1 Samuel 23
1 Nikhat David heng’ah thu ahung lhungin, Philistine miten Keilah kho abulu-uvin, chule changpholla chang jouse jong akichomgam tauve, ahung tiuve.
有人告訴達味說：「看，培肋舍特人在攻打刻依拉，搶劫禾場」。
2 David in Pakai koma, “Kagache a kagasat ding ham?” tia adohle, Pakaiyin ahindonbut in, “Henge, chenlang Keilah khopi khu ga huhdoh in,” ati.
達味就求問上主說：「我是否該去攻打這些培肋舍特人﹖」上主回答達味說：「去攻打培肋舍特人，解救刻依拉! 」
3 Ahinlah David asepaiten ajah’a, “Ven eiho Judah gamsung jenga jong kichatah’a um ihiuvin, i-atileh Keilah khoa icheuva hiche Philistine sepaite khujatpi khutoh ikisatto pi thei diu ham?” atiuve.
隨從達味的人對他說：「看，我們在猶大這裏，已惴惴不安；如果到刻依拉去攻打培肋舍特軍隊，更將如何﹖」
4 Hijeh chun David in jong Pakai adongkit in ahile, Pakaiyin ajah’a, “Keilah ah kumsuh un, ajeh chu keiman kapanpia Philistine mite najo dingu ahi,” ati.
達味又求問了上主，上主回答他說：「動身下到刻依拉去，因為已將培肋舍特人交在你手中了! 」
5 Hijeh chun David le asepaite jong Keilah khopi’ah acheuvin, Philistinete agasat’un, mitamtah agathat tauve, chule agancha jouseu ahin kikai’un chule Keilah kho miho jong ahuhdoh un ahi.
達味就和跟隨他的人到刻依拉，攻打培肋舍特人，奪得了他們的牲口，打得他們慘敗，營救了刻依拉的居民。
6 Ahimelech chapa Abiathar chu Keilah khopia kona ahung jamdoh’a David kom ahin jot chun, Thempuvon ompho khat ahin kipohlut in ahi.
那時阿希默肋客的兒子厄貝雅塔爾逃到達味那裏，也下到了刻依拉，手中拿著「厄弗得」
7 David chu Keilah khoah ahung luttai tithu Saul’in ajah phat in, “Aphalheh jenge! Tuavang hi Pathen in kakhutna apehdoh ahitai, ajeh kulpi kaikhumsa, kulpi kikamkhum sung’a David hi ama amachama hung vahlut ahitai,” ati.
有人報告撒烏耳說：「達味到了刻依拉」。撒烏耳便說：「天主真將他交在我手中了，因為他將自己封鎖在一座有門有閂的城裏」。
8 Hitah chun Saul in asepaite jouse akhom khom soh keiyin, Keilah khopi chu ahin nokhum’un, David le asepaite chu aumkhum tauvin ahi
撒烏耳就調集了人民出征，下到刻依拉，要包圍達味和他的部隊。
9 Ahinlah David in Saul thilgon jouse chu ahen, Abiathar thempupa jah’ah, “Thempuvon ompho chu hikomah hinchoiyin,” ati.
達味一知道撒烏耳要陷害他，就給厄貝雅塔爾說：「拿「厄弗得」來! 」
10 Chuin David in, “Vo Pakai Israel Pathen, keima hiche muna kaum jeh hin Saul in Keilah khopia hung’a akhopi hi suhchim ding tohgon aneijin ahi.
然後達味說：「上主，以色列的天主! 你僕人聽說撒烏耳正在籌劃到刻依拉來，為了我的緣故，要毀滅這座城。
11 Hiche kho mite hin keima hi amaho khutna eipehdoh diu ham? Chule Saul hung mong ding hinam? Vo Pakai Israel Pathen, lungsettah in neiseipeh in,” tin ataovin ahi. Chuin Pakaiyin, “Hung ding ahi,” tin adonbut in ahi.
刻依拉居民會將我交在他們手中嗎﹖撒烏耳是否會像你僕人所聽到的下來﹖請上主，以色列的天主，通知你的僕人! 」上主回答說：「他要下來! 」
12 David’in jong, “Keilah khopia lamkaiho hin, keima le kasepaite hohi Saul khutna eipeh doh dingu ham?” tin adong kit’in ahi. Chule Pakaiyin, “Henge amahon napehdoh dingu ahi,” tin ahin donbut in ahi.
達味又問說：「刻依拉的居民，會把我和隨從我的的人，交在撒烏耳手中嗎﹖」上主答說：「他們會把你們交出」。
13 David le amiteho chu jagup vel alhinphat'un, Keilah mun chu adalhauvin thinglhang lang’ah apotdoh’u le David chu jamdoh tai tithu chu Saul lengpan ajahdoh phat in Keilah khopi lam chu anajon tapoi.
達味就動身率領士兵，約有六百人，離開了刻依拉，到處漂流。有人告訴撒烏耳說：「達味從刻依拉逃走了」。撒烏耳遂停止出動。
14 David vang chu gamthip lah ah munthip khat’ah aumin, Ziph gamthip thinglhang gamlah ah chun apansa dentai.
達味住在曠野的深山裏，有時住在齊弗曠野的山中。撒烏耳每日找他，天主沒有將達味交在他手中。
15 Nikhat chu Horesh kom vella David aum pet in, Saul chun David tha ding hollin Ziph lam ahin jon touve tithu ajantan ahi.
達味很是害怕，因為撒烏耳出來，不斷搜索他，當時達味住在齊弗曠野的曷勒士。
16 Hichun Jonathan in jong David kimupia Pathen tahsan tah’a dingdet kheh ding in atilkhou ding in ahol in ahi.
撒烏耳的兒子約納堂動身，到了曷勒士，去見達味，他以天主的名鼓勵達味說：
17 tin Jonathan’in, “Kicha hih in, kapan namudoh jouponte! Nangma Israel te leng nahung hi ding ahi, keima kapa banga nang bana kahi ding ahi, hichu kappa Saul in ahet ahi,” tin ana tilkhouvin ahi.
「不必害怕! 我父撒烏耳的手決拿不住你! 你必要作以色列王，我要在你以下居第二位，連我父撒烏耳也知道這事」。
18 Hijeh chun amanin Pakai masang ah kitepna khat anei lhonin ahi. Chuin Jonathan ain lamah akilen, David vang chu Horesh mun ah aumdentai.
他們二人在上主面前訂了盟約。以後達味仍留在曷勒士，約納堂回了家。
19 Chujouvin Ziph miho chu Gibeah muna Saul hengah acheuvin, David chu apedoh tauvin ahi. “Keihon kiselna mun kaheuve, Ama tuhin Jeshimon lhanglam’a um Hakilah thinglhang gam sung, Horesh kulpi dunga keiho lah’a David kisel ahi,” atiuvin ahi.
有些齊弗人上了基貝亞見撒烏耳，說：「達味不是在我們當中，在曷勒士隱藏著嗎﹖
20 “Vo lengpa naki got chaiya nakigin phat phat’a nahung konsuh’a ahile keihon jong jaonan napanpi ving ting, David chu nangma khut’a pedoh nauvinge,” aga tiuvin ahi.
大王! 現在你隨意下到我們這裏，我們必將他交在大王手中」。
21 Hichun Saul in jong, “Pakaiyin phatthei naboh’u hen, ajeh chu nanghon hibangtah’a keima ding neihin gel khohpeh uve.
撒烏耳答說：「望上主祝福你們，因為你們同情了我。
22 Cheloiyunlang, phatechan gaphochen un, aumna mun, age namun, gahechen set uvin unlang gavechil chet tauvin, ajeh chu, amahi mi kilep themtah ahi.
你們再去查看清楚，看他的腳步急速往哪裏去，因為有人給我說，他非常狡滑。
23 Hijeh chun akisel namun hoilai ham ti, gavechilsoh keijuvin ima jouse he sohkei uvin lang, kahenga hungkit uvin, chutengle keijong, nangho toh kilhona icheuva agamsunga David aumpou pouva ahileh kahol doh teitei ding ahi,” ati.
所以你們去觀察清楚，他藏身的一切地方，確定後，回來見我，我必同一起去，只要他在這地方，我必在猶大各鄉村中搜捕他」。
24 Hijeh chun amaho jong akipatdoh uvin Ziph gamlanga chun Saul sang in anache masa tauve. David le asepaite chu hiche pet’a hi Jeshimon lhang lama Arabah gamsung Ma’on gammang noiya kisel’ah ahiuve.
他們就在撒烏耳以先動身往齊弗去了；達味和他的人那時住在瑪紅曠野，即在曠野南方的荒野原中。
25 Saul le amiten aholle leuve ti David in ajahdoh phat in, gamthip sunglam agamla jep songpi lentah khat sungah alutin, Maon gamthip ah aumtan ahi. Ahinlah Saul chun ana hol jing in ahi.
撒烏耳率領士兵去尋找達味。有人將這事告訴了達味，他就下到轟立瑪紅曠野的山崖間；撒烏耳一聽說，便到瑪紅曠野去追趕達味。
26 Chuin Saul le amite molpang langkhat ah achen, hibangma chun David le aloiho jong molpang lang khat ah acheuvin, chuin Saul le aloiho chun, David le amite chu nailutna matdin aumkul tauvin ahi.
撒烏耳帶領士兵走在山這面，達味帶領他的士兵走在山那邊；達味正在急速逃避撒烏耳時，撒烏耳率領著他的士兵追蹤達味和他的士兵，幾乎要把他們捉住，
27 Ahin Saul heng ah thusoh kin khat ahung lhungin, ajah ah, “Gangtah’in hungin jeh chu Philistine ten gamsung gal hin boltauve,” tin ahung seijun ahi.
就在這時，有一個使者來見撒烏耳說：「快回去，因為培肋舍特已侵入邊境! 」
28 Hijeh chun David nung adella konin Saul akinunglen, Philistine te satdin achetai. Hijeh chun hiche mun chu Sela-hammahlekoth asah tauvin ahi.
撒烏耳遂立即收兵，不再追趕達味，而去迎擊培肋舍特人；因此，人給那地方起名叫「隔離岩」。
29 Chuin David chua kon chun achetouvin Engedi mun dettah sunga achengtai.
達味為那裏上去，住在恩革狄的山寨中。
