Mga Salmo 77

1 Alang sa pangulong musikero; sunod sa istilo ni Jedutun. Ang salmo ni Asaf. Magtawag ako sa Dios uban sa akong tingog; tawgon ko ang Dios uban sa akong tingog, ug ang akong Dios makadungog kanako.

To the chief music-maker. After Jeduthun. Of Asaph. A Psalm. I was crying to God with my voice; even to God with my voice, and he gave ear to me.

2 Sa adlaw sa akong kalisdanan nangita ako sa Ginoo; sa kagabhion akong gibayaw ang akong mga kamot, ug dili gayod kini makapoyan. Midumili ang akong kalag nga mahupay.

In the day of my trouble, my heart was turned to the Lord: my hand was stretched out in the night without resting; my soul would not be comforted.

3 Naghunahuna ako sa Dios sa dihang ako nag-agulo; naghunahuna ako kaniya sa dihang ako naluya. (Selah)

I will keep God in memory, with sounds of grief; my thoughts are troubled, and my spirit is overcome. (Selah)

4 Imong giablihan ang akong mga mata; dili ako makasulti sa hilabihang kalibog.

You keep my eyes from sleep; I am so troubled that no words come.

5 Naghunahuna ako sa nangaging mga adlaw, mahitungod sa mga adlaw nga dugay nang milabay.

My thoughts go back to the days of the past, to the years which are gone.

6 Sa kagabhion nahinumdoman ko ang usa ka awit nga kaniadto akong giawit. Gipamalandongan ko pag-ayo ug gisulayan sa pagsabot kung unsa ang nahitabo.

The memory of my song comes back to me in the night; my thoughts are moving in my heart; my spirit is searching with care.

7 Isalikway ba ako sa Dios sa kahangtoran? Dili na ba siya magpakita kanako ug pabor?

Will the Lord put me away for ever? will he be kind no longer?

8 Ang iya bang pagkamatinud-anon sa kasabotan mawala na sa hingpit? Napakyas ba ang iyang saad sa kahangtoran?

Is his mercy quite gone for ever? has his word come to nothing?

9 Nakalimot ba ang Dios nga magmaluluy-on? Nasirad-an na ba sa iyang kapungot ang iyang kahangawa? (Selah)

Has God put away the memory of his pity? are his mercies shut up by his wrath? (Selah)

10 Miingon ako, “Mao kini ang akong kagul-anan: ang pagkausab sa tuong kamot sa Labing Halangdon nganhi kanato.”

And I said, It is a weight on my spirit; but I will keep in mind the years of the right hand of the Most High.

11 Apan akong hinumdoman ang imong mga buhat, O Yahweh; hunahunaon ko ang imong kahibulongan nga mga buhat kaniadto.

I will keep in mind the works of Jah: I will keep the memory of your wonders in the past.

12 Pamalandongan ko ang imong mga buhat ug pagahunahunaon ko kini.

I will give thought to all your work, while my mind goes over your acts of power.

13 Ang imong pamaagi, O Dios, balaan; unsa nga dios ang ikatandi sa atong bantogang Dios?

Your way, O God, is holy: what god is so great as our God?

14 Ikaw ang Dios nga naghimo sa mga kahibulongan; gipakita mo sa katawhan ang imong kusog.

You are the God who does works of power: you have made your strength clear to the nations.

15 Gihatagan mo ug kadaogan ang imong katawhan pinaagi sa imong dakong gahom— ang mga kaliwat ni Jacob ug ni Jose. (Selah)

With your arm you have made your people free, the sons of Jacob and Joseph. (Selah)

16 Ang katubigan nakakita kanimo, O Dios; ang katubigan nakakita kanimo, ug nangahadlok (sila) ang kinahiladman nangurog.

The waters saw you, O God; the waters saw you, they were in fear: even the deep was troubled.

17 Ang mga panganod nagbubo ug tubig; ang mapanganorong kawanangan naghatag ug tingog; ang imong mga pana nanagpanglupad.

The clouds sent out water; the skies gave out a sound; truly, your arrows went far and wide.

18 Ang imong gadalugdog nga tingog madungog diha sa hangin; ang kilat midan-ag sa kalibotan, ang yuta mikurog ug nauyog.

The voice of your thunder went rolling on; the world was flaming with the light of the storm; the earth was shaking.

19 Ang imong dalan diha sa dagat ug ang imong agianan diha sa dagkong mga tubig, apan ang imong mga tunob dili makita.

Your way was in the sea, and your road in the great waters; there was no knowledge of your footsteps.

20 Gigiyahan mo ang imong katawhan sama sa panon pinaagi sa kamot ni Moises ug ni Aaron.

You were guiding your people like a flock, by the hand of Moses and Aaron.