Saam 13

1 Aw Bawipa, handy hly nu? Kai na nim hilh hly loet hawh nawh nu? Handy nu na haai na thuh kaw.

2 Handy awh kawpoek ingqawi kqak qu nih nawh myngawi kawseet ing ka awm loet kaw? Handy nu ka qaalkhqi ing kai ami noeng kaw?

3 Aw Bawipa ka Khawsa, ni toek nawhtaw nim hlat lah. Kamik ve dai law sak lah, cek kaa mantaw thihnaak ing ip loet hawh kawng nyng;

4 Cawhtaw ka qaalkhqi ing, “Noeng hawh nyng,” ni tina kawm usaw, kang tluk awh ce ka qaalkhqi zeel hawh kawm uh.

5 Cehlai, amak dyt thai na lungnaak ce cangna nyng; na hulnaak awh kak kawlung zeel hy.

6 Kak khan awh leek saw, Bawipa venawh laa sa vang nyng.