Mga Salmo 121

1 Iyahat ko ang akong mga mata sa kabukiran. Asa man maggikan ang akong panabang?

I will lift up mine eyes unto the hills, from whence cometh my help.

2 Ang akong panabang naggikan kang Yahweh, nga maoy nagbuhat sa langit ug kalibotan.

My help cometh from Yhwh, which made heaven and earth.

3 Dili niya itugot nga madalin-as ang imong mga tiil; siya nga nagpanalipod kanimo dili magduka.

He will not suffer thy foot to be moved: he that keepeth thee will not slumber.

4 Tan-awa, ang magbalantay sa Israel dili magduka ni matulog.

Behold, he that keepeth Israel shall neither slumber nor sleep.

5 Si Yahweh ang imong magbalantay; si Yahweh ang landong sa imong tuong kamot.

Yhwh is thy keeper: Yhwh is thy shade upon thy right hand.

6 Ang adlaw dili makapasakit kanimo sa panahon sa adlaw, ni ang bulan panahon sa kagabhion.

The sun shall not smite thee by day, nor the moon by night.

7 Si Yahweh ang manalipod kanimo sa tanan nga kasakitan, ug panalipdan niya ang imong kinabuhi.

Yhwh shall preserve thee from all evil: he shall preserve thy soul.

8 Si Yahweh ang manalipod kanimo sa tanan nimong buhaton sukad karon ug hangtod sa kahangtoran.

Yhwh shall preserve thy going out and thy coming in from this time forth, and even for evermore.