Nnwom 22

1 Wɔde ma dwomkyerɛfoɔ. Wɔto no sɛdeɛ wɔto “Adekyeeɛ foroteɛ” dwom. Dawid dwom. Me Onyankopɔn, me Onyankopɔn, adɛn enti na woagya me? Adɛn enti na me nkwagyeɛ ne wo ntam aware, adɛn na mʼapinisie nsɛm ne wo ntam aware?

[For the Chief Musician; set to "The Doe of the Morning." A Psalm by David.] My God, my God, why have you forsaken me? Why are you so far from helping me, and from the words of my groaning?

2 Ao me Onyankopɔn, mesu frɛ wo awia, nanso wonnye me so, mefrɛ wo anadwo, nanso mennya ɔhome.

My God, I cry in the daytime, but you do not answer; in the night season, and am not silent.

3 Nanso, wɔasi wo ɔhene sɛ Ɔkronkronni; wo na Israel kamfo woɔ.

But you are holy, you who inhabit the praises of Israel.

4 Wo mu na yɛn agyanom de wɔn werɛ hyɛeɛ; wɔgyee wo diiɛ, na wogyee wɔn.

Our fathers trusted in you. They trusted, and you delivered them.

5 Wɔsu frɛɛ wo na wogyee wɔn, wɔde wɔn ho too wo so na woanni wɔn hwammɔ.

They cried to you, and escaped. They trusted in you, and were not put to shame.

6 Nanso meyɛ ɔsonsono, na menyɛ onipa nnipa bɔ me ahohora na wɔbu me animtiaa.

But I am a worm, and no man; scorned by people and despised by the people.

7 Obiara a ɔhunu me di me ho fɛw; wɔtwa me adapaa, woso wɔn ti ka sɛ:

All those who see me mock me. They insult me with their lips. They shake their heads, saying,

8 “Ɔde ne ho to Awurade so; ma Awurade mmɛgye no. Ma ɔmmɛboa no, ɛfiri sɛ ɔwɔ ne mu anigyeɛ.”

"He trusts in YHWH; let him deliver him. Let him rescue him, since he delights in him."

9 Wo na woyii me firii awotwaa mu baeɛ na womaa mede me ho too wo so ɛberɛ a metua me maame nufoɔ ano mpo.

But you brought me out of the womb. You made me trust at my mother's breasts.

10 Ɛfiri mʼawoɔ mu na wɔde me too wo soɔ; ɛfiri me maame yafunu mu, woayɛ me Onyankopɔn.

I was thrown on you from my mother's womb. You are my God since my mother bore me.

11 Ntwe wo ho mfiri me ho! Ɛfiri sɛ amaneɛ abɛn na ɔboafoɔ nni baabi.

Do not be far from me, for trouble is near. For there is none to help.

12 Anantwinini bebree atwa me ho ahyia; Basan anantwinini a wɔn ho yɛ den atwa me ho ahyia.

Many bulls have surrounded me. Mighty ones of Bashan have encircled me.

13 Gyata a wɔbobom na wɔtete wɔn ahaboa mu abuebue wɔn anom tɛtrɛɛ de kyerɛ me.

They open their mouths wide against me, like a lion tearing prey and roaring.

14 Wɔahwie me agu sɛ nsuo, na me nnompe nyinaa ahodwo. Mʼakoma adane ayɛ sɛ nku; anane afiri me mu.

I am poured out like water, and all my bones are out of joint. My heart is like wax; it is melted within me.

15 Mʼahoɔden awe te sɛ kyɛmferɛ mu. Na me tɛkrɛma atare mʼanom. Wode me ato owuo mfuturo mu.

My strength is dried up like a potsherd, and my tongue sticks to the roof of my mouth; and you have brought me into the dust of death.

16 Nkraman atwa me ho ahyia nnebɔneyɛfoɔ kuo atwa me ho ahyia, wɔahwire me nsa ne me nan mu.

For many dogs have surrounded me. A company of evildoers have enclosed me. They have pierced my hands and my feet.

17 Mɛtumi akan me nnompe nyinaa; Mʼatamfoɔ di me nhwɛhaa na wɔsere me.

I can count all of my bones. They look and stare at me.

18 Wɔkyɛ me atadeɛ mu fa, na wɔbɔ me ntoma so ntonto.

They divide my clothes among themselves, and for my clothing they cast a lot.

19 Na wo, Ao Awurade, ntwe wo ho. Ao mʼAhoɔden bra ntɛm bɛboa me.

But do not be far off, YHWH. You are my help: hurry to help me.

20 Gye me kra firi akofena ano; gye me nkwa a ɛsom bo no firi nkraman tumi ase.

Deliver my soul from the sword, my precious life from the power of the dog.

21 Gye me nkwa firi gyata anom; gye me firi ɛkoɔ mmɛn so.

Save me from the lion's mouth. Yes, from the horns of the wild oxen, you have answered me.

22 Mɛbɔ wo din akyerɛ me nuanom; mɛkamfo wo wɔ wɔn a wɔahyia hɔ no nyinaa anim.

I will declare your name to my brothers. In the midst of the assembly I will praise you.

23 Monkamfo Awurade, mo a mosuro no no! Mo a moyɛ Yakob asefoɔ, monhyɛ no animuonyam! Mo Israel asefoɔ nyinaa, monni no ni!

You who fear YHWH, praise him. All you descendants of Jacob, glorify him. Revere him, all you descendants of Israel.

24 Ɔmmuu nʼani nguu ɔmanehunufoɔ ateetee so, ɔmfaa nʼanim nhintaa no; na mmom watie ne sufrɛ a ɔde repɛ mmoa.

For he has not despised or detested the affliction of the afflicted, nor has he hidden his face from him; but when he cried to him, he heard.

25 Me botaeɛ a mede yi wo ayɛ wɔ badwa mu no firi wo; mɛdi me bɔhyɛ so wɔ wɔn a wɔsuro wo no anim.

Of you comes my praise in the great assembly. I will pay my vows before those who fear him.

26 Ahiafoɔ bɛdidi na wɔamee; wɔn a wɔhwehwɛ Awurade bɛyi no ayɛ. Mo akoma nnya nkwa daa.

The humble shall eat and be satisfied. They shall praise YHWH who seek after him. Let your hearts live forever.

27 Asase ano nyinaa bɛkae akɔ Awurade nkyɛn, na amanaman no mmusua nyinaa bɛkoto nʼanim,

Every part of the earth shall remember and turn to YHWH, and all the families of the nations shall worship before you.

28 ɛfiri sɛ ahennie wɔ Awurade na ɔdi amanaman so ɔhene.

For the kingdom is YHWH's, and he is the ruler over the nations.

29 Asase so adefoɔ nyinaa bɛdidi na wɔasɔre no; wɔn a wɔkɔ dɔteɛ mu nyinaa bɛbu nkotodwe nʼanim, wɔn a wɔrentumi mma nkwa mu.

All the prosperous of the earth shall eat and worship. All those who go down to the dust shall bow before him; and my soul shall live for him.

30 Nkyirimma nyinaa bɛsom no; wɔbɛka Awurade ho asɛm akyerɛ awoɔ ntoatoasoɔ a ɛdidi soɔ.

Posterity shall serve him. Future generations shall be told about YHWH.

31 Wɔbɛka ne tenenee akyerɛ nnipa a wɔnnya nwoo wɔn ɛfiri sɛ ɔno na wayɛ.

They shall come and shall declare his righteousness to a people that shall be born, for he has done it.