Zebur 124

1 «Yuqirigha chiqish naxshisi» Eger biz terepte turghini Perwerdigar bolmighan bolsa, — Ah, Israil shundaq désun —

2 Biz terepte turghini Perwerdigar bolmighan bolsa, Kishiler bizge hujumgha qozghalghanda,

3 Ularning ghezipi bizge tutashqanda, — Shu chaghda ular bizni tirik yutuwétetti;

4 [Shu chaghda] sular bizni gherq qiliwétetti; Kelkün béshimizdin ötetti;

5 Dawalghughan sular béshimizdin ötetti!

6 Perwerdigargha teshekkür-medhiye bolghay! Ularning chishlirigha ow bolushqa bizni qoyup bermidi.

7 Jénimiz tutquchilarning basmiqidin qéchip chiqqan qushtek qachti; Basmaq sundurulup, biz qachtuq!

8 Érishken yardimimiz Perwerdigarning namididur, Asman-zémin Yaratquchining namididur!