Siope 31

1 “Naʻa ku fai ʻae fuakava mo hoku mata; pea ka kuo pehē, ko e hā te u siofia ai ha taʻahine?

I made a covenant with my eyes; why then should I think upon a maid?

2 He ko e hā ʻae ʻinasi mei he ʻOtua ʻi ʻolunga? Pea mo e tufakanga mei he Māfimafi ʻi ʻolunga?

For what portion of God is there from above? and what inheritance of the Almighty from on high?

3 ‌ʻIkai ʻoku ʻi he kau angahala ʻae malaʻia? Mo e fakaʻauha foʻou ki he kau fai kovi?

Is not destruction to the wicked? and a strange punishment to the workers of iniquity?

4 ‌ʻIkai ʻoku ne ʻiloʻi hoku ngaahi hala, pea lau ʻeku ngaahi laka kotoa pē?

Doth not he see my ways, and count all my steps?

5 “He kapau naʻaku ʻalu ʻi he loi, pea kapau teu veʻe vave ki he kākā;

If I have walked with vanity, or if my foot hath hasted to deceit;

6 Tuku ke fakamamafa au ʻi he meʻa fakatatau totonu, koeʻuhi ke ʻilo ʻe he ʻOtua ʻa ʻeku angatonu.

Let me be weighed in an even balance, that God may know my integrity.

7 He kapau naʻaku laka hē mei he hala, pea muimui hoku loto ki hoku mata, pe piki ha ʻuli ki hoku nima;

If my step hath turned out of the way, and my heart walked after my eyes, and if any blot hath cleaved to my hands;

8 Tuku ai ke u tūtuuʻi kae kai ʻe ha taha kehe; ʻio, ke taʻaki fuʻu hake ʻa hoku taʻu.

Then let me sow, and let another eat; yea, let my offspring be rooted out.

9 “Kapau naʻe kākaaʻi ʻa hoku loto ʻe ha fefine, pe te u toitoi ʻi he matapā ʻo hoku kaungāʻapi;

If my heart hath been deceived by a woman, or if I have laid wait at my neighbour’s door;

10 Pea tuku ke momosi ʻa hoku uaifi mo ha taha, pea mapelu ki ai ha niʻihi kehe.

Then let my wife grind to another, and let others bow down upon her.

11 He ko e hia matea ia, ʻio, ko e angahala ke tautea ʻe he kau fakamaau.

For this is an heinous crime; yea, it is an iniquity to be punished by the judges.

12 He ko e afi ia ʻoku ne kai ʻo aʻu ki he fakaʻauha, pea ʻe ʻosiʻosingamālie ai ʻeku koloa.

For it is a fire that consumeth to destruction, and would root out all my increase.

13 “Kapau naʻaku lumaʻi ʻae meʻa ʻa ʻeku tamaioʻeiki pe ko ʻeku kaunanga, ʻi he ʻena fai mo au.

If I despised the cause of my male or female servant, when they contended with me;

14 Ko e hā ai te u fai ʻoka tuʻu hake ʻae ʻOtua? Pea ʻoka ʻaʻahi ʻe ia, ko e hā te u tali ʻaki ia?

What then shall I do when God riseth up? and when he visiteth, what shall I answer him?

15 He ʻikai naʻe ngaohi ia ʻe ia naʻa ne ngaohi au ʻi he manāva? Pea ʻikai naʻe fakatupu ʻakimaua ʻosi pe ʻi he manāva ʻe he tokotaha?

Did not he that made me in the womb make him? and did not one fashion us in the womb?

16 “Kapau ne u taʻofi ʻae masiva mei heʻenau holi, pe fai ke vaivai ʻae mata ʻoe fefine kuo mate hono husepāniti;

If I have withheld the poor from their desire, or have caused the eyes of the widow to fail;

17 Pea kuo u kai vale haʻaku meʻa siʻi, ʻo ʻikai te ma kai ia mo e tamai mate;

Or have eaten my morsel myself alone, and the fatherless hath not eaten of it;

18 (He ʻoku talu ʻeku lahi hake mo ʻene ʻiate au, ʻo hangē ko haʻane tamai, pea talu ʻeku haʻu mei he manāva ʻo ʻeku faʻē mo ʻeku fakahinohino ia; )

(For from my youth he was brought up with me, as with a father, and I have guided her from my mother’s womb; )

19 Kapau kuo u mamata ki ha taha ʻoku mate koeʻuhi ko e telefua, pe ha masiva taʻehakofu;

If I have seen any perish for want of clothing, or any poor without covering;

20 Kapau naʻe ʻikai tāpuaki au ʻe hono noʻotanga vala, pea ʻikai māfana ia ʻi he fulufulu ʻo ʻeku fanga sipi;

If his loins have not blessed me, and if he hath not been warmed with the fleece of my sheep;

21 Kapau kuo u hiki hoku nima ki he tamai mate, ʻi heʻeku ʻilo ʻoku ou mālohi ʻi he matapā:

If I have lifted up my hand against the fatherless, when I saw my help in the gate:

22 ‌ʻOfa ke homo hoku uma mei hoku hui fohe, pea fesiʻi hoku nima ʻi he hokotanga hui.

Then let my arm fall from my shoulder blade, and my arm be broken from the bone.

23 He ko e fakaʻauha mei he ʻOtua ko e meʻa fakailifia kiate au, pea ko e meʻa ʻi heʻene ngeia naʻe ʻikai te u faʻa kātakiʻi.

For destruction from God was a terror to me, and by reason of his highness I could not endure.

24 “He kapau naʻaku ʻamanaki ki he koula, pe te u pehē ki he koula lelei, ‘Ko hoku falalaʻanga koe;’

If I have made gold my hope, or have said to the fine gold, Thou art my confidence;

25 Kapau naʻaku fiefia ʻi he tupu ʻo lahi ʻeku koloa, pea koeʻuhi kuo maʻu lahi ʻe hoku nima;

If I have rejoiced because my wealth was great, and because my hand had gained much;

26 Kapau naʻaku siofia ʻae laʻā ʻi heʻene ulo, pe ko e māhina ʻoku hāʻele ʻi he ngingila;

If I have beheld the sun when it shined, or the moon walking in brightness;

27 Pea kuo fasiaʻi fufū pe hoku loto, pe ʻuma hoku ngutu ki hoku nima:

And my heart hath been secretly enticed, or my mouth hath kissed my hand:

28 Ko e angahala foki ia ke fakamaauʻi he ka ne pehē, ko ʻeku liʻaki ia ʻae ʻOtua ʻoku ʻi ʻolunga.

This also were an iniquity to be punished by the judge: for I should have denied the God that is above.

29 He kapau naʻaku fiefia ʻi he ʻauha ʻo ia naʻe fehiʻa kiate au, pe te u angahiki ki ai ʻoka moʻua ia ʻe he kovi:

If I have rejoiced at the destruction of him that hated me, or have lifted up myself when evil found him:

30 Ka naʻe ʻikai te u tuku ke angahala ai ʻa hoku ngutu, ʻi he fakaʻamu ke tō ha malaʻia ki hono laumālie.

Neither have I allowed my mouth to sin by wishing a curse to his soul.

31 ‌ʻIkai ʻoku faʻa pehē ʻe heʻeku kau nofoʻanga, Naʻe holi ʻe hai ki haʻane meʻakai pea ʻikai mākona ai?

If the men of my tent have not said, O that we had of his flesh! we cannot be satisfied.

32 Naʻe ʻikai mohe ʻae muli ʻi he hala: ka ne u fakaava hoku matapā ke talia ʻae fononga.

The stranger did not lodge in the street: but I opened my doors to the traveller.

33 He naʻaku fufū koā ʻeku angahala ʻo hangē ko ʻAtama, ʻo fakalilolilo ʻeku hia ʻi hoku fatafata?

If I have covered my transgressions as Adam, by hiding my iniquity in my bosom:

34 Pea te u manavahē ki he fuʻu tokolahi? Pe fakailifiaʻi au ʻe he manuki ʻae ngaahi fānau, ke u longo ai, ʻo taʻehū atu ʻi he matapā?

Did I fear a great multitude, or did the contempt of families terrify me, that I kept silence, and went not out of the door?

35 Taumaiā kuo ʻi ai ha tokotaha ʻe fie fanongo kiate au! Vakai, ko hoku loto ke talia au ʻe he Māfimafi, pea ke fai ha tohi ʻe hoku fili.

O that one would hear me! behold, my desire is, that the Almighty would answer me, and that my adversary had written a book.

36 Ko e moʻoni te u hili ia ki hoku uma, ʻo nonoʻo ia kiate au ʻo hangē ha pale.

Surely I would take it upon my shoulder, and bind it as a crown to me.

37 Te u ʻaʻau atu kiate ia ʻae lau ʻo ʻeku ngaahi laka; te u ʻalu atu ʻo hangē ha ʻeiki ke ofi kiate ia.

I would declare to him the number of my steps; as a prince would I go near to him.

38 He kapau kuo tangi ʻe hoku fonua kiate au, pe lāunga ʻa hono ngaahi keliʻanga;

If my land crieth against me, or its furrows likewise complain;

39 Pea kapau kuo u kai taʻetotongi ʻa hono ngaahi fua, pe te u fakamamahiʻi ʻae laumālie ʻokinautolu naʻe tauhi ki ai:

If I have eaten the fruits of it without money, or have caused its owners to lose their life:

40 ‌ʻOfa ke tupu ai ʻae talatalaʻāmoa ko e fetongi ʻoe uite, mo e ʻakau taʻeʻaonga ko e fetongi ʻoe paʻale.” Kuo ngata ʻae fakamatala ʻa Siope.

Let thistles grow instead of wheat, and weeds instead of barley. The words of Job are ended.