Kwadwom 3
1 Mene ɔbarima a mahunu amane wɔ nʼabufuo abaa ano.
I am the man who has seen affliction by the rod of his wrath.
2 Wapam me afiri ne ho ama manante sum mu na ɛnyɛ hann mu;
He has led me and caused me to walk in darkness, and not in light.
3 Ampa ara wama nsa so atia me mpɛn bebree, ɛda mu nyinaa.
Surely he turns his hand against me, again and again all the day.
4 Wama me wedeɛ ne me nam anyini Na wabubu me nnompe.
He has made my flesh and my skin old. He has broken my bones.
5 Waka me ahyɛ mu, ɔde nwononwono ne ahokyere atwa me ho ahyia.
He has built against me, and encompassed me with gall and travail.
6 Wama matena esum mu sɛ wɔn a wɔawuwu dada no.
He has made me to dwell in dark places, as those who have long been dead.
7 Wato ɔfasuo atwa me ho ahyia enti mentumi nnwane; wagu me nkɔnsɔnkɔnsɔn ama matɔ baha.
He has walled me around, that I cannot go forth. He has made my chain heavy.
8 Mpo sɛ mefrɛ anaasɛ mebɔ mpaeɛ srɛ mmoa a ɔsi me mpaeɛbɔ ano.
Yea, when I cry, and call for help, he shuts out my prayer.
9 Ɔde abotan asi me ɛkwan; wama mʼakwan ayɛ kɔntɔnkye.
He has walled up my ways with hewn stone. He has made my paths crooked.
10 Te sɛ sisi a ɔda hɔ retwɛn, te sɛ gyata a watɛ,
He is to me as a bear lying in wait, as a lion in concealed places.
11 ɔtwee me firi ɛkwan no mu dwerɛɛ me na ɔgyaa me a menni mmoa biara.
He has turned aside my ways, and pulled me in pieces. He has made me desolate.
12 Ɔkuntunuu ne tadua mu na ɔde ne bɛmma kyerɛɛ me so.
He has bent his bow, and set me as a mark for the arrow.
13 Ɔde bɛmma a ɛfiri ne kotokuo mu hwiree mʼakoma mu.
He has caused the shafts of his quiver to enter into my reins.
14 Meyɛɛ asredeɛ maa me nkurɔfoɔ nyinaa; wɔto akutia nnwom de di me ho fɛ ɛda mu nyinaa.
I have become a derision to all my people, and their song all the day.
15 Ɔde nhahan nwononwono ahyɛ me ma. Wama me bɔnwoma anom.
He has filled me with bitterness. He has sated me with wormwood.
16 Ɔde aboseaa abubu me se; na watiatia me so wɔ mfuturo mu.
He has also broken my teeth with gravel stones. He has covered me with ashes.
17 Wɔama asomdwoeɛ abɔ me; na mewerɛ afiri yiedie.
And thou have removed my soul far off from peace. I forgot prosperity.
18 Enti mese, “Mʼanimuonyam asa, deɛ mede mʼani too so Awurade mu no nyinaa.”
And I said, My strength is perished, and my expectation from Jehovah.
19 Mekae mʼamanehunu wɔ mʼakyinkyini mu, nwononwono ne bɔnwoma mu.
Remember my affliction and my misery, the wormwood and the gall.
20 Mekae yie, na me kra aboto wɔ me mu.
My soul still has them in remembrance, and is bowed down within me.
21 Nanso, mekae yei ne saa enti, mewɔ anidasoɔ.
This I recall to my mind, therefore I have hope:
22 Awurade dɔ kɛseɛ enti yɛnnsɛeɛ. Nʼayamhyehyeɛ nni hwammɔ.
It is of Jehovah's loving kindnesses that we are not consumed, because his compassions do not fail.
23 Ɛyɛ foforɔ anɔpa biara; wo nokorɛdie yɛ kɛseɛ.
They are new every morning. Great is thy faithfulness.
24 Meka kyerɛ me ho sɛ, “Awurade yɛ me kyɛfa, enti mɛtwɛn no.”
Jehovah is my portion, says my soul, therefore I will hope in him.
25 Awurade yɛ ma wɔn a wɔn anidasoɔ wɔ ne mu, onipa a ɔhwehwɛ noɔ no;
Jehovah is good to those who wait for him, to the soul who seeks him.
26 Ɛyɛ sɛ wɔyɛ komm de twɛn Awurade nkwagyeɛ.
It is good that a man should hope and quietly wait for the salvation of Jehovah.
27 Ɛyɛ ma ɔbarima sɛ ɔsoa kɔnnua no wɔ ne mmeranteɛ ɛberɛ mu.
It is good for a man that he bear the yoke in his youth.
28 Ma ɔntena ase komm, ɛfiri sɛ Awurade de ato no so.
Let him sit alone and keep silence, because he has laid it upon him.
29 Ma ɔmfa nʼanim nsie wɔ mfuturo mu, ebia anidasoɔ wɔ hɔ.
Let him put his mouth in the dust, if so be there may be hope.
30 Ma ɔmfa nʼafono mma deɛ ɔpɛɛ sɛ ɔbɔ no na ɔnhyɛ no aniwuo.
Let him give his cheek to him who smites him. Let him be filled full with reproach.
31 Na Awurade nto nnipa ntwene koraa.
For the Lord will not cast off forever.
32 Ɛwom, ɔde awerɛhoɔ ba deɛ, nanso ɔbɛnya ayamhyehyeɛ. Ne dɔ kɛseɛ no to rentwa da.
For though he causes grief, yet he will have compassion according to the multitude of his loving kindnesses.
33 Ɔfiri amemenemfe mu de amanehunu anaa awerɛhoɔ brɛ nnipa mma.
For he does not afflict willingly, nor grieve the sons of men.
34 Sɛ wɔde wɔn nan dwerɛ nneduafoɔ a wɔwɔ asase no so a,
To crush under foot all the prisoners of the earth,
35 sɛ wɔtiatia obi ahofadie so wɔ Ɔsorosoroni no anim a,
to turn aside the right of a man before the face of the Most High,
36 anaa sɛ wɔbu obi ntɛnkyea a, Awurade nhunu saa nneɛma yi anaa?
to subvert a man in his cause, the Lord does not approve.
37 Hwan na ɔbɛtumi aka na wama aba mu wɔ ɛberɛ a ɛnyɛ Awurade na ɔhyɛeɛ?
Who is he that says, and it comes to pass, when the Lord does not command it?
38 Ɛnyɛ Ɔsorosoroni no anom na musuo ne nnepa firi anaa?
Out of the mouth of the Most High does there not come evil and good?
39 Adɛn enti na ɛsɛ sɛ ɔteasefoɔ nwiinwii ɛberɛ a wɔatwe nʼaso wɔ ne bɔne ho?
Why does a living man complain, a man for the punishment of his sins?
40 Momma yɛnhwehwɛ yɛn akwan mu na yɛnsɔ nhwɛ, na yɛnsane nkɔ Awurade nkyɛn.
Let us search and try our ways, and turn again to Jehovah.
41 Momma yɛmma yɛn akoma ne yɛn nsa so, nkyerɛ Onyankopɔn wɔ ɔsoro, na yɛnka sɛ:
Let us lift up our heart with our hands to God in the heavens.
42 “Yɛayɛ bɔne, na yɛate atua na woamfa ankyɛ.
We have transgressed and have rebelled. Thou have not pardoned.
43 “Wode abufuo akata wo ho ataa yɛn; na wakunkum a woannya ahummɔborɔ.
Thou have covered with anger and pursued us. Thou have slain; thou have not pitied.
44 Wode wo ho asie omununkum mu enti mpaeɛbɔ biara nnuru wo nkyɛn.
Thou have covered thyself with a cloud, so that no prayer can pass through.
45 Woayɛ yɛn atantanneɛ ne wira wɔ amanaman no mu.
Thou have made us an off-scouring and refuse in the midst of the peoples.
46 “Yɛn atamfoɔ nyinaa abae wɔn anom tɛtrɛɛ de tia yɛn.
All our enemies have opened their mouth wide against us.
47 Yɛabrɛ ne ahunahuna ne akukuruhweaseɛ, mmubuiɛ ne ɔsɛeɛ.”
Fear and the pit have come upon us, devastation and destruction.
48 Me nisuo sene sɛ asutene ɛfiri sɛ wɔasɛe me nkurɔfoɔ.
My eye runs down with streams of water, for the destruction of the daughter of my people.
49 Me nisuo bɛsene ara, na ɛrennyae,
My eye pours down, and does not cease, without any intermission,
50 kɔsi sɛ Awurade bɛhwɛ afiri ɔsoro, na wahu.
till Jehovah looks down, and beholds from heaven.
51 Deɛ mehunu no ma me kra werɛ ho me kuropɔn no mu mmaa nyinaa enti.
My eye stirs my soul, because of all the daughters of my city.
52 Mʼatamfoɔ a menyɛɛ wɔn hwee pampam me sɛ anomaa.
They have chased me grievously like a bird, those who are my enemies without cause.
53 Wɔpɛɛ sɛ wɔtwa me nkwa so na wɔsi me aboɔ wɔ amena mu;
They have cut off my life in the dungeon, and have cast a stone upon me.
54 nsuo bu faa me tiri so, na ɛyɛɛ me sɛdeɛ wɔrewie me.
Waters flowed over my head. I said, I am cut off.
55 Mebɔɔ wo din, Ao Awurade firi amena no ase tɔnn.
I called upon thy name, O Jehovah, out of the lowest dungeon.
56 Wotee me sufrɛ: “Nsi wʼaso wɔ me gyeɛ sufrɛ ho.”
Thou heard my voice. Hide not thine ear at my breathing, at my cry.
57 Wotwe bɛnee me ɛberɛ a mefrɛɛ woɔ no, na wokaa sɛ, “Nsuro.”
Thou drew near in the day that I called upon thee. Thou said, Fear not.
58 Ao Awurade, wodii mʼasɛm maa me; na wogyee me nkwa.
O Lord, thou have pleaded the causes of my soul. Thou have redeemed my life.
59 Woahunu bɔne a wɔayɛ me, Ao Awurade. Di mʼasɛm ma me!
O Jehovah, thou have seen my wrong. Judge thou my cause.
60 Woahunu wɔn aweretɔ no mu den, wɔn pɔ a wɔbɔ tia me no nyinaa.
Thou have seen all their vengeance and all their devices against me.
61 Ao Awurade, woate wɔn sopa, wɔn pɔ a wɔbɔ tia me no nyinaa,
Thou have heard their reproach, O Jehovah, and all their devices against me,
62 deɛ mʼatamfoɔ ka no sɛ asomusɛm na wɔka no brɛoo de tia me da mu nyinaa.
the lips of those who rose up against me, and their device against me all the day.
63 Hwɛ wɔn! Sɛ wɔgyinagyina hɔ anaa sɛ wɔtete hɔ, wɔto akutia nnwom de di me ho fɛw.
Behold thou their sitting down, and their rising up. I am their song.
64 Fa deɛ ɛfata tua wɔn so ka, Ao Awurade, deɛ wɔn nsa ayɛ enti.
Thou will render to them a recompense, O Jehovah, according to the work of their hands.
65 Pirim wɔn akoma, na ma wo nnome mmra wɔn so.
Thou will give them hardness of heart, thy curse to them.
66 Fa abufuo taa wɔn, na sɛe wɔn firi Awurade sorosoro ase.
Thou will pursue them in anger, and destroy them from under the heavens of Jehovah.
