Tingtoeng 114

1 Egypt lamloh Israel, kholong ol cal pilnam lamloh Jakob imkhui ha pai vaengah;

2 A hmuencim la Judah, a khohung la Israel a om pah.

3 Tuitunli loh a hmuh vaengah rhaelrham tih, Jordan khaw a hnuk la mael.

4 Tlang rhoek khaw som rhoek kah tutal rhoek neh, boiva ca bangla na cungpet uh.

5 Tuitunli nang te bahamnim na rhaelrham, Jordan long khaw a hnuk la na mael?

6 Tlang rhoek khaw som rhoek kah tutal rhoek neh, boiva ca bangla na cungpet uh.

7 Diklai nang Boeipa mikhmuh neh, Jakob Pathen mikhmuh ah thuen lah.

8 Anih loh lungpang te tuibap tui la, hmailung khaw tuisih tui la a coeng sak.