Mga Salmo 71

1 Diha kanimo, Yahweh, magdangop ako; ayaw gayod itugot nga mabutang ako sa kaulawan.

בך יהוה חסיתי אל אבושה לעולם׃

2 Luwasa ako ug himoa akong luwas sa imong pagkamatarong; ikiling ang imong igdulungog nganhi kanako ug luwasa ako.

בצדקתך תצילני ותפלטני הטה אלי אזנך והושיעני׃

3 Mahimo kang bato nga akong kadangpan diin kanunay kong adtoan; gihatag mo ang pagmando sa pagluwas kanako, kay ikaw ang akong bato ug akong salipdanan.

היה לי לצור מעון לבוא תמיד צוית להושיעני כי סלעי ומצודתי אתה׃

4 Luwasa ako, akong Dios, gikan sa kamot sa mga daotan, gikan sa kamot sa mga dili matarong ug mapintas.

אלהי פלטני מיד רשע מכף מעול וחומץ׃

5 Tungod kay ikaw ang akong paglaom, Yahweh nga Ginoo. Nagsalig ako kanimo sukad pa sa akong pagkabata.

כי אתה תקותי אדני יהוה מבטחי מנעורי׃

6 Pinaagi kanimo giamoma ako gikan sa tagoangkan; ikaw mao siya nga nagkuha kanako gikan sa tagoangkan sa akong inahan; ang akong pagdayeg kanunay lang nga mahitungod kanimo.

עליך נסמכתי מבטן ממעי אמי אתה גוזי בך תהלתי תמיד׃

7 Ako ang panag-ingnan sa daghang katawhan; ikaw ang akong lig-ong dalangpanan.

כמופת הייתי לרבים ואתה מחסי עז׃

8 Ang akong baba mapuno sa pagdayeg kanimo, sa tanang mga adlaw uban sa imong kadungganan.

ימלא פי תהלתך כל היום תפארתך׃

9 Ayaw ako isalikway sa takna sa akong katigulangon; ayaw ako biyai sa dihang wala na akoy kusog.

אל תשליכני לעת זקנה ככלות כחי אל תעזבני׃

10 Tungod kay ang akong mga kaaway naghisgot mahitungod kanako; kadtong nagalantaw sa akong kinabuhi nagkahiusa sa paglaraw.

כי אמרו אויבי לי ושמרי נפשי נועצו יחדו׃

11 Miingon (sila) “Gipasagdan na siya sa Dios; gukdon ug patyon nato siya, kay wala nay moluwas kaniya.”

לאמר אלהים עזבו רדפו ותפשוהו כי אין מציל׃

12 Dios, ayaw pagpahilayo gikan kanako; akong Dios, pagdali ug tabangi ako.

אלהים אל תרחק ממני אלהי לעזרתי חישה׃

13 Mabutang unta (sila) sa kaulawan ug magun-ob, kadtong nagbatok sa akong kinabuhi; matabonan unta (sila) sa mga pagtamay ug kaulawan, kadtong nagtinguha sa pagpasakit kanako.

יבשו יכלו שטני נפשי יעטו חרפה וכלמה מבקשי רעתי׃

14 Apan kanunay akong molaom kanimo ug modayeg kanimo sa makadaghan.

ואני תמיד איחל והוספתי על כל תהלתך׃

15 Ang akong baba mosulti mahitungod sa imong pagkamatarong ug sa imong kaluwasan sa tanang adlaw, bisan dili ko kini masabtan.

פי יספר צדקתך כל היום תשועתך כי לא ידעתי ספרות׃

16 Moabot ako uban sa makagagahom nga mga buhat ni Yahweh nga Ginoo; isulti ko ang imong pagkamatarong, kanimo lang.

אבוא בגברות אדני יהוה אזכיר צדקתך לבדך׃

17 O Dios, gitudloan mo ako sukad pa sa akong pagkabatan-on; bisan karon akong gimantala ang imong mga kahibulongang gibuhat.

אלהים למדתני מנעורי ועד הנה אגיד נפלאותיך׃

18 Sa pagkatinuod, bisan sa dihang ako matigulang ug ubanon na, Dios, ayaw ako pasagdi, samtang akong ginamantala ang imong kusog ngadto sa mosunod nga mga kaliwatan, ang imong gahom ngadto sa tanan nga moabot.

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

19 Ang imong pagkamatarong man usab, Dios, hataas kaayo; ikaw nga nagbuhat sa dagkong mga butang, O Dios, kinsa man ang sama kanimo?

וצדקתך אלהים עד מרום אשר עשית גדלות אלהים מי כמוך׃

20 Ikaw nga nagpakita kanamo sa daghang makalilisang nga mga kalisdanan maoy modasig kanamo pag-usab ug mobangon kanamo pag-usab gikan sa kinahiladman sa yuta.

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

21 Hinaot nga imong dugangan ang akong kadungganan; balik pag-usab ug hupaya ako.

תרב גדלתי ותסב תנחמני׃

22 Magpasalamat usab ako kanimo dinuyogan sa alpa alang sa imong pagkamasaligan, akong Dios; magaawit ako kanimo sa mga pagdayeg dinuyogan sa alpa, Balaan sa Israel.

גם אני אודך בכלי נבל אמתך אלהי אזמרה לך בכנור קדוש ישראל׃

23 Ang akong mga ngabil magasinggit sa kalipay sa dihang mag-awit ako ug mga pagdayeg alang kanimo—bisan ang akong kalag, nga imong giluwas.

תרננה שפתי כי אזמרה לך ונפשי אשר פדית׃

24 Ang akong dila magalitok usab mahitungod sa imong pagkamatarong sa tanang adlaw; tungod kay napaulawan ug nagkaguliyang (sila) kadtong nagtinguha sa pagpasakit kanako.

גם לשוני כל היום תהגה צדקתך כי בשו כי חפרו מבקשי רעתי׃