< Suencuek 36 >

1 Tahae kah he Esau Edom te kah rhuirhong rhoek ni. 2 Esau loh Kanaan nu khuikah, Khitti Elon canu Adah neh Khivee hoel Zibeon kah a ca Anah canu Oholibamah, 3 Ishmael nu Basemath, Nebaioth ngannu te a yuu la a loh. 4 Te vaengah Esau ham Adah loh Eliphaz a sak pah tih Basemath loh Reuel te a sak. 5 Oholibamah long khaw Jeush, Jalam, neh Korah te a sak. Amih he tah Kanaan kho ah a cun Esau ca rhoek ni. 6 Te phoeiah Esau loh a yuu rhoek khaw, a ca tongpa rhoek khaw, a ca huta rhoek khaw, a im kah hinglu boeih neh boiva khaw, rhamsa boeih khaw, Kanaan kho ah a dang hnopai boeih khaw a khuen tih a mana Jakob mikhmuh lamloh kho tloe la cet. 7 Amih kah khuehtawn aka om te a yet hang atah tun khosak ham khaw, a lampahnah khohmuen loh amih kah boiva hman ah amih te khuut ham a noeng moenih. 8 Te dongah Esau loh Seir tlang ah kho a sak. Esau te tah Edom ni. 9 Tahae kah rhoek he Seir tlang kah Edom napa Esau kah rhuirhong rhoek ni. 10 Esau ca rhoek kah a ming he, a yuu Adah capa te Eliphaz, a yuu Basemath capa te Reuel tih, 11 Eliphaz ca rhoek la Teman, Omar, Zepho, Gatam neh Kenaz tila om uh. 12 Timna khaw Esau capa Eliphaz kah a yula la om tih Eliphaz ham Amalek a sak pah. Amih te Esau yuu Adah koca rhoek ni. 13 Te phoeiah Reuel ca rhoek he Nahath, Zerah, Shammah, Mizzah om tih, amih he Esau yuu Basemath ko la om uh. 14 Esau yuu, Zibeon nu Anah canu Oholibamah ca rhoek he khaw om uh tih, Esau ham Jeush, Jalam, Korah a sak pah. 15 Esau cadil khuikah khoboei rhoek he tah, Esau caming Eliphaz koca ah khoboei Teman, khoboei Omar, khoboei Zepho, khoboei Kenaz, 16 khoboei Korah, khoboei Gatam, khoboei Amalek om tih amih te tah Edom kho kah Eliphaz khoboei, Adah ko rhoek ni. 17 Esau capa Reuel koca rhoek he khaw, khoboei Nahath, khoboei Zerah, khoboei Shammah, khoboei Mizzah om tih amih he Edom kho kah Esau yuu Basemath ko Reuel khoboei rhoek ni. 18 Esau yuu Oholibamah kah ca rhoek khaw khoboei Jeush, khoboei Jalam, khoboei Korah om tih amih he Esau yuu, Anah nu, Oholibamah ko kah khoboei rhoek ni. 19 He rhoek he tah Esau Edom ca rhoek neh amamih kah khoboei rhoek ni. 20 Hekah rhoek he tah Lotan, Shobal, Zibeon, Anah, 21 Dishon, Ezer, Dishan paengpang kah kho aka sa Khori hoel Seir ca rhoek tih Edom kho kah Seir koca, Khori khoboei rhoek ni. 22 Lotan ca rhoi khaw Khori neh Hemam om tih Timna he Lotan ngannu ni. 23 Shobal ca rhoek he khaw Alvan, Manahath, Ebal, Shepho, Onam om. 24 Zibeon ca rhoek khaw Aiah neh Anah om tih Anah loh he a napa Zibeon kah laak a luem vaengah khosoek ah tuibae sih a hmuh. 25 Anah ca rhoek khaw Dishon neh Anah canu Oholibamah te om. 26 Te phoeiah Dishon koca rhoek he Hemdan, Eshban, Ithran neh Keran om. 27 Ezer koca rhoek he Bilhan, Zaavan neh Akan om. 28 Dishan koca he Uz neh Aran. 29 Khori khoboei rhoek la khoboei Lotan, khoboei Shobal, khoboei Zibeon, khoboei Anah. 30 khoboei Dishon, khoboei Ezer, khoboei Dishan om tih amih he tah Seir kho ah khoboei la aka om Khori khoboei rhoek ni. 31 Tedae phoeiah Israel ca khuikah manghai la pakhat khaw a manghai uh hlanah Edom kho ah manghai la aka ngol manghai rhoek te tah Esau ko rhoek ni. 32 Beor capa Bela loh Edom ah a manghai vaengkah a khopuei ming te tah Dinnabah ni. 33 Bela a duek phoeiah anih hnukthoi la Bozrah kah Zerah capa Jobab te pahoi manghai van. 34 Jobab a duek phoeiah a yuengla Temani kho kah Husham te manghai la om. 35 Husham a duek phoeiah anih yuengla Moab kho kah Midian aka tloek Bedad capa Hadad te manghai la om. Te vaengkah a khopuei ming te Avith ni. 36 Hadad a duek phoeiah anih yuengla Masrekah lamkah Samlah te manghai la om. 37 Samlah a duek phoeiah anih yuengla tuiva kaeng, Rehoboth lamkah Saul loh manghai a bi. 38 Saul a duek phoeiah anih yuengla Akbor capa Baalhanan loh manghai a bi. 39 Akbor capa Baalhanan a duek phoeiah anih yuengla Hadad te manghai. Te vaengkah a khopuei ming te Pau ni. Te phoeiah a yuu ming te tah Mehetebel, Mezahab nu Matred canu ni. 40 Te phoeiah amah hmuen ah amah huiko, amah ming neh aka boei Esau ko kah khoboei rhoek ming te tah, khoboei Timna, khoboei Alva, khoboei Jetheth, 41 khoboei Oholibamah, khoboei Elah, khoboei Pinon, 42 khoboei Kenaz, khoboei Teman, khoboei Mibzar, 43 khoboei Magdiel, khoboei Iram om. Amih he amamih kah a khohut khohmuen kah a tolrhum ah aka boei Edom khoboei rhoek ni. Esau he Edom kah a napa ni.

< Suencuek 36 >