लूका 17
1 फिरी तैनी अपने चेलन सेइं ज़ोवं, “एन न भोइसखे कि लोकन ठोकर न लग्गे, पन अफ़सोस तैस मैन्हु पुड़ ज़ै होरि केरे लेइ ठोकर बनते।
彼は弟子たちに言った，「つまずきのもとがやって来ないということはあり得ないが，自分を通してそれらがやって来るその人は災いだ！
2 तैसेरेलेइ त एन्ने रोड़ू थियूं, कि ढ्लाटेरो ढ्लेइटोल तैसेरे गल्ले उन्ढो छ़ेडतां ते समुन्द्रे मां शैरतां छ़ड्डो गाथो, ताके तै होरि जो ज़ैना विश्वासे मां कमज़ोरन ठोकर न बने।
これら小さな者たちの一人をつまずかせるよりは，首に臼石をかけられて海に投げ込まれる方が，その者にとっては良いだろう。
3 बस्सा हुशार राथ तुस कुन केरतथ, अगर तुश्शो विश्वासी ढ्ला पाप केरते त तैस समझ़ाथ ते अगर तै पापन करां मन फिराए त तैस माफ़ केरा।
注意していなさい。あなたの兄弟があなたに対して罪を犯したなら，彼をとがめなさい。悔い改めたなら，許しなさい。
4 अगर तै एक्की दिहैड़ी मां तेरो सत्ते बार तेरो पाप केरे त अगर तै सत्ते फेरेईं तीं कां एइतां माफ़ी मग्गे त तू सत्ते फेरेईं तैस माफ़ केरां।”
彼が一日に七回あなたに対して罪を犯し，七回戻って来て，『悔い改めます』と言ったとしても，彼を許さなければならない」 。
5 प्रेरितेईं प्रभु सेइं ज़ोवं, “हे प्रभु, इश्शी मद्दत केर कि अस होरे भी मज़बूती सेइं विश्वास केरम।”
使徒たちが主に言った，「わたしたちの信仰を増やしてください」。
6 प्रभु यीशुए ज़ोवं, “अगर तुश्शो विश्वास सिवलारे गलेवे बराबर भी भोलो त तुस इस तूतेरे बुटे जो ज़ोई सकतथ इट्ठां उखड़ ते समुन्द्रे मां लग त तै तुश्शो हुक्म मनेलो।
主は言った，「もしあなた方に一粒のからしの種ほどの信仰があるなら，このイチジクグワの木に，『根こそぎにされて，海に植えられよ』と言えば，それはあなた方に従うだろう。
7 “तुसन मां एरो कौन आए, ज़ेसेरो नौकर ऊडारां बेंतो भोए या गोरू च़ारतो भोए ते ज़ैखन तै ऊडारे मरां घरे एज्जे त तैसेरो मालिक तैस ज़ोए कि, ‘लूशी बिश्श ते रोट्टी खा।’
ところで，あなた方のうちのだれが，畑を耕すか羊の番をする召使いがいるとして，彼が畑から帰って来た時に，『すぐに来て食卓に着きなさい』と言うだろうか。
8 या एन न ज़ोए कि मेरी रोट्टी तियार केरथ ते ज़ां तगर अवं खेइ पीं नन्ना ते ज़ां तगर अवं रेज़्ज़ी नन्ना तू मेरी सेवा केरतो राए, तैल्ला पत्ती तू भी खा?
むしろ，『わたしの夕食を整えなさい。着替えて，わたしが食べたり飲んだりしている間，わたしの給仕をしなさい。その後で，食べたり飲んだりするがよい』と言うのではないか。
9 कुन तै एल्हेरेलेइ नौकरेरू अहसान केरेलो कि, तीं तैन कियूं ज़ैन तीं केरनेरे लेइ ज़ोवरू थियूं?
その召使いが命じられたことを行なったからといって，主人は彼に感謝するだろうか。そうは思えない。
10 एन्च़रे ज़ैखन तुस एन सब केरेले ज़ैस केरनेरो तुसन हुक्म दित्तोरो थियो, त ज़ोथ कि, ‘असां निकम्मे नौकर आम? असेईं तैन्ने कियूं ज़ैन केरनू चाते थिये।’”
同じように，あなた方も，自分に命じられたことすべてを行なった時は，『わたしたちは取るに足りない召使いです。自分の義務を行なったまでです』と言いなさい」 。
11 एक्की फेरे यीशु त कने तैसेरे चेले यरूशलेम नगरेरे पासे च़लोरे थिये। तैना सामरिया ते गलीले इलाके मांमेइं च़लोरे थिये।
彼がエルサレムへの途上にあり，サマリアとガリラヤの境界を通り過ぎていたときのことである。
12 ज़ैखन तैना एक्की ड्लव्वें मां पुज़ने बाले थिये त तैड़ी दश कोढ़ी मैल्ले ज़ैना दूर खेड़ोरे थिये।
ある村に入った時，十人のらい病人たちが彼に出会ったが，彼らは遠くに立っていた。
13 तैनेईं बड़े ज़ोरे सेइं ज़ोवं, “हे यीशु, हे प्रभु, असन पुड़ दया केर।”
彼らは声を上げて言った，「師イエスよ，わたしたちをあわれんでください！」
14 यीशुए तैन लेइतां ज़ोवं, “यरूशलेम नगरेरे मन्दरे मां गाथ ते अपनो आप याजकन हिराथ, ते सच़्च़े एरू भोवं कि गाते बार बत्तां तैन केरू कोढ़ साफ भोइ जेवं।”
彼はそれを見ると，彼らに言った，「行って，自分を祭司たちに見せなさい」 。出かけて行く途中で，彼らは清められた。
15 पन तैन मरां अक कोढ़ी अपनू कोढ़ हेरतां कि, तैसेरू कोढ़ साफ भोरोए खुशी भोइतां बड़े ज़ोरे सेइं परमेशरेरी तारीफ़ केरतो वापस यीशु कां अव
彼らのうちの一人は，自分がいやされたのを見て，大声で神に栄光をささげながら戻って来た。
16 ते यीशुएरे पावन पुड़ दोग्ग रेखतां शुक्र लगो केरने। ए मैन्हु सामरी थियो।
イエスの足もとにひれ伏して，彼に感謝をささげた。しかも，それはサマリア人であった。
17 यीशुए तैस पुच़्छ़ू, “कुन तैन दश कोढ़ी केरू कोढ़ साफ नईं भोवरू? फिरी तैना कोरां जे?
イエスは答えた，「十人が清められたのではなかったか。それなら，九人はどこにいるのか。
18 कुन एस गैर यहूदी मैनेरे अलावा तैन होरन एत्री हिम्मत न अई, कि गेइतां परमेशरेरी महिमा केरम?”
神に栄光をささげるために戻って来たのは，この他国人のほかには見いだせないのか」 。
19 तैखन यीशुए तैस ज़ोवं, “खड़ो उठ ते च़लो गा तीं मीं पुड़ विश्वास कियो तांए तू बेज़्झ़ोरोस।”
それからイエスは彼に言った，「立ち上がって，行きなさい。あなたの信仰があなたをいやした」 。
20 फरीसी लोक यीशु पुच्छ़ने लगे, “कि परमेशरेरू राज़ केइस एजनूए? यीशुए तैन जुवाब दित्तो कि परमेशरेरू राज़ एरू नईं कि कोई तैस लेई बटे।
神の王国はいつ来るのかとファリサイ人たちに尋ねられて，彼は彼らに言った，「神の王国は人目につくようにして来ることはなく，
21 ते ज़ोन कि हेरा इड़ी या उड़ीए एन्च़रे नईं बल्के परमेशरेरू राज़ तुश्शे मझ़ाटे।”
人々が，『見よ，ここだ！』とか，『見よ，あそこだ！』などと言うこともない。というのは，見よ，神の王国はあなた方の中にあるのだ」 。
22 यीशुए अपने चेलन सेइं ज़ोवं, “तै दिहाड़ी भी एजनीए कि, ज़ेइस तुस परमेशरेरी दिहैड़न मरां अक दिहाड़ी हेरनेरी इच्छा रखेले, ज़ेइस मैनेरू मट्ठे यानी अवं वापस एजनोईं, पन तुस न लेई बटेले।
彼は弟子たちに言った，「あなた方が人の子の日々を一日でも見たいと望みながら，それを見ることのできない日々が来るだろう。
23 लोक तुसन सेइं ज़ोले कि, ‘हेरा, मसीह इड़ीए,’ या ‘उड़ीए या हेरा तै इड़ीए!’ पन तुस तैरां न गेइयथ ते न तैन पत्ती न च़ेलथ।
人々はあなた方に，『見よ，ここだ！』とか，『見よ，あそこだ！』などと言うだろう。出かけて行って，彼らの後に従ってはいけない。
24 किजोकि ज़ेन्च़रे बिजली अम्बरे मरां चेमकतां एक्की पासेरां होरि पासे च़ली गाचे, तेन्च़रे मैनेरू मट्ठू यानी अवं तैस दिहैड़ी बांदो भोलो।
いなずまが天の下の一方の端からひらめき出て，天の下の他方の端にまで輝きわたるように，人の子も自分の日にはそのようだからだ。
25 पन ज़रूरीए कि तै पेइले दुःख झ़ैल्ले ते इस ज़मानेरे लोक तैस घटिया समझ़न।
だが，彼はまず多くの苦しみを受け，この世代から退けられなければならない。
26 ते ज़ेरू इश्शे पूर्वज नूहेरे ज़माने मां भोरू थियूं, तेरहु मैनेरे मट्ठेरे ज़माने मां भी भोलू।
ノアの日々に起きたとおり，人の子の日々においてもそのようになるだろう。
27 तेइस भी लोक खाते पीते थिये ते ड्ला भोंते रहते थिये। ते ज़ां तगर नूह किश्ती मां न थियो जोरो तांतगर सब किछ भोतू राव। ते फिरी तूफान अव ते सब किछ खतम भोइ जेवं।
ノアが箱船に入るその日まで，人々は食べたり飲んだり，めとったり嫁いだりしていたが，洪水が来て，彼らすべてを滅ぼしてしまった。
28 ते ज़ेरू इश्शे पूर्वज लूतेरे ज़माने मां भोरू थियूं, कि लोक खाते पीते थिये बुपार केरते, बागां लाते ते घरां बनाने मां मघन थिये।
同じように，ロトの日々に起きたとおりになるだろう。人々は食べたり飲んだり，買ったり売ったり，植えたり建てたりしていたが，
29 पन ज़ैस दिहैड़ी लूत सदोम नगरे मरां बेइर निस्सो त पत्रोवं अम्बरेरां गंधकेरी अग बैखतां सब किछ खतम केरि छ़डू।
ロトがソドムから出て行ったその日に，火と硫黄が天から降ってきて，彼らすべてを滅ぼしてしまった。
30 ते मैनेरे मट्ठू यानी मेरू वापस एजनू भी अचानक भोलू।
人の子が現わされる日にも，同じようになるだろう。
31 “तैस दिहैड़ी ज़ै लाए पुड़ भोलो त तैसेरो माल सबाब अगर घरे मां भोलो त तैस नेने तै अन्तर न एज्जे, ते ज़ै ऊडारे मां भोलो तै भी वापस न गाए।
その日には，屋上にいる者は，家の中に自分の家財があっても，それらを取り出そうとして降りてはいけない。畑にいる者も同じように，後ろを振り向いてはいけない。
32 लूतेरी कुआन्शी सेइं कुन भोवं याद रख्खा।
ロトの妻のことを思い出しなさい！
33 ज़ै अपनि जान बच़ांनेरी कोशिश केरेलो तै तैस गुवालो, ते ज़ै तैस गुवालो तै तैस बच़ालो।
自分の命を救おうと努める者はそれを失い，自分の命を失う者はそれを保つのだ。
34 अवं तुसन सेइं ज़ोताईं कि तैस राती दूई मैन्हु एक्की खट्टी पुड़ झ़ुल्लोरे भोले, ते अक नीयो गालो, ते दुइयोवं तैड़ी रालो।
あなた方に告げるが，その夜，二人の人が一つの寝床にいるだろう。一方は取り去られ，他方は残される。
35 दूई कुआन्शां हिट्लाट पइती भोली त अक नेनीए ते अक तैड़ी छ़डनियें।
二人の女が粉をひいているだろう。一人は取り去られ，一人は残される」 。
36 दूई मैन्हु ऊडारे मां भोले त अक नेनोए ते अक तैड़ी छ़डनोए।”
37 एन शुन्तां तैनेईं यीशुए पुच़्छ़ू, “हे प्रभु असन सेइं ज़ो, एन कोड़ि भोलू?” यीशुए तैन ज़ोवं, “ज़ैड़ी ज़िग्ग भोते तैड़ी इल्लां जम्हां भोइचन।”
彼らは答えて彼に言った，「主よ，どこでですか」。 彼は彼らに言った，「どこでも死体のあるところ，そこにハゲワシたちも集まって来るだろう」 。
