan!

亞郎將手一伸在埃及的水上，蝦蟆就上來遮蓋了埃及地。

7 Ahinlah Egypt gam'a mitphel doithem hon jong hitabang chun abolthei uve. Ukengte chu gamsung'a alhalut thei un ahile gam pumpi chu ukengte adim lhatai.

而巫士也用巫術作了同樣的事，使蝦蟆上到了埃及地。

8 Chu phat'in Pharaoh in Mose leh Aaron akouvin hiti hin aseije, “Pakai heng'a tao lhon tan, ajeh chu keima le ka mite jouse'a konna ukengte alah doh na ding in, chu teng keiman namite'u ka soldoh ding, amaho che uva Pakai kin aga bol diu ahi,” ati.

法朗召梅瑟和亞郎來說：「請你們祈求上主，使這些蝦蟆離開我和我的人民，我必放這百姓去祭獻天主。」

9 Mose'n adonbut in, “Nang le na sohte, chule namite ding'a itih phat'a katao ding nei seipeh in ati. Chuteng na in dung jouse'a ukengte Nile vadung lam'a kitol ding ahitai,” ati.

梅瑟回答法朗說：「請給我指定，叫我幾時為你，為你的臣僕和你的人民祈求，使蝦蟆離開你和你的宮殿，而只留在河中! 」

10 Pharaoh'in adonbut in ajah a, “Jing teng bol in,” ati. Mose'n henge, “Nasei bang bang hita hen. Chuti leh nangman keiho Pakai, Pathen tailou dang aum poi ti nahin hetdoh ding ahi,” ati.

法朗說：「明天。」梅瑟回答說：「就照你說的話作，為叫你知道，沒有誰能相似上主，我們的天主。

11 “Ukengten nangma leh na nungjui ho jouse le namite naboncha uva na dalhah diu, Nile luidung a bou umden diu ahi,” ati.

蝦蟆必要離開你，你的宮殿，你的臣僕和你的人民，而只留在河中。」

12 Chuin Mose leh Aaron jong Pharaoh angsung'a kon in achedoh lhon in, Mose chu Pakai lam sang in kap pum in ataovin, Pharaoh le amite akon in ukengte ladoh tan ati.

於是梅瑟和亞郎離開法朗走了。梅瑟遂呼求上主，除去加於法朗的蝦蟆。

13 Pakaiyin Mose taona chu asanpeh tan, indung jouse, lou jao leh gamsung'a ukeng jouse a sumang hel tan ahi.

上主就照梅瑟所求的作了；在房屋、院庭和田地中的蝦蟆都死了。

14 Egypt miten ukeng thisa hochu aloh khom'un ahile gamsung pumpi a uilha jeng tan ahi

人把蝦蟆堆成堆，遍地發出腥臭。

15 Ahinlah Pharaoh'in dinmun ahung oldom taiti ahin hetdoh phat in, angaija bang in a lungthim atah kit tai. Pakaiyin aseidohsa bang in Mose leh Aaron thusei chu anahsah kit tapoi.

法朗見災情減輕，又硬了心，不肯聽梅瑟和法郎的話，正如上主所說。第三災、蚊子

16 Chuin Pakaiyin Mose heng'a asei jin, “Aaron heng'a sei inlang, ‘Na tenggol jandoh in tol lhang jep tem in. Chuteng Egypt gam pumpi'a thousi vaishi chule nen'in ahin lodim jeng ding ahi,” ati.

上主又對梅瑟說：「你給亞郎說：伸你的棍杖擊打地上的塵土，塵土要在埃及全地變成蚊子。」

17 Pakai thupeh bang in Mose leh Aaron'in jong abol lhontan. Aaron'in jong akhut ajah'in atenggol'a tol lham chu ajep'a ahile, thousi vaibong tamtah'in Egypt gam pumpi le gamsa jouse a lodim jeng tan chule boh nen in gamsung alodimjeng in ahi.

他們便照樣作了；亞郎伸手，用棍杖擊打地上塵土，蚊子就來到人和牲畜的身上。埃及全國的塵土都變成了蚊子。

18 Pharaoh doithem choihon atabang bang abolthei jing vang uvin, tunvang alosam tauvin abolthei tapouvin ahi. Thousi vaibong'in mipi hole gamsung'a gancha jouse atomlha tauvin ahi.

巫士也想照樣用巫術產生蚊子，但都沒有成功。蚊子仍留在人和牲畜的身上。

19 Hiti chun doithem choihon jong Pharaoh heng'a asei un, “Hiche hi Pathen khutnung mong ahi,” atitauve. Ahinlah Pharaoh lungthim chu angaija bang'in atah jing na laiye. Pakaiyin a seidoh sa bang in, Pharaoh'injong amaho thusei chu anahsah deh pon ahi.

巫士向法朗說：「這是天主的手指。」但是法朗還是心硬，不肯聽從梅瑟和亞郎，正如上主所說。第四災、狗蠅

20 Chuin Pakaiyin Mose henga hitihin a seikit tai, “Jingkah teng Nile vadung lam'a Pharaoh hung ding chuteng nangman na kimu piding.” Ajah'a Pakaiyin hiti hin asei je: “Kamite soldoh tan, ajeh chu amahon keima kin abol ding'u ahi,” tia nasei ding ahi, ati.

上主對梅瑟說：「明天早晨，法朗往水邊去的時候，你要去見他對他說：上主這樣說：放我的百姓去崇拜我罷!

21 Na soldoh louva ahile, “Keiman namite, nanung juiho chule na insung jousea thousi vaisi kahin lansah ding ahi. Egypt mite in jouse thousi vaisin atomlhah jeng ding, Gam leiset pumpi jong dimlha jeng ding ahi, ati.

你若不放走我的百姓，看，我要叫狗蠅到你和你臣僕，以及你人民身上，進入你的宮殿，埃及人的房屋和他們所在的地方都要充滿狗蠅。

22 Ahinlah kamite chenna Goshen achom beh'a kahoidoh ding ahi. Thousi khatcha lenglut louhel ding ahi. Chuteng leiset pumpin keima hi Pakai kitipa chu kahi ti nahin hetdoh diu ahi,” ati.

那時，我要使我百姓所住的哥笙地例外，在那裏沒有狗蠅，為叫你知道，在地上只有我是上主。

23 Keiman kamite leh na mite kah'a kikhenna ka sem doh ding, “Hiche thil kidang meilchihna hi jing nikho teng soh ding ahi,” ati.

我要將我的百姓同你的百姓分開。明早必發生這奇事。」

24 Pakaiyin aseidoh bang'in aboltan. “Thousi vaibong techun Pharaoh insung, anungjui ho ingsung leh gamsung in jousea a lenglut tauvin adimlha jeng tai.” Thousi vaibong ahon hon in Egypt gamsung'a ahung kitol lut tan ahile gamsung pumpi chu athim lha jeng tan ahi.

上主就這樣行了：成群的狗蠅進了法朗的宮殿和他臣僕的房屋，埃及全境的土地都為狗蠅毀壞。

25 Chuphat in Pharaoh in Mose leh Aaron aga kouvin, hiti hin aseije, “Apha tai! che uvin lang Pakai maicham gasem taovin, ati.” Aman asei jin “Hichu Egypt gamsung'a na bol ding'u ahi,” ati.

法朗又召梅瑟和亞郎來說：「你們去，在此地祭獻你們的天主! 」

26 Mose'n a donbut in hitin aseije, “Hichu adih thei poi. Keihon Ka-Pakaiju le Ka-Pathen'u angsung'a kilhaina maicham kasem diu chu, hiche lai Egypt mite adia thil kitoh thei louding ahiye. Ven! Hitabang thilho pi chu bol taleng'u Egypt miten song'a eise lih gam ding'u ahi,” ati.

梅瑟回答說：「決不能這樣行，因為我們給上主我們的天主所獻的祭物，是埃及人視為不可侵犯的。若是我們在埃及人前祭殺他們視為不可侵犯的東西，他們豈不用石頭打死我們﹖

27 “Ka-Pakaiju leh ka-Pathen'u angsung'a kilhaina hi nithum sung hitei ding ahi, hichu Pakaiyin keima hodia a seidohsa ahi, ati.”

我們要走三天的路程，到曠野裏給上主我們的天主獻祭，全照他吩咐我們的。」

28 Pharaoh'in adonbut in ajah'a hiti hin aseije, “Apha tai, che tauvin,” keiman nangho gamthip noija na-Pakai ju kinbol ding'in kaphal tai, amavang na che gamlhat louhel ding'u ahi. “Tun che uvin lang keima ding in neitao peh'un,” ati.

法朗回答說：「我讓你們到曠野裏給上主你們的天主獻祭，但是不可走的太遠。也請你們為我祈禱。」

29 Mose'n a donbut'in, “Na angsung'a konna ka potdoh ding, jing nikho teng leh nangma akon leh namite chule na insung jouse uva akonna thousi vaisi apot doh na ding'a ka tao tei ding ahi, ka gihna ahiye nangma Pharaoh in jong nei joulhep da uvin lang Israel miten jong Pakai dia kilhaina hi boldao hen na tilou beh ding ahi,” ati.

梅瑟說：「我現在辭別你去祈求上上主，明天狗蠅將會離開陛下，你的臣僕和你的人民，但希望陛下不再欺騙，不放百性去給上主獻祭。」

30 Pharaoh angsung'a kon in Mose apotdoh tan, thousi vaibong jouse aki tolmang hel na ding'in aga tao tan ahi.

於是梅瑟離開法朗去祈求上主。

31 Pakaiyin Mose taona'a sanpeh tan, Pharaoh akon, anungjui holeh amite hojousea konin, thousi vaibong abonchan akitolmang tan, khatcha jeng jong akimudoh tapon ahi.

上主便照梅瑟祈求的行了，叫狗蠅離開法朗、他的臣僕和人民，一個也沒有留下。

32 Ahinlah angaiya bang in Pharaoh lungthim atah kit tan ahileh, Israel mipi asol doh deh tapoi.

但是這一次法朗還是心硬，不肯放走百姓。