Y Salmo Sija 60

1 O Yuus, jago yumutejam, jago gumapotjam papa; guinin lalalojao; O, natalojam guato.

O GOD, thou hast cast us off, thou hast scattered us, thou hast been displeased; O turn thyself to us again.

2 Jago jagasja munamayengyong y tano; jago yumulang; nafanjomlo y yinilangña sija, sa manmayeyengyong.

Thou hast made the earth to tremble; thou hast broken it: heal the breaches thereof; for it shaketh.

3 Unfanue y taotaomo sija ni y manmajetog na güinaja; unnafanguimenjam ni y binon na matulalaejon.

Thou hast shewed thy people hard things: thou hast made us to drink the wine of astonishment.

4 Unnae ayo sija ni y manmaañao nu jago, un bandera para ujatsa pot y minagajet. (Sila)

Thou hast given a banner to them that fear thee, that it may be displayed because of the truth. (Selah)

5 Sa para ufanlibre y güinaeyamo; satba ni y agapa na canaemo, yan opejam.

That thy beloved may be delivered; save with thy right hand, and hear me.

6 Si Yuus sumangan y sinantosña; siempre jumagof; ya siempre judibide iya Siquem, ya jumide y bayen Sucot.

God hath spoken in his holiness; I will rejoice, I will divide Shechem, and mete out the valley of Succoth.

7 Iyoco Galaad, ya iyoco Manases: Efraim y guinegüe y ilujo; Juda y baston minagasso.

Gilead is mine, and Manasseh is mine; Ephraim also is the strength of mine head; Judah is my lawgiver;

8 Moab, y palanggana para jufagagaseyo; y jilo Edom nae juyute y sapatosso: Filistia, agangjao pot guajo.

Moab is my washpot; over Edom will I cast out my shoe: Philistia, triumph thou because of me.

9 Jaye uchinileyo guato gui fitme na siuda? jaye uesgaejonyo guato Edom?

Who will bring me into the strong city? who will lead me into Edom?

10 Mungajao, O Yuus, ni y guinin yumutejam? yan jago, O Yuus, ti jumanao yan y inetnon sendalonmame.

Wilt not thou, O God, which hadst cast us off? and thou, O God, which didst not go out with our armies?

11 Naejam inayuda contra y contrario gui chinatsaga; sa taebale y inayudan taotao.

Give us help from trouble: for vain is the help of man.

12 Guinin as Yuus nae infatinas y minatatnga; sa güiyaja ni ugacha papa y contrarionmame.

Through God we shall do valiantly: for he it is that shall tread down our enemies.