Mambo ya Walawi 18
1 Bwana akamwambia Mose,
| וידבר יהוה אל משה לאמר |
2 “Sema na Waisraeli uwaambie: ‘Mimi ndimi Bwana Mungu wenu.
| דבר אל בני ישראל ואמרת אלהם אני יהוה אלהיכם |
3 Msifanye kama wafanyavyo huko Misri, mahali mlipokuwa mnaishi, wala msifanye kama wanavyofanya katika nchi ya Kanaani, mahali ninapowapeleka. Msifuate matendo yao.
| כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו |
4 Ni lazima mzitii sheria zangu, na mwe waangalifu kuzifuata amri zangu. Mimi ndimi Bwana Mungu wenu.
| את משפטי תעשו ואת חקתי תשמרו ללכת בהם אני יהוה אלהיכם |
5 Zishikeni amri zangu na sheria zangu, kwa maana mtu anayezitii ataishi kwa hizo. Mimi ndimi Bwana.
| ושמרתם את חקתי ואת משפטי אשר יעשה אתם האדם וחי בהם אני יהוה |
6 “‘Hakuna mtu awaye yote atakayemsogelea ndugu wa karibu ili kukutana naye kimwili. Mimi ndimi Bwana.
| איש איש אל כל שאר בשרו לא תקרבו לגלות ערוה אני יהוה |
7 “‘Usimvunjie heshima baba yako kwa kukutana kimwili na mama yako. Yeye ni mama yako; usiwe na mahusiano kama hayo naye.
| ערות אביך וערות אמך לא תגלה אמך הוא לא תגלה ערותה |
8 “‘Usikutane kimwili na mke wa baba yako; hiyo itamvunjia heshima baba yako.
| ערות אשת אביך לא תגלה ערות אביך הוא |
9 “‘Usikutane kimwili na dada yako, wala binti wa baba yako, au binti wa mama yako, awe amezaliwa katika nyumba hiyo au mahali pengine.
| ערות אחותך בת אביך או בת אמך מולדת בית או מולדת חוץ--לא תגלה ערותן |
10 “‘Usikutane kimwili na binti wa mwanao ama binti wa binti yako; utajivunjia heshima.
| ערות בת בנך או בת בתך לא תגלה ערותן כי ערותך הנה |
11 “‘Usikutane kimwili na binti wa mke wa baba yako, aliyezaliwa na baba yako; huyo ni dada yako.
| ערות בת אשת אביך מולדת אביך אחותך הוא--לא תגלה ערותה |
12 “‘Usikutane kimwili na dada wa baba yako; ni ndugu wa karibu wa baba yako.
| ערות אחות אביך לא תגלה שאר אביך הוא |
13 “‘Usikutane kimwili na dada wa mama yako, kwa sababu ni ndugu wa mama yako wa karibu.
| ערות אחות אמך לא תגלה כי שאר אמך הוא |
14 “‘Usimvunjie heshima ndugu wa baba yako, kwa kukutana kimwili na mke wake; yeye ni shangazi yako.
| ערות אחי אביך לא תגלה אל אשתו לא תקרב דדתך הוא |
15 “‘Usikutane kimwili na mkwe wako, yeye ni mke wa mwanao; usiwe na mahusiano kama hayo naye.
| ערות כלתך לא תגלה אשת בנך הוא לא תגלה ערותה |
16 “‘Usikutane kimwili na mke wa kaka yako; utamvunjia heshima kaka yako.
| ערות אשת אחיך לא תגלה ערות אחיך הוא |
17 “‘Usikutane kimwili na mwanamke kisha na binti yake. Usikutane kimwili na binti wa mwanawe au binti wa binti yake; hao ni ndugu zake wa karibu. Huo ni uovu.
| ערות אשה ובתה לא תגלה את בת בנה ואת בת בתה לא תקח לגלות ערותה--שארה הנה זמה הוא |
18 “‘Usimchukue dada wa mke wako kuwa mke mwenza, na kukutana naye kimwili wakati bado mke wako anaishi.
| ואשה אל אחתה לא תקח לצרר לגלות ערותה עליה--בחייה |
19 “‘Usimsogelee mwanamke ili kukutana naye kimwili wakati wa unajisi wa siku zake za mwezi.
| ואל אשה בנדת טמאתה--לא תקרב לגלות ערותה |
20 “‘Usikutane kimwili na mke wa jirani yako na kujitia naye unajisi.
| ואל אשת עמיתך--לא תתן שכבתך לזרע לטמאה בה |
21 “‘Usimtoe mtoto wako yeyote awe kafara kwa mungu Moleki, kwani hutalinajisi kamwe jina la Mungu wako. Mimi ndimi Bwana.
| ומזרעך לא תתן להעביר למלך ולא תחלל את שם אלהיך אני יהוה |
22 “‘Usikutane kimwili na mwanaume kama mtu akutanaye na mwanamke; hilo ni chukizo.
| ואת זכר--לא תשכב משכבי אשה תועבה הוא |
23 “‘Usikutane kimwili na mnyama na kujitia unajisi kwake. Mwanamke asijipeleke kwa mnyama ili kukutana naye kimwili; huo ni upotovu.
| ובכל בהמה לא תתן שכבתך לטמאה בה ואשה לא תעמד לפני בהמה לרבעה--תבל הוא |
24 “‘Msijitie unajisi kwa njia yoyote katika hizi, kwa sababu hivi ndivyo mataifa nitakayoyafukuza mbele yenu yalivyojitia unajisi.
| אל תטמאו בכל אלה כי בכל אלה נטמאו הגוים אשר אני משלח מפניכם |
25 Hata nchi ilitiwa unajisi, hivyo nikaiadhibu kwa dhambi zake, nayo nchi ikawatapika wakazi wake.
| ותטמא הארץ ואפקד עונה עליה ותקא הארץ את ישביה |
26 Lakini ni lazima uzitunze amri zangu na sheria zangu. Mzawa na wageni waishio miongoni mwenu kamwe wasifanye mambo yoyote ya machukizo haya,
| ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם |
27 kwa kuwa mambo haya yote yalifanywa na watu walioishi katika nchi hii kabla yenu, na nchi ikawa najisi.
| כי את כל התועבת האל עשו אנשי הארץ אשר לפניכם ותטמא הארץ |
28 Kama mkiinajisi nchi, itawatapika kama ilivyowatapika mataifa yaliyowatangulia.
| ולא תקיא הארץ אתכם בטמאכם אתה כאשר קאה את הגוי אשר לפניכם |
29 “‘Kila mtu atakayefanya mojawapo ya machukizo haya, watu hao ni lazima wakatiliwe mbali na watu wao.
| כי כל אשר יעשה מכל התועבת האלה--ונכרתו הנפשות העשת מקרב עמם |
30 Shikeni maagizo yangu, wala msifuate desturi za machukizo yoyote yaliyofanywa kabla hamjafika katika nchi hii, na kujitia unajisi kwa hayo. Mimi ndimi Bwana Mungu wako.’”
| ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם |
