Tingtoeng 129

1 Tangtlaeng Laa Ka camoe lamloh kai mat n'daengdaeh he Israel loh thui laeh saeh.

2 Ka camoe lamloh kai he mat n'daengdaeh uh dae kai he n'noeng moenih.

3 Ka uen soah a thoe a thoe uh tih a hma sokah a hma te a yoe uh.

4 Aka dueng BOEIPA loh halang rhoek kah rhuivaeh te a tlueh pah.

5 Zion aka thiinah rhoek boeih tah yahpok uh saeh lamtah a hnuk la balkhong uh saeh.

6 Imphu kah sulrham bangla om saeh. Te tah amah hmuen ah a rhae la a phuk.

7 Te te a ah tih a ban neh a kulup akhaw a kutpha dongah a bae moenih.

8 Te vaengah aka kongpa rhoek loh, “Nangmih soah BOEIPA kah yoethennah om saeh. BOEIPA ming neh nangmih te yoethen kan paek uh,” ti uh boel saeh.