Nnwom 37
1 Dawid dwom. Nhaw wo ho, nnebɔneyɛfo nti; mma wʼani mmmere wɔn a wɔyɛ bɔne;
| לדוד אל-תתחר במרעים אל-תקנא בעשי עולה |
2 Wɔte sɛ sare, ɛrenkyɛ na ahyew, wɔte sɛ dua amono, ɛrenkyɛ na awu.
| כי כחציר מהרה ימלו וכירק דשא יבולון |
3 Fa wo ho to Awurade so na yɛ papa. Tena asase no so na ma wʼani nka asomdwoe adidibea hɔ.
| בטח ביהוה ועשה-טוב שכן-ארץ ורעה אמונה |
4 Ma wʼani nnye wɔ Awurade mu na wama wo nea wo koma pɛ.
| והתענג על-יהוה ויתן-לך משאלת לבך |
5 Fa wʼakwan hyɛ Awurade nsam; na fa wo ho to no so, na ɔno na ɔbɛyɛ:
| גול על-יהוה דרכך ובטח עליו והוא יעשה |
6 ɔbɛma wo treneeyɛ ahyerɛn sɛ adekyee, na wʼatɛntrenee ayɛ sɛ owigyinae.
| והוציא כאור צדקך ומשפטך כצהרים |
7 Yɛ komm wɔ Awurade anim na tɔ wo bo ase twɛn no, nhaw wo ho wɔ wɔn a asi wɔn yiye ho efisɛ wɔnam bɔne akwan so.
| דום ליהוה-- והתחולל-לו אל-תתחר במצליח דרכו באיש עשה מזמות |
8 Mma wo bo mmfuw na gyae abufuwhyew; nhaw wo ho, ekowie bɔne nko ara.
| הרף מאף ועזב חמה אל-תתחר אך-להרע |
9 Wobetwa nnebɔneyɛfo agu, nanso wɔn a wɔn ani da Awurade so no wobenya asase no adi so.
| כי-מרעים יכרתון וקוי יהוה המה יירשו-ארץ |
10 Ɛrenkyɛ, nnebɔneyɛfo bɛyera. Wɔbɛhwehwɛ wɔn, nanso wɔrenhu wɔn.
| ועוד מעט ואין רשע והתבוננת על-מקומו ואיננו |
11 Nanso ahobrɛasefo benya asase no adi so na wɔanya asomdwoe mmoroso.
| וענוים יירשו-ארץ והתענגו על-רב שלום |
12 Amumɔyɛfo bɔ pɔw bɔne tia atreneefo na wɔtwɛre wɔn se gu wɔn so;
| זמם רשע לצדיק וחרק עליו שניו |
13 nanso Awurade serew amumɔyɛfo, na onim sɛ wɔn nna abɛn.
| אדני ישחק-לו כי-ראה כי-יבא יומו |
14 Amumɔyɛfo twe afoa na wokuntun wɔn ta mu sɛ wobekum ahiafo ne mmɔborɔfo, sɛ wobekum wɔn a wɔn akwan teɛ.
| חרב פתחו רשעים-- ודרכו קשתם להפיל עני ואביון לטבוח ישרי-דרך |
15 Nanso wɔn afoa bɛwowɔ wɔn ankasa koma mu, na wɔn ta mu abubu.
| חרבם תבוא בלבם וקשתותם תשברנה |
16 Kakra a atreneefo wɔ no som bo sen amumɔyɛfo bebree ahonya;
| טוב-מעט לצדיק-- מהמון רשעים רבים |
17 efisɛ amumɔyɛfo ahoɔden bɛsa nanso Awurade bɛwowaw atreneefo.
| כי זרועות רשעים תשברנה וסומך צדיקים יהוה |
18 Awurade nim wɔn a wɔn ho nni asɛm no nna, na wɔn agyapade bɛtena hɔ daa.
| יודע יהוה ימי תמימם ונחלתם לעולם תהיה |
19 Ahohiahia bere mu wɔremmrɛ. Ɔkɔm bere mu wobenya ama abu so.
| לא-יבשו בעת רעה ובימי רעבון ישבעו |
20 Nanso amumɔyɛfo bɛyera. Awurade atamfo bɛyɛ sɛ nwura mu nhwiren; wobetu ayera sɛ wusiw.
| כי רשעים יאבדו ואיבי יהוה כיקר כרים כלו בעשן כלו |
21 Amumɔyɛfo pɛ bosea, na wontua, nanso ɔtreneeni de ahummɔbɔ ma;
| לוה רשע ולא ישלם וצדיק חונן ונותן |
22 Wɔn a Awurade ahyira wɔn no benya asase no adi so, na wobetwa wɔn a ɔdome wɔn no agu.
| כי מברכיו יירשו ארץ ומקלליו יכרתו |
23 Sɛ Awurade ani sɔ onipa akwan a, ɔma nʼanammɔntu si pi.
| מיהוה מצעדי-גבר כוננו ודרכו יחפץ |
24 Sɛ ohintiw a ɔrenhwe ase, efisɛ Awurade kura no wɔ ne nsam.
| כי-יפל לא-יוטל כי-יהוה סומך ידו |
25 Na meyɛ aberante, na mprempren mabɔ akwakoraa, na minhuu ɔtreneeni a Awurade apa nʼakyi anaasɛ ne mma resrɛ aduan.
| נער הייתי-- גם-זקנתי ולא-ראיתי צדיק נעזב וזרעו מבקש-לחם |
26 Bere biara ɔyɛ adɔe, na ɔde fɛm kwa; na ne mma benya nhyira.
| כל-היום חונן ומלוה וזרעו לברכה |
27 Twe wo ho fi bɔne ho na yɛ papa na wobɛtena asase no so afebɔɔ.
| סור מרע ועשה-טוב ושכן לעולם |
28 Efisɛ, Awurade pɛ nea ɛteɛ, na ɔrennyaw ne nkurɔfo anokwafo no. Wobenya bammɔ daa nyinaa. Nanso amumɔyɛfo asefo de, wobetwa wɔn agu.
| כי יהוה אהב משפט ולא-יעזב את-חסידיו לעולם נשמרו וזרע רשעים נכרת |
29 Atreneefo benya asase no adi so na wɔatena so afebɔɔ.
| צדיקים יירשו-ארץ וישכנו לעד עליה |
30 Ɔtreneeni ano ka nyansasɛm, na ne tɛkrɛma ka nea ɛteɛ.
| פי-צדיק יהגה חכמה ולשונו תדבר משפט |
31 Ne Nyankopɔn mmara wɔ ne koma mu; wɔn anan nwatiri.
| תורת אלהיו בלבו לא תמעד אשריו |
32 Amumɔyɛfo tetɛw atreneefo hwehwɛ sɛ wobekum wɔn,
| צופה רשע לצדיק ומבקש להמיתו |
33 nanso Awurade nnyaa wɔn mma wɔn, na ɔremma wommu wɔn kumfɔ wɔ asennii.
| יהוה לא-יעזבנו בידו ולא ירשיענו בהשפטו |
34 Montwɛn Awurade na monhwɛ nʼakwan. Ɔbɛma mo so na moanya asase no adi so; sɛ wotwitwa amumɔyɛfo no gu a, mubehu.
| קוה אל-יהוה ושמר דרכו וירוממך לרשת ארץ בהכרת רשעים תראה |
35 Mahu omumɔyɛfo a ɔyɛ basabasa sɛ ɔredi yiye sɛ dua amono a esi asase pa so,
| ראיתי רשע עריץ ומתערה כאזרח רענן |
36 nanso ankyɛ na nʼawiei bae a wonhu no bio; mehwehwɛɛ no, nanso manhu no.
| ויעבר והנה איננו ואבקשהו ולא נמצא |
37 Susuw nea ɔyɛ pɛ ho, na hwɛ nea ɔteɛ; na asomdwoe nipa benya asetena pa daakye.
| שמר-תם וראה ישר כי-אחרית לאיש שלום |
38 Nanso wɔbɛsɛe nnebɔneyɛfo nyinaa; na wɔbɛtɔre wɔn asefo ase.
| ופשעים נשמדו יחדו אחרית רשעים נכרתה |
39 Atreneefo nkwagye fi Awurade ɔne wɔn aban wɔ amanehunu bere mu.
| ותשועת צדיקים מיהוה מעוזם בעת צרה |
40 Awurade boa wɔn na ogye wɔn; oyi wɔn fi amumɔyɛfo nsam, na ogye wɔn nkwa, efisɛ wohintaw wɔ ne mu.
| ויעזרם יהוה ויפלטם יפלטם מרשעים ויושיעם--כי-חסו בו |
