Mga Kawikaan 18

1 Sinumang ihinihiwalay ang kaniyang sarili ay naghahangad ng sariling kagustuhan at siya ay nakikipagtalo sa lahat ng kaisipang may katuturan.

One who isolates himself seeks his own desire and he quarrels with all sound judgment.

2 Hindi nakasusumpong ng kasiyahan sa pag-unawa ang isang hangal maliban sa paghahayag ng laman ng kaniyang puso.

A fool finds no pleasure in understanding, but only in revealing what is in his own heart.

3 Sa pagdating ng masama, kasama niya ay paghamak, kahihiyan at kasiraan.

When a wicked person comes, contempt comes with him— along with shame and reproach.

4 Ang mga salitang mula sa bibig ng tao ay malalim na katubigan, ang bukal na pinagdadaluyan ng karunungan.

The words of a man's mouth are deep waters; the fountain of wisdom is a flowing stream.

5 Hindi mabuti na pumanig sa masama o ang ipagkait ang katarungan sa mga matuwid.

It is not good to be partial to the wicked person, nor to deny justice to the righteous person.

6 Ang labi ng mangmang ay nagdadala ng alitan at ang kaniyang bibig ay nag-aanyaya ng kaguluhan.

A fool's lips bring him conflict and his mouth invites a beating.

7 Ang bibig ng mangmang ay ang kaniyang pagkasira, at ang kaniyang sarili ay nalilinlang ng kaniyang mga labi.

A fool's mouth is his ruin and he ensnares himself with his lips.

8 Ang mga salitang tsismis ay tulad ng masarap na pagkain, bumababa ito sa kaloob-looban ng katawan.

The words of a gossip are like delicious morsels and they go down into the inner parts of the body.

9 Sinumang tamad sa gawain ay kapatid sa taong mapanira.

Also, one who is slack in his work is a brother to the one who destroys the most.

10 Ang pangalan ni Yahweh ay matibay na tore; ang matuwid na tumatakbo patungo rito ay ligtas.

The name of Yahweh is a strong tower; the righteous person runs into it and is safe.

11 Ang kayamanan ng mayaman ay ang kaniyang tanggulang-lungsod, at sa kaniyang imahinasyon ito ay tulad ng isang mataas na pader.

The wealth of the rich is his fortified city and in his imagination it is like a high wall.

12 Bago ang kaniyang pagbagsak, ang puso ng tao ay mapagmataas, pero ang kababaang-loob ay nauuna bago ang karangalan.

Before his downfall a person's heart is proud, but humility comes before honor.

13 Sinumang sumasagot bago pa man makinig ay mangmang at kahiya-hiya.

One who answers before listening— it is his folly and shame.

14 Ang espiritu ng tao ay mananaig sa karamdaman, ngunit ang espiritung mahina, sino ang makatitiis?

A person's spirit will survive sickness, but a broken spirit who can bear it?

15 Ang puso ng matalino ay nagkakamit ng kaalaman at ang pandinig ng marunong ay naghahangad nito.

The heart of the intelligent acquires knowledge and the hearing of the wise seeks it out.

16 Ang kaloob ng tao ay maaaring magbukas ng daan para dalhin siya patungo sa isang mahalagang tao.

A man's gift may open the way and bring him before an important person.

17 Ang unang magsumamo ng kaniyang kaso ay mukhang tama hangga't ang kaniyang kalaban ay dumating at tanungin siya.

The first to plead his case seems right until his opponent comes and questions him.

18 Ang palabunutan ay nag-aayos ng gulo at naghihiwalay ng malalakas na katunggali.

Casting the lot settles disputes and separates strong opponents.

19 Ang kapatid na nasaktan ang damdamin ay mas mahirap na amuin kaysa isang matatag na lungsod, at ang pakikipagtalo ay tulad ng mga harang ng isang kastilyo.

An offended brother is harder to be won than a strong city, and quarreling is like the bars of a castle.

20 Mula sa bunga ng kaniyang bibig, ang kaniyang tiyan ay napupuno; sa ani ng kaniyang mga labi, siya ay nasisiyahan.

From the fruit of his mouth one's stomach is filled; with the harvest of his lips he is satisfied.

21 Ang kamatayan at ang buhay ay nasa kapangyarihan ng dila, at ang mga nagmamahal dito ay kakain ng bunga nito.

Death and life are controlled by the tongue, and those who love the tongue will eat its fruit.

22 Ang sinumang nakatatagpo ng asawang babae ay nakahahanap ng mabuting bagay at tatanggap ng pagpapala mula kay Yahweh.

He who finds a wife finds a good thing and receives favor from Yahweh.

23 Ang mahirap ay nanlilimos ng awa, pero ang sagot ng mayaman ay magaspang.

A poor person pleads for mercy, but a rich person answers harshly.

24 Sinumang umaangkin ng maraming kaibigan ay nadadala sa pagkasira ng mga kaibigang iyon, pero mayroong isang kaibigan na mas malapit pa sa isang kapatid.

The one who claims many friends is brought to ruin by them, but there is a friend who comes closer than a brother.