Y Salmo Sija 84

1 NAGÜINAEYAYON y sagamo, O Señot y inetnon sendalo!

How amiable are thy tabernacles, O Jehovah of hosts!

2 Y antijo tumatanga, magajet na asta ninamalango pot y sagan y Jeova: y corasonjo yan y catneco agagange y lâlâlâ na Yuus.

My soul longs, yea, even faints for the courts of Jehovah. My heart and my flesh cry out to the living God.

3 Magajet y gorrión mañoda gumaña, yan y golondrina chenchonña para güiya, anae siña mapolo y famaguonña, esta y jalom y attatmo, O Señot y inetnon sendalo, Rayjo yan Yuusso.

Yea, the sparrow has found her a house, and the swallow a nest for herself where she may lay her young, even thine altars, O Jehovah of hosts, my King and my God.

4 Mandichoso ayo sija y mañasaga gui jalom y guimamo; sa sigueja di malabajao:

Blessed are those who dwell in thy house. They will still be praising thee. (Selah)

5 Dichoso y taotao ni y minetgotña gaegue guiya jago: yan y chalan para jago gaegue gui corasonña.

Blessed is the man whose strength is in thee, in whose heart are the highways to Zion.

6 Ni y anae janafanmalofan gui inanaco bayen tinangis jafatinase tupo sija; ya y taftaf na ichan locue tinampe ni y bendision.

Passing through the valley of weeping they make it a place of springs. Yea, the early rain covers it with blessings.

7 Manjanao guinin y manasiña minetgot asta y otro minetgot cada uno guiya sija manmalie gui menan Yuus guiya Sion.

They go from strength to strength; each one of them appears before God in Zion.

8 O Jeova, Yuus y inetnon sendalo, jungog y tinayuyutto: ecungog, O Yuus Jacob. (Sila)

O Jehovah God of hosts, hear my prayer. Give ear, O God of Jacob. (Selah)

9 Lie, O Yuus, patangmame: ya atan y matan y pinalaemo.

Behold, O God our shield, and look upon the face of thine anointed.

10 Sa y un jaane gui sagamo mas mauleg qui un mit. Gañacoja na jupottero gui guima y Yuusso, qui jusaga gui jalom y sagan y manaelaye.

For a day in thy courts is better than a thousand. I had rather be a doorkeeper in the house of my God, than to dwell in the tents of wickedness.

11 Sa y Jeova Yuus, güiya y atdao yan y patang: si Jeova unfannae grasia yan minalag: ti jachoma y manmauleg na güinaja ni y mammamomocat gui tininas.

For Jehovah God is a sun and a shield. Jehovah will give grace and glory. He will withhold no good thing from those who walk uprightly.

12 O Señot y inetnon sendalo, dichoso y taotao ni y umangoco güe guiya jago.

O Jehovah of hosts, blessed is the man who trusts in thee.