Saam 150

1 Angraeng to saphaw oh. Angmah ih hmuenciim ah Sithaw to saphaw oh; a van thacakhaih to saphaw oh.

2 A thacakhaih hoiah sak ih hmuennawk to saphaw oh; kahoih koek a lensawkhaih baktih toengah, anih to saphaw oh.

3 Mongkah lok hoiah anih to saphaw oh; katoeng tamoi hoiah anih to saphaw oh.

4 Satuem tabaeng moe, hnawhaih hoiah anih to saphaw oh; aqui kacung atuenpawk hoiah anih to saphaw oh.

5 Cingceng bohhaih hoiah anih to saphaw oh; lok kalen cingceng bohhaih hoiah anih to saphaw oh.

6 Hinghaih tawn a sak ih hmuennawk boih mah Angraeng to saphaw o nasoe. Angraeng to saphaw oh.