Ayubu 28
1 “Kuna machimbo ya fedha, na mahali dhahabu isafishwapo.
Surely there is a mine for silver, a place where they refine gold.
2 Chuma hupatikana ardhini, nayo shaba huyeyushwa kutoka mawe ya madini.
Iron is taken out of the earth; copper is smelted out of the stone.
3 Mwanadamu hukomesha giza; huyatafuta hadi sehemu iliyo mbali, kwa ajili ya kuchimbua mawe yenye madini katika giza jeusi sana.
A man sets an end to darkness and searches out, to the farthest limit, the stones in obscurity and thick darkness.
4 Huchimba shimo jembamba mbali na makao ya watu, mahali paliposahaulika na nyayo za wanadamu; mbali na wanadamu huningʼinia na kupembea kwa kamba.
He breaks open a shaft away from where people live, places that are forgotten by anyone's foot. He hangs far away from people; he swings to and fro.
5 Ardhi, ambako chakula hutoka, chini hugeuzwa kwa moto;
As for the earth, out of which comes bread, it is turned up below as if by fire.
6 yakuti samawi hutoka katika miamba yake, nalo vumbi lake lina vipande vya dhahabu.
Its stones are the place where sapphires are found, and its dust contains gold.
7 Hakuna ndege awindaye aijuaye njia ile iliyofichika, wala hakuna jicho la mwewe lililoiona.
No bird of prey knows the path to it, nor has the falcon's eye seen it.
8 Wanyama wa porini wanaotamba hawajawahi kupakanyaga, wala simba azungukaye huko.
The proud animals have not walked such a path, nor has the fierce lion passed there.
9 Mikono ya mwanadamu hushambulia miamba migumu sana, na kuiacha wazi mizizi ya milima.
A man lays his hand on the flinty rock; he overturns mountains by their roots.
10 Hutoboa shimo refu la kupenya chini kwa chini kwenye miamba; macho yake huona hazina zake zote.
He cuts out channels among the rocks; his eye sees every valuable thing there.
11 Hutafuta vyanzo vya mito na kuvileta vitu vilivyofichika katika nuru.
He ties up the streams so they do not run; what is hidden there he brings out to the light.
12 “Lakini hekima inaweza kupatikana wapi? Ufahamu unakaa wapi?
Where will wisdom be found? Where is the place of understanding?
13 Mwanadamu hatambui thamani yake; haiwezi kupatikana katika nchi ya walio hai.
Man does not know its price; neither is it found in the land of the living.
14 Kilindi husema, ‘Haiko ndani yangu’; bahari nayo husema, ‘Haiko pamoja nami.’
The deep waters under the earth say, 'It is not in me'; the sea says, 'It is not with me.'
15 Haiwezi kununuliwa kwa dhahabu safi kuliko zote, wala thamani yake haiwezi kupimwa kwa fedha.
It cannot be gotten for gold; neither can silver be weighed as its price.
16 Haiwezi kununuliwa kwa dhahabu ya Ofiri, kwa shohamu ya thamani kubwa au yakuti samawi ya thamani kubwa.
It cannot be valued with the gold of Ophir, with precious onyx or sapphire.
17 Dhahabu wala mawe maangavu haviwezi kulinganishwa nayo, wala haiwezi hubadilishwa na vito vya dhahabu.
Gold and crystal cannot equal it in worth; neither can it be exchanged for jewels of fine gold.
18 Marijani na yaspi hazistahili kutajwa; thamani ya hekima ni zaidi ya akiki nyekundu.
No mention is worth making of coral or jasper; indeed, the price of wisdom is more than rubies.
19 Yakuti manjano ipatikanayo Kushi haiwezi kulinganishwa nayo, wala haiwezi kununuliwa kwa dhahabu safi.
The topaz of Cush does not equal it; neither can it be valued in terms of pure gold.
20 “Ni wapi basi hekima itokako? Ufahamu hukaa wapi?
From where, then, comes wisdom? Where is the place of understanding?
21 Imefichika machoni pa kila kitu kilicho hai, imesitiriwa hata kwa ndege wa angani.
Wisdom is hidden from the eyes of all living things and is kept hidden from the birds of the heavens.
22 Uharibifu na Mauti husema, ‘Ni uvumi wake tu uliotufikia masikioni mwetu.’
Destruction and Death say, 'We have heard just a rumor about it with our ears.'
23 Mungu anaifahamu njia ya kuiendea hekima na ndiye peke yake anayefahamu inakokaa,
God understands the way to it; he knows its place.
24 kwa maana yeye huitazama miisho ya dunia na huona kila kitu chini ya mbingu.
For he looks to the very ends of the earth and sees under all the heavens.
25 Alipofanyiza nguvu za upepo na kuyapima maji,
He made the force of the wind and parceled out the waters by measure.
26 alipofanya maagizo kwa ajili ya mvua na njia kwa ajili ya umeme wa radi,
He made a decree for the rain and a path for the thunder.
27 ndipo alipoitazama hekima na kuikadiria thamani yake, akaithibitisha na kuihakikisha.
Then he saw wisdom and announced it; he established it, indeed, and he examined it.
28 Naye Mungu akamwambia mwanadamu, ‘Kumcha Bwana: hiyo ndiyo hekima, nako kujitenga na uovu ndio ufahamu.’”
To people he said, 'See, the fear of the Lord—that is wisdom; to depart from evil is understanding.'”
