2 Samuel 23
1 Hiche hohi ahi, leng David’in achaina lama anasei doh thucheng ho chu: Ajeh chu Jesse chapa David’in thusoh ding asei, choisanga umpan thusoh ding asei chu; Jacob Pathen thao nusa, Israel chate lah a lathem penpa chu.
達味的最後遺言如下：葉的兒子達味的神諭，至高者所舉揚的人，雅各伯的天主的受傅者，以色列的善歌詠者的神諭：
2 “Pakai Lhagaovin keiya konin thu aseiyin, ama thuho kakamsunga aum in ahi.
上主的神藉著我說話，的話語在我的唇舌上。
3 Chule Israel Pathenin thu aseiyin, chujongle Israel songpi chun kakoma thu ahin seitai; Thudih'a vaihompa chun Pathen jana neipum in vai ahom in ahi.
雅各伯的天主說過，以色列的磐石曾向我說：那以正義統治人的，那以敬畏天主之情統治人的，
4 Hijeh a chu ama chu achunguva jingkah khovah bangin ahungvah jin, Twimei kailou ni jingkah a jing ninou ahungso abange; chule leiset chunga hamhing le loudong phat-thei sah gotwi hungju lha tobang ahi.
有如日出時的晨光，無雲的黎明，雨後射在綠草地上的光輝。
5 Hitobanga hi keima Insung jong Pathena lhan hilou ham? Ijeh-inem itileh Pathenin atonsot geiya dingin kitepna khat eisempin, thil ijakai hi abih bih chan aumsah soh keiye. Ajeh chu Pathen chun Kei deichat jouse le eipanpi thei jouse akhansah lou ding ham?
的確，我的家必屹立在天主前，因為衪與我結了永久的盟約，妥善而有保證的盟約，衪豈能不給我產生救恩和喜樂。
6 Ahin Pathen hepha lou te vang chu ling le khao kisat tan a kipai mangsa tobang ahiuve, Ijeh-inem itileh amaho hi khut’a kichom khom kit thei louhel ding ahiuve.
但匪徒敗類必像被拋棄的荊棘，誰也不敢去用手拿；
7 Hitobang miho thamkha ding jong chun thih le tengcha akipat ding ahin, abonchauva hi beihela meiya kigouvam hel ding ahiuve,” ati.
誰若去觸動，必用刀或槍柄打伐，而後用火燒盡」。
8 David lengpa sepaite lah a dinga galhat mite chu aminu hicheng hi ahiuve: Joshobeam kitipa chu Hacmonite mi ahin, amahi mi thum lah a alamkai ahi; chule ama hin mi jaget jen tengchan akisat pin abonchan khatvei yin athat gam hel’in ahi.
以下是達味勇將的名單：哈革摩尼人依市巴耳是三傑之首，他一次揮矛擊殺了八百人。
9 Chule ama ban a mihat mithum holah a khat kitpa chu ahile Ahoah chilhah, Dodai chapa Eleazar ahi; ama hi Philistinete galbol dia ahung kikhop’u chun David toh ana pang khomin, chuin Israel chate chu Philistinete masanga akinungtol tauve.
其次為阿曷亞人多多的兒子厄肋阿匝爾，也是三傑之一。有一次他同達味在帕斯達明，當培肋舍特人正在那裏集合準備交戰時，以色列人退卻，
10 Eleazar hi akipan in abantha acholdeh kahsen Philistinete asat chap chap jengin akhut jeng jong chu achemjam chutoh thisanin atomchah jengin ahi; hiche nikho jong chun Pakaiyin Israel chate minthang tah in gal ajosah tai; chule Eleazar nunga chun sepaite thilong chom khom mai maiyin ahung kitol’uve.
他卻固守陣地，擊殺培肋舍特人，直到他的手麻痺無力，貼在刀柄上。上主在那一天使他大獲勝利，民眾折回，在他身後專奪財物。
11 Chule Eleazar ban a mihat athum chan napa chu Shammah ahin, ama hi Harar mi Agee chapa ahiye. Amahi Lehi khoa chun Philistinete galbol din ahung kikhomuvin ahileh, akikhop na’u tolhang dunga chun louthul adimset’in akeh’e; Ahin chimun a chun Israel chate chu Philistinete gin nan ajamtauve.
再其次是哈辣黎人厄拉的兒子沙瑪。那時，培肋舍特人在肋希集合；在口有一塊長滿扁豆的田地。當民眾由培肋舍特心面前逃走時，
12 Ahivang in Shammah hi det tah in apangin, louthul lei laiya chun apang jinge, hiti hin hatah in apang jingin, Philistinete chu athat that jengin ahileh Pakaiyin jong loupi tah in Shammah chu gal ajosah tai.
他獨自立在田間，保護了那塊田地，殺敗了培肋舍特人：如上主又使他大獲勝利。
13 Haosa mi somthum lah a mithum chu achesuh uvin, chang-at phat don hin Adullam songko phunga chun David henga ahunguvin ahileh, Rephaim phaiya chun Philistine sepai hon khat’in ngah mun anasem’uve.
在開始收割時，培肋舍特的軍隊在勒法因平原紮了營，三十勇士中，有三位下到阿杜藍山岩，來見達味。
14 Hiche pet hin David chu kulpi sunga anapange; chujongle Philistine mite sepaiho chu Bethlehem khopia ana pansa uvin ahi.
達味恰在山岩內，而培肋舍特人當時在白冷駐防。
15 Dangchah geovin David chun aseiyin, “Ohe, mihem khat cha behin Bethlehem khopi kulpi kelkot phunga twikula konin twi eihin dop peh hen lang don din eihung petave leh!” ati.
達味渴望著說：「誰能為白冷城門旁的井中，給我打一點水來喝﹖」
16 Hichun hiche mihat mithumho hin Philistinete ngahmun kimlai tah chu atum keh jenguvin Bethlehem khopi kulpi kelkot phunga twikula twi chu agathal’uvin, David henga ahin dop peh tauve. Ahin David chun donjo talouvin atwi chu Pakai lhai nan tol'a asung lhan;
那三位勇士就衝過培肋舍特人的營幕，從白冷城門旁的井裏打了水，將水取來，帶到達味前，但他不肯喝，反而將水奠於上主前，
17 Chulehitin asei tai, “Vo Pakai, keiman hiche twi hi don hih hel inge. Iti ahinkho phal ngam hel a hiche twi thal a che ho thisan tobang hiche hi keiman kadon ding ham?” ati. Hiche jeh chun David’in twi chu adonta poi. Thil hijatpi hi hiche mihat mihangsan mithum ho chun anabol’u ahi.
說：「上主決不許我做這事；我豈能喝那些冒生命危險者的血﹖」所以他不止喝。這是這三位勇士的事。
18 Chujouvin Joab sopipa, Zeruiah chapa Abishai chu mihat som thum lah a lamkaiya anapang ahi. Chule amahin mihem jathum jen chu atengcha akipat’in akisat pin abonchau chun athat gam hel in, mithum ho tilouvin ama jong chu aminthang pen in apangtai.
責魯雅兒子，約阿布的兄弟，阿彼瑟是三十勇士的領袖，他揮舞長矛擊殺了三百人，因此，在三十勇士中出了名。
19 Mihat som thum lah a jong ama hi aminthang pen tah a pang ahi. Hijeh chun ama hi amaho gal lamkaiyin jong apange; mihat thumho lah a ajaolou vang'in.
他是三十勇士中最出名的，所以做了他們的領袖，但尚不及前三傑。
20 Kabzeel khoa mi Jehoiada chapa Benaiah kitipa jong chu gal-hang tah mi ahin, chule thil nasa tah tah boldoh jeng thei ahi; amahin Moab mi sakei tobang ni athat’in, chujouvin nikhat hi buhbang lhah nin achesuh in kokhuh sung khat’a sakei bahkai khat agathat kit’e.
約雅達的兒子貝納雅原是卡貝責耳人，是一位英勇，大有作為的人。他擊殺了摩阿布人阿黎耳的兩個兒子，又在下雪天，下到旱井裏打死一隻獅子。
21 Benaiah hin Egypt mi pasal tha hattah le melhoi tah khat jong athat’e. Egypt mipa chun akhut’a tengcha khat akichoi ahin, Benaiah chun tenggol khat akichoiyin ajongsuh jengin, hichun Egypt mipa khuta konin atengcha chu alah peh in ama tengcha ma ma chun hiche Egypt mipa chu athat tai.
他也曾打死了一個埃及大漢。這埃及人手中拿著長矛，他只拿著一棍子，就下去與他對抗，從那埃及人手裏把長矛奪過來，用那長矛將他殺死。
22 Jehoiada chapa Benaiah chun thil hijat hi ana bol in, mihat mi thum lah a chun aman jong minthan na aneitan ahi.
這是約雅達的兒子貝納雅做的事，因此，他在三十勇士中也出了名。
23 Chule ama jong hi mihat somthum lah a aminthang lheh tan, ahivangin mihat thumho lah a chun ajao napoi ahivang in David chun amapa hi ama tahsa vengtup sepai lah a lamkai din apansah tai.
他比三十勇士更有名望，但尚不及前三傑。達味派他作侍衛長。
24 Mihat mi somthum lah a chun Joab sopipa Asahel jong khat anahi. Elhanan ahin, ama hi Bethlehem khoa Dodo chapa ahi.
約雅布的兄弟阿撒耳也是三十勇士中的一位，還有白冷人多多的兒子厄耳哈難，
25 Harod khoa mi Shammah ahin, Harod kho mi ma ma Elika ahin,
哈洛得人沙瑪，哈洛得人厄里卡，
26 Pelon khoa mi Helez ahin, Tekoa khoa mi Ikkesh chapa Ira ahin,
帕耳提人赫肋茲，特科亞人依刻士兒子依辣，
27 Anathoth khoa mi Abiezer ahin, Hushah khoa mi Sibbecai ahin,
阿納托特人阿彼厄則爾，胡沙人息貝開，
28 Ahoah khoa mi Zalmon ahin, Netophah khoa mi Maharai ahin,
阿曷亞人匝耳孟，乃托法人瑪哈賴，
29 Netophah khoa mi Heled chapa Baanah ahin, Benjamin mite Gibeah khoa mi Ribai chapa Ithai ahin,
乃托法人巴托阿納兒子赫肋得，本雅明族基貝亞人黎拜的兒子依泰，
30 Pirathon khoa mi Benaiah ahin, Nahale - Gaash luidung lama kona hung Hurai ahin,
丕辣通人貝納雅，加阿士溪人希待，
31 Arabah khoa kona Abi-albon ahin, Bahurim khoa mi Azmaveth ahin,
貝特阿辣巴人阿彼巴耳，巴胡陵人阿次瑪委特，
32 Shaalbon khoa mi Eliahba ahin, Jashen le Jonathan chapate ahi uvin,
沙耳賓人厄里亞巴，基宗人雅笙，
33 Harar khoa mi Shagee ahin, Harar khoa akon mi mama Sharar chapa Ahiam ahin,
哈辣黎人沙瑪的兒子約納堂，哈辣黎人沙辣爾的兒子阿希揚，
34 Maacah khoa mi Ahasbai chapa Eliphelet ahin, Giloh khoa mi Ahithophel chapa Eliam ahin,
貝特瑪阿加人阿哈斯拜的兒子厄里培肋特，基羅人阿希托費的兒子厄里安，
35 Carmel khoa mi Hezro ahin, Arba khoa mi Paarai ahin,
加爾默耳人赫茲賴，阿辣布人帕阿賴，
36 Zobah khoa mi Nathan chapa Igal ahin Gad mi Bani ahin,
祚巴人約堂的兒子依加耳，加得人巴尼，
37 Ammon mi Zelek ahin, Beeroth khoa mi Naharai ahin, Zeruiah chapa Joab galvonpoa pang pa ahin,
阿孟人責肋克，貝厄洛特人納赫賴，他是責魯貝的兒子約阿布的持戟者；
38 Jattir khoa mi Ira ahin, Jattir kho mi ma ma Gareb ahin,
雅提爾人依辣，雅提爾人加勒布，
39 Hit mi Uriah ahin, abonchauvin somthum le sagi alhinguvin ahi.
赫特人烏黎雅：共計三十七人。
