হিতোপদেশ 23
Whanne thou sittist, to ete with the prince, perseyue thou diligentli what thingis ben set bifore thi face,
and sette thou a withholding in thi throte. If netheles thou hast power on thi soule,
desire thou not of his metis, in whom is the breed of `a leesing.
Nyle thou trauele to be maad riche, but sette thou mesure to thi prudence.
5 ৫ তুমি কি অর্থের দিকে দেখছ? তা আর নেই এবং কারণ ঈগল যেমন আকাশে উড়ে যায়, তেমনি ধন নিজের জন্য নিশ্চয়ই পক্ষ তৈরী করে।
Reise not thin iyen to richessis, whiche thou maist not haue; for tho schulen make to hem silf pennes, as of an egle, and tho schulen flee in to heuene.
Ete thou not with an enuyouse man, and desire thou not hise metis;
7 ৭ কারণ সে এমন ধরনের লোক যে খাবারের দাম গণ্য করে; সে তোমাকে বলে, “তুমি খাবার খাও ও পান কর!” কিন্তু তার হৃদয় তোমার সঙ্গে নয়।
for at the licnesse of a fals dyuynour and of a coniectere, he gessith that, that he knowith not. He schal seie to thee, Ete thou and drinke; and his soule is not with thee.
Thou schalt brake out the metis, whiche thou hast ete; and thou schalt leese thi faire wordis.
Speke thou not in the eeris of vnwise men; for thei schulen dispise the teching of thi speche.
Touche thou not the termes of litle children; and entre thou not in to the feeld of fadirles and modirles children.
For the neiybore of hem is strong, and he schal deme her cause ayens thee.
Thin herte entre to techyng, and thin eeris `be redi to the wordis of kunnyng.
Nile thou withdrawe chastisyng fro a child; for thouy thou smyte hym with a yerde, he schal not die.
Thou schalt smyte hym with a yerde, and thou schalt delyuere his soule fro helle. (Sheol h7585)
Mi sone, if thi soule is wijs, myn herte schal haue ioye with thee;
and my reynes schulen make ful out ioye, whanne thi lippis speken riytful thing.
Thin herte sue not synneris; but be thou in the drede of the Lord al dai.
For thou schalt haue hope at the laste, and thin abidyng schal not be don awei.
Mi sone, here thou, and be thou wijs, and dresse thi soule in the weie.
Nyle thou be in the feestis of drinkeris, nether in the ofte etyngis of hem, that bryngen togidere fleischis to ete.
For men yyuynge tent to drinkis, and yyuyng mussels togidere, schulen be waastid, and napping schal be clothid with clothis.
Here thi fadir, that gendride thee; and dispise not thi modir, whanne sche is eld.
Bie thou treuthe, and nyle thou sille wisdom, and doctryn, and vndurstonding.
The fadir of a iust man ioieth ful out with ioie; he that gendride a wijs man, schal be glad in hym.
Thi fadir and thi modir haue ioye, and he that gendride thee, make ful out ioye.
My sone, yyue thin herte to me, and thin iyen kepe my weyes.
For an hoore is a deep diche, and an alien womman is a streit pit.
Sche settith aspie in the weie, as a theef; and sche schal sle hem, whiche sche schal se vnwar.
29 ২৯ কার দুর্ভাগ্য? কে দুঃখ প্রকাশ করে? কে ঝগড়া করে? কে অভিযোগ করে? কে অকারণে আঘাত পায়? কার চোখ লাল হয়?
To whom is wo? to whos fadir is wo? to whom ben chidingis? to whom ben dichis? to whom ben woundis with out cause? to whom is puttyng out of iyen?
Whether not to hem, that dwellen in wyn, and studien to drynke al of cuppis?
Biholde thou not wyn, whanne it sparclith, whanne the colour therof schyneth in a ver.
It entrith swetli, but at the laste it schal bite as an eddre doith, and as a cocatrice it schal schede abrood venyms.
Thin iyen schulen se straunge wymmen, and thi herte schal speke weiwerd thingis.
And thou schalt be as a man slepinge in the myddis of the see, and as a gouernour aslepid, whanne the steere is lost.
35 ৩৫ তুমি বলবে, তারা আমাকে মেরেছে, কিন্তু আমি ব্যথা পাইনি; তারা আমাকে প্রহার করেছে, কিন্তু আমি বুঝতে পারিনি। আমি কখন জেগে উঠব? আর তার খোঁজ করব।
And thou schalt seie, Thei beeten me, but Y hadde not sorewe; thei drowen me, and Y feelide not; whanne schal Y wake out, and Y schal fynde wynes eft?
