Псалтирь 114

1 Во исходе Израилеве от Египта, дому Иаковля из людий варвар,

2 бысть Иудеа святыня Его, Израиль область Его.

3 Море виде и побеже, Иордан возвратися вспять:

4 горы взыграшася яко овни, и холми яко агнцы овчии.

5 Что ти есть, море, яко побегло еси, и тебе, Иордане, яко возвратился еси вспять?

6 Горы, яко взыграстеся яко овни, и холми яко агнцы овчии?

7 От лица Господня подвижеся земля, от лица Бога Иаковля:

8 обращшаго камень во езера водная и несекомый во источники водныя.