< Mga Salmo 124 >

1 “Kung wala pa modapig si Yahweh kanato,” tugoti ang Israelita nga mosulti karon, 2 “kung wala pa modapig si Yahweh kanato sa dihang ang atong mga kaaway mitungha batok kanato, 3 gilamoy na unta kita nila nga buhi sa dihang misilaob ang ilang kaligutgot kanato. 4 Gibanlas na unta kita sa tubig; nalapawan na unta kita sa baha. 5 Nalumos na unta kita sa sulog nga tubig.” 6 Dalaygon si Yahweh, nga wala mitugot nga wataswatason kita pinaagi sa ilang mga ngipon. 7 Sama kita sa mga langgam nga nakaikyas sa lit-ag sa mga mangangayam; ang lit-ag naguba, ug kita nakaikyas. 8 Ang atong panabang anaa kang Yahweh, nga maoy nagbuhat sa langit ug kalibotan.

< Mga Salmo 124 >