Hiob 39
1 “So wunim bere a bepɔw so mmirekyi wowo? Woahwɛ, ahu bere a ɔforote nyinsɛn ne ba?
| הידעת--עת לדת יעלי-סלע חלל אילות תשמר |
2 So woakan asram dodow a wɔde nyinsɛn? Wunim bere a wɔwo ana?
| תספר ירחים תמלאנה וידעת עת לדתנה |
3 Wɔkotow wowo wɔn mma; wɔn awoko yaw to twa.
| תכרענה ילדיהן תפלחנה חבליהם תשלחנה |
4 Wɔn mma nyin ahoɔden so wɔ wuram; na wogyaw wɔn awofo hɔ a wɔnnsan nkɔ wɔn nkyɛn bio.
| יחלמו בניהם ירבו בבר יצאו ולא-שבו למו |
5 “Hena na ɔma wuram afurum fa ne ho di? Hena na ɔsan ne hama?
| מי-שלח פרא חפשי ומסרות ערוד מי פתח |
6 Mede asase kesee maa no sɛ ne fi, ne nkyene asase tamaa sɛ nʼatenae.
| אשר-שמתי ערבה ביתו ומשכנותיו מלחה |
7 Ɔserew kurom gyegyeegyeyɛ; na ɔnte ɔkafo nteɛteɛmu.
| ישחק להמון קריה תשאות נגש לא ישמע |
8 Okyinkyin mmepɔw no so sɛ ne didibea ɛhɔ na okyin hwehwɛ wura amono biara.
| יתור הרים מרעהו ואחר כל-ירוק ידרוש |
9 “Ɛko bɛpene sɛ ɔbɛsom wo ana? Ɔbɛtena wo mmoa adididaka nkyɛn anadwo ana?
| היאבה רים עבדך אם-ילין על-אבוסך |
10 Wubetumi asa no wɔ funtumfiri so ana? Ɔbɛfɛntɛm aku a ɛda wʼakyi no ana?
| התקשר-רים בתלם עבתו אם-ישדד עמקים אחריך |
11 Wubetumi de wo ho ato no so esiane nʼahoɔden dodo nti? Wubegyaw wʼadwuma a ɛyɛ den no ama no ana?
| התבטח-בו כי-רב כחו ותעזב אליו יגיעך |
12 Wugye di sɛ ɔde wʼaburow bɛba na waboa ano de akɔ awiporowbea ana?
| התאמין בו כי-ישוב (ישיב) זרעך וגרנך יאסף |
13 “Sohori bɔ ne ntaban mu anigye so, nanso wontumi mfa ntoto asukɔnkɔn de ho.
| כנף-רננים נעלסה אם-אברה חסידה ונצה |
14 Ɔtow ne nkesua gu asase so ma mfutuma ka no hyew,
| כי-תעזב לארץ בציה ועל-עפר תחמם |
15 ɛmfa ne ho sɛ ɛnan bi bɛpɛtɛw no, sɛ wuram aboa bi betiatia so.
| ותשכח כי-רגל תזורה וחית השדה תדושה |
16 Ɔbɔ ne mma atirimɔden sɛnea wɔnyɛ ne dea; ɛmfa ne ho sɛ nʼadwuma bɛyɛ ɔkwa,
| הקשיח בניה ללא-לה לריק יגיעה בלי-פחד |
17 efisɛ Onyankopɔn amma no nyansa wamma no nhumu biara.
| כי-השה אלוה חכמה ולא-חלק לה בבינה |
18 Nanso sɛ ɔtrɛw ne ntaban mu tu mmirika a, ɔserew ɔpɔnkɔ ne ne sotefo.
| כעת במרום תמריא תשחק לסוס ולרכבו |
19 “Wo na woma ɔpɔnkɔ no nʼahoɔden anaa woma ne kɔn mu nwi kuhaa no?
| התתן לסוס גבורה התלביש צוארו רעמה |
20 Wo na woma no huruw te sɛ mmoadabi, na ɔde ne nkotɔ hunahuna ana?
| התרעישנו כארבה הוד נחרו אימה |
21 Ɔde ne nan tintim fam dennen, na nʼani gye nʼahoɔden mu, na afei ɔbɔ wura ɔko mu.
| יחפרו בעמק וישיש בכח יצא לקראת-נשק |
22 Ɔmmɔ hu, na onsuro biribiara; ohu afoa a onguan.
| ישחק לפחד ולא יחת ולא-ישוב מפני-חרב |
23 Bɛmma wosow wɔ ne nkyɛn mu boha mu, na peaw ne pɛmɛ nso di ahim wɔ ne ho.
| עליו תרנה אשפה להב חנית וכידון |
24 Ofi ahopere mu de nʼano sisi fam; na sɛ wɔhyɛn torobɛnto a ontumi nnyina faako.
| ברעש ורגז יגמא-ארץ ולא-יאמין כי-קול שופר |
25 Sɛ torobɛnto hyɛn a ɔka se, ‘Wiɛ!’ ɔte ɔko ho hua fi akyirikyiri, ɔsahene no nteɛmu ne ɔko mu osebɔ.
| בדי שפר יאמר האח-- ומרחוק יריח מלחמה רעם שרים ותרועה |
26 “Wo nyansa na ɛma akoroma tu na ɔtrɛw ne ntaban mu fa anafo?
| המבינתך יאבר-נץ יפרש כנפו לתימן |
27 Wo na wohyɛ ɔkɔre ma no tu kɔ sorosoro kɔyɛ ne berebuw wɔ hɔ?
| אם-על-פיך יגביה נשר וכי ירים קנו |
28 Ɔbotan mu na ɔte na ɛhɔ na ɔda; ɔbotan sorɔnsorɔn yɛ nʼabandennen.
| סלע ישכן ויתלנן-- על שן-סלע ומצודה |
29 Ɛhɔ na ofi kɔhwehwɛ nʼaduan; nʼani hu ade a ɛwɔ akyirikyiri.
| משם חפר-אכל למרחוק עיניו יביטו |
30 Mogya yɛ ne mma aduan, na faako a atɔfo wɔ no, ɛhɔ na ɔwɔ.”
| ואפרחו יעלעו-דם ובאשר חללים שם הוא |
