Tingtoeng 78
1 Asaph kah Hlohlai Ka pilnam aw ka olkhueng he hnatun uh lah. Ka ka lamkah olthui dongah na hna hooi uh lah.
| משכיל לאסף האזינה עמי תורתי הטו אזנכם לאמרי פי׃ |
2 Hlamat lamkah olkael te ka ka dongkah neh ka ong vetih ka thaa dae ni.
| אפתחה במשל פי אביעה חידות מני קדם׃ |
3 Tekah te n'yaak uh tih m'ming uh vanbangl a a pa rhoek loh mamih taengah han thui uh.
| אשר שמענו ונדעם ואבותינו ספרו לנו׃ |
4 BOEIPA koehnah, a tlungalnah neh khobaerhambae a saii te, aka thui rhoek loh a ca rhoek lamkah hmailong cadilcahma taengah khaw phah uh boel sih.
| לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃ |
5 Jakob ham laipainah a khueng tih Israel dongah olkhueng la a ling te ni a ca rhoek taengah patoeng ming sak ham a pa rhoek a uen.
| ויקם עדות ביעקב ותורה שם בישראל אשר צוה את אבותינו להודיעם לבניהם׃ |
6 Te daengah ni caldilcahma loh a ming uh eh. Hmailong ah a cun camoe rhoek long khaw a thoh uh puei vetih a ca rhoek taengah a tae pa eh.
| למען ידעו דור אחרון בנים יולדו יקמו ויספרו לבניהם׃ |
7 Te vaengah a uepnah khaw Pathen pum ah a khueh uh vetih Pathen kah khoboe te hnilh uh mah pawh. A olpaek khaw a kueinah uh.
| וישימו באלהים כסלם ולא ישכחו מעללי אל ומצותיו ינצרו׃ |
8 A napa rhoek bangla thinthah neh hlang koek cadil, a lungbuei aka cikngae pawt tih a mueihla loh Pathen aka tangnah mueh cadil la om uh pawt sue.
| ולא יהיו כאבותם דור סורר ומרה דור לא הכין לבו ולא נאמנה את אל רוחו׃ |
9 Liv a aka muk tih aka kaap Ephraim ca rhoek khaw caemrhal tue vaengah a hnuk la bung uh.
| בני אפרים נושקי רומי קשת הפכו ביום קרב׃ |
10 Pathen kah paipi te ngaithuen uh pawt tih a olkhueng neh pongpa ham khaw a aal uh.
| לא שמרו ברית אלהים ובתורתו מאנו ללכת׃ |
11 Te dongah amah kah bibi neh khobaerhambae amih a tueng te a hnilh uh.
| וישכחו עלילותיו ונפלאותיו אשר הראם׃ |
12 Egypt kho Zoan hmuen kah a napa rhoek mikhmuh ah khobaerhambae a saii pah.
| נגד אבותם עשה פלא בארץ מצרים שדה צען׃ |
13 Tuitunli te a phih pah tih amih a kat puei vaengah tui khaw som bangla pai.
| בקע ים ויעבירם ויצב מים כמו נד׃ |
14 Te phoeiah amih te khothaih ah cingmai neh khoyin puet te hmai vang neh a mawt.
| וינחם בענן יומם וכל הלילה באור אש׃ |
15 Khosoek ah lungpang rhoek te a hep pah tih tuidung bangla muep a tul.
| יבקע צרים במדבר וישק כתהמות רבה׃ |
16 Thaelpang khuikah tuicip a thoeng sak tih tuiva tui bangla a hlawn.
| ויוצא נוזלים מסלע ויורד כנהרות מים׃ |
17 Tedae rhamrhae ah Khohni te a koek uh tih a taengah tholh ham koep a koei uh.
| ויוסיפו עוד לחטא לו למרות עליון בציה׃ |
18 Amih kah hinglu dongah caak a hoe uh te khaw a thinko neh Pathen ni a noemcai uh.
| וינסו אל בלבבם לשאל אכל לנפשם׃ |
19 Pathen taengah khaw, “Khosoek khuiah caboei phaih ham Pathen te coeng thai aya?
| וידברו באלהים אמרו היוכל אל לערך שלחן במדבר׃ |
20 Lungpang a boh tih tui a phuet vaengah soklong la long coeng ke. A pilnam ham buh khaw a paek thai vetih maeh a tael pah venim?,” a ti uh tih a thui uh.
| הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃ |
21 BOEIPA loh a yaak vaengah a paan tih Jakob te hmai neh a kolh. Israel taengah khaw thintoek a khuen bal.
| לכן שמע יהוה ויתעבר ואש נשקה ביעקב וגם אף עלה בישראל׃ |
22 Pathen te tangnah uh pawt tih Boeipa kah khangnah dongah a pangtung uh pawt dongah ni.
| כי לא האמינו באלהים ולא בטחו בישועתו׃ |
23 Tedae a sokah khomong te a uen tih vaan thohkhaih rhoi te a ong.
| ויצו שחקים ממעל ודלתי שמים פתח׃ |
24 Te dongah amih kah a cak ham manna a tlan sak tih amih te vaan cangpai a paek.
| וימטר עליהם מן לאכל ודגן שמים נתן למו׃ |
25 Hlang loh rhaelnu buh a caak tih lampu khaw amih ham kodam la a thak pah.
| לחם אבירים אכל איש צידה שלח להם לשבע׃ |
26 Vaan lamkah kanghawn a hlah tih a sarhi neh tuithim yilh khaw a thawn.
| יסע קדים בשמים וינהג בעזו תימן׃ |
27 Te dongah maeh loh laipi bangla, vaa mul long khaw tuitunli kah laivin bangla amih soah tlan tih,
| וימטר עליהם כעפר שאר וכחול ימים עוף כנף׃ |
28 a dap kaepvai kah a lambong lakli ah a hlak pah.
| ויפל בקרב מחנהו סביב למשכנתיו׃ |
29 Te dongah a caak uh tih muep cung uh. Amih kah ngaihlihnah vanbangla amih te a paek.
| ויאכלו וישבעו מאד ותאותם יבא להם׃ |
30 A ka dongah caak a paem uh pueng akhaw amamih kah hoehhamnah te kholong uh tak pawh.
| לא זרו מתאותם עוד אכלם בפיהם׃ |
31 Te dongah Pathen thintoek amih taengla pai. Te vaengah amih khuikah thaomthathueng rhoek te a ngawn tih Israel cadongcaloe rhoek te a tulh.
| ואף אלהים עלה בהם ויהרג במשמניהם ובחורי ישראל הכריע׃ |
32 Te boeih khui lamkah tholh uh bal pueng tih Boeipa kah khobaerhambae te tangnah uh pawh.
| בכל זאת חטאו עוד ולא האמינו בנפלאותיו׃ |
33 Te dongah amih kah khohnin loh a honghi la, a kum khaw lungmitnah neh thok.
| ויכל בהבל ימיהם ושנותם בבהלה׃ |
34 Amih te a ngawn van daengah ni Boeipa te a tlap uh. Mael uh tih Pathen a toem uh.
| אם הרגם ודרשוהו ושבו ושחרו אל׃ |
35 Te daengah amih kah lungpang Pathen neh amih aka tlan Khohni Pathen te a ngaidam uh.
| ויזכרו כי אלהים צורם ואל עליון גאלם׃ |
36 Tedae amah te a ka neh a hloih uh tih a lai neh a taengah laithae uh.
| ויפתוהו בפיהם ובלשונם יכזבו לו׃ |
37 Amih kah lungbuei te khaw Boeipa taengah hong pawt tih a paipi te tangnah uh pawh.
| ולבם לא נכון עמו ולא נאמנו בבריתו׃ |
38 A thinphoei lothaesainah khaw a dawth tih amih te phae pawh. Te dongah a thintoek khaw puet a hnop tih a kosi khaw boeih sah pawh.
| והוא רחום יכפר עון ולא ישחית והרבה להשיב אפו ולא יעיר כל חמתו׃ |
39 Amih te pumsa lah om tih yilh loh a khum phoeiah ha mael pawt te khaw a poek.
| ויזכר כי בשר המה רוח הולך ולא ישוב׃ |
40 Khosoek ah Boeipa mat a koek uh vanbangla khopong ah Boeipa te a noih uh.
| כמה ימרוהו במדבר יעציבוהו בישימון׃ |
41 Te dongah Pathen te koekthoek a noemcai uh tih Israel kah hlang Cim te a phen uh.
| וישובו וינסו אל וקדוש ישראל התוו׃ |
42 Rhal khui lamkah Boeipa kut loh amih a lat khohnin te poek uh pawh.
| לא זכרו את ידו יום אשר פדם מני צר׃ |
43 Amah kah miknoek te Egypt ah, kopoekrhai hno khaw Zoan hmuen ah a tueng sak.
| אשר שם במצרים אתותיו ומופתיו בשדה צען׃ |
44 A sokko khaw thii la a poeh sak tih tuicip kangna khaw o uh thai pawh.
| ויהפך לדם יאריהם ונזליהם בל ישתיון׃ |
45 Amih aka yok ham pil neh amih aka phae ham bukak khaw a hlah pah.
| ישלח בהם ערב ויאכלם וצפרדע ותשחיתם׃ |
46 A cangthaih te phol taengla, a thaphu khaw kaisih taengla a paek pah.
| ויתן לחסיל יבולם ויגיעם לארבה׃ |
47 Amih kah misur te rhael neh, a thaihae khaw tlansing neh a ngawn pah.
| יהרג בברד גפנם ושקמותם בחנמל׃ |
48 A rhamsa te rhael taengla, a boiva khaw rhaekhmai taengla a uup pah.
| ויסגר לברד בעירם ומקניהם לרשפים׃ |
49 A thintoek thinsa kah a thinpom khaw, yoethae puencawn rhoi at kah kosi neh citcai te khaw amih taengah a sah.
| ישלח בם חרון אפו עברה וזעם וצרה משלחת מלאכי רעים׃ |
50 A thintoek ham a hawn a saelh coeng. Amih kah hinglu te dueknah lamkah khaw hnaih pawh. Te dongah a hingnah te duektahaw taengla a paek pah.
| יפלס נתיב לאפו לא חשך ממות נפשם וחיתם לדבר הסגיר׃ |
51 Egypt kah caming boeih neh Ham dap kah thahuem tanglue te a ngawn pah.
| ויך כל בכור במצרים ראשית אונים באהלי חם׃ |
52 Tedae a pilnam te boiva bangla a khuen tih khosoek khuiah tuping bangla a hmaithawn.
| ויסע כצאן עמו וינהגם כעדר במדבר׃ |
53 Amih te ngaikhuek la a mawt tih rhih uh pawt dae a thunkha rhoek te tuitunli loh a khuk.
| וינחם לבטח ולא פחדו ואת אויביהם כסה הים׃ |
54 Te dongah amah kah bantang kut neh a men tlang cim khorhi la amih te a khuen.
| ויביאם אל גבול קדשו הר זה קנתה ימינו׃ |
55 Namtom rhoek te amih hmai lamkah a haek pah tih rho la rhilong te a suem pah. Te dongah Israel koca loh amih kah dap ah kho a sakuh.
| ויגרש מפניהם גוים ויפילם בחבל נחלה וישכן באהליהם שבטי ישראל׃ |
56 Tedae Khohni Pathen te a noemcai uh tih a koek uh, a olphong khaw khoem uh pawh.
| וינסו וימרו את אלהים עליון ועדותיו לא שמרו׃ |
57 A napa rhoek bangla balkhong uh tih hnukpoh uh. Lii a pawl la poeh uh.
| ויסגו ויבגדו כאבותם נהפכו כקשת רמיה׃ |
58 A hmuensang neh Boeipa a veet uh tih a mueidaep neh a thatlai sakuh.
| ויכעיסוהו בבמותם ובפסיליהם יקניאוהו׃ |
59 Pathen loh a yaak vaengah lungoe tih Israel te rhep a hnawt.
| שמע אלהים ויתעבר וימאס מאד בישראל׃ |
60 Te dongah Shiloh pohmuen neh hlang lakli kah a khueh dap te a phap sut.
| ויטש משכן שלו אהל שכן באדם׃ |
61 A sarhi te tamna la, a thangpomnah khaw rhal kut khuila a paek pah.
| ויתן לשבי עזו ותפארתו ביד צר׃ |
62 A pilnam te cunghang taengla a tloeng tih a rho taengah khaw lungoe.
| ויסגר לחרב עמו ובנחלתו התעבר׃ |
63 Tongpang rhoek te hmai loh a hlawp dongah oila rhoek thangthen uh pawh.
| בחוריו אכלה אש ובתולתיו לא הוללו׃ |
64 A khosoih rhoek te cunghang dongah cungku uh tih a nuhmai rhoek khaw rhap uh pawh.
| כהניו בחרב נפלו ואלמנתיו לא תבכינה׃ |
65 Te vaengah Boeipa loh aka ip muelh bangla, misurtui neh aka tamhoe hlangrhalh bangla haenghang.
| ויקץ כישן אדני כגבור מתרונן מיין׃ |
66 A rhal rhoek te tloep a tloek tih amih te kumhal kokhahnah la a khueh.
| ויך צריו אחור חרפת עולם נתן למו׃ |
67 Joseph kah dap khaw a hnawt tih Ephraim kah mancai te a tuek tloe moenih.
| וימאס באהל יוסף ובשבט אפרים לא בחר׃ |
68 Tedae a lungnah Zion tlang kah Judah mancai te a tuek.
| ויבחר את שבט יהודה את הר ציון אשר אהב׃ |
69 Te dongah a rhokso te a sang la a sak tih kumhal due diklai bangla a suen.
| ויבן כמו רמים מקדשו כארץ יסדה לעולם׃ |
70 A sal David te a tuek dongah boiva vongup lamkah a loh.
| ויבחר בדוד עבדו ויקחהו ממכלאת צאן׃ |
71 A pilnam Jakob neh a rho Israel te luem puei ham ni anih te cacun hnuk lamkah a khuen.
| מאחר עלות הביאו לרעות ביעקב עמו ובישראל נחלתו׃ |
72 Te dongah a thinko neh amih te a luem puei tih, a kut kah a lungcuei neh a mawt.
| וירעם כתם לבבו ובתבונות כפיו ינחם׃ |
