< མཐིཿ 17 >
1 ཨནནྟརཾ ཥཌྡིནེབྷྱཿ པརཾ ཡཱིཤུཿ པིཏརཾ ཡཱཀཱུབཾ ཏཏྶཧཛཾ ཡོཧནཉྩ གྲྀཧླན྄ ཨུཙྩཱདྲེ ཪྻིཝིཀྟསྠཱནམ྄ ཨཱགཏྱ ཏེཥཱཾ སམཀྵཾ རཱུཔམནྱཏ྄ དདྷཱར།
2 ཏེན ཏདཱསྱཾ ཏེཛསྭི, ཏདཱབྷརཎམ྄ ཨཱལོཀཝཏ྄ པཱཎྜརམབྷཝཏ྄།
3 ཨནྱཙྩ ཏེན སཱཀཾ སཾལཔནྟཽ མཱུསཱ ཨེལིཡཤྩ ཏེབྷྱོ དརྴནཾ དདཏུཿ།
4 ཏདཱནཱིཾ པིཏརོ ཡཱིཤུཾ ཛགཱད, ཧེ པྲབྷོ སྠིཏིརཏྲཱསྨཱཀཾ ཤུབྷཱ, ཡདི བྷཝཏཱནུམནྱཏེ, ཏརྷི བྷཝདརྠམེཀཾ མཱུསཱརྠམེཀམ྄ ཨེལིཡཱརྠཉྩཻཀམ྄ ཨིཏི ཏྲཱིཎི དཱུཥྱཱཎི ནིརྨྨམ།
5 ཨེཏཏྐཐནཀཱལ ཨེཀ ཨུཛྫཝལཿ པཡོདསྟེཥཱམུཔརི ཚཱཡཱཾ ཀྲྀཏཝཱན྄, ཝཱརིདཱད྄ ཨེཥཱ ནབྷསཱིཡཱ ཝཱག྄ བབྷཱུཝ, མམཱཡཾ པྲིཡཿ པུཏྲཿ, ཨསྨིན྄ མམ མཧཱསནྟོཥ ཨེཏསྱ ཝཱཀྱཾ ཡཱུཡཾ ནིཤཱམཡཏ།
6 ཀིནྟུ ཝཱཙམེཏཱཾ ཤྲྀཎྭནྟཨེཝ ཤིཥྱཱ མྲྀཤཾ ཤངྐམཱནཱ ནྱུབྫཱ ནྱཔཏན྄།
7 ཏདཱ ཡཱིཤུརཱགཏྱ ཏེཥཱཾ གཱཏྲཱཎི སྤྲྀཤན྄ ཨུཝཱཙ, ཨུཏྟིཥྛཏ, མཱ བྷཻཥྚ།
8 ཏདཱནཱིཾ ནེཏྲཱཎྱུནྨཱིལྱ ཡཱིཤུཾ ཝིནཱ ཀམཔི ན དདྲྀཤུཿ།
9 ཏཏཿ པརམ྄ ཨདྲེརཝརོཧཎཀཱལེ ཡཱིཤུསྟཱན྄ ཨིཏྱཱདིདེཤ, མནུཛསུཏསྱ མྲྀཏཱནཱཾ མདྷྱཱདུཏྠཱནཾ ཡཱཝནྣ ཛཱཡཏེ, ཏཱཝཏ྄ ཡུཥྨཱབྷིརེཏདྡརྴནཾ ཀསྨཻཙིདཔི ན ཀཐཡིཏཝྱཾ།
10 ཏདཱ ཤིཥྱཱསྟཾ པཔྲཙྪུཿ, པྲཐམམ྄ ཨེལིཡ ཨཱཡཱསྱཏཱིཏི ཀུཏ ཨུཔཱདྷྱཱཡཻརུཙྱཏེ?
11 ཏཏོ ཡཱིཤུཿ པྲཏྱཝཱདཱིཏ྄, ཨེལིཡཿ པྲཱགེཏྱ སཪྻྭཱཎི སཱདྷཡིཥྱཏཱིཏི སཏྱཾ,
12 ཀིནྟྭཧཾ ཡུཥྨཱན྄ ཝཙྨི, ཨེལིཡ ཨེཏྱ གཏཿ, ཏེ ཏམཔརིཙིཏྱ ཏསྨིན྄ ཡཐེཙྪཾ ཝྱཝཛཧུཿ; མནུཛསུཏེནཱཔི ཏེཥཱམནྟིཀེ ཏཱདྲྀག྄ དུཿཁཾ བྷོཀྟཝྱཾ།
13 ཏདཱནཱིཾ ས མཛྫཡིཏཱརཾ ཡོཧནམདྷི ཀཐཱམེཏཱཾ ཝྱཱཧྲྀཏཝཱན྄, ཨིཏྠཾ ཏཙྪིཥྱཱ བུབུདྷིརེ།
14 པཤྩཱཏ྄ ཏེཥུ ཛནནིཝཧསྱཱནྟིཀམཱགཏེཥུ ཀཤྩིཏ྄ མནུཛསྟདནྟིཀམེཏྱ ཛཱནཱུནཱི པཱཏཡིཏྭཱ ཀཐིཏཝཱན྄,
15 ཧེ པྲབྷོ, མཏྤུཏྲཾ པྲཏི ཀྲྀཔཱཾ ཝིདདྷཱཏུ, སོཔསྨཱརཱམཡེན བྷྲྀཤཾ ཝྱཐིཏཿ སན྄ པུནཿ པུན ཪྻཧྣཽ མུཧུ རྫལམདྷྱེ པཏཏི།
16 ཏསྨཱད྄ བྷཝཏཿ ཤིཥྱཱཎཱཾ སམཱིཔེ ཏམཱནཡཾ ཀིནྟུ ཏེ ཏཾ སྭཱསྠཾ ཀརྟྟུཾ ན ཤཀྟཱཿ།
17 ཏདཱ ཡཱིཤུཿ ཀཐིཏཝཱན྄ རེ ཨཝིཤྭཱསིནཿ, རེ ཝིཔཐགཱམིནཿ, པུནཿ ཀཏིཀཱལཱན྄ ཨཧཾ ཡུཥྨཱཀཾ སནྣིདྷཽ སྠཱསྱཱམི? ཀཏིཀཱལཱན྄ ཝཱ ཡུཥྨཱན྄ སཧིཥྱེ? ཏམཏྲ མམཱནྟིཀམཱནཡཏ།
18 པཤྩཱད྄ ཡཱིཤུནཱ ཏརྫཏཨེཝ ས བྷཱུཏསྟཾ ཝིཧཱཡ གཏཝཱན྄, ཏདྡཎྜཨེཝ ས བཱལཀོ ནིརཱམཡོ྅བྷཱུཏ྄།
19 ཏཏཿ ཤིཥྱཱ གུཔྟཾ ཡཱིཤུམུཔཱགཏྱ བབྷཱཥིརེ, ཀུཏོ ཝཡཾ ཏཾ བྷཱུཏཾ ཏྱཱཛཡིཏུཾ ན ཤཀྟཱཿ?
20 ཡཱིཤུནཱ ཏེ པྲོཀྟཱཿ, ཡུཥྨཱཀམཔྲཏྱཡཱཏ྄;
21 ཡུཥྨཱནཧཾ ཏཐྱཾ ཝཙྨི ཡདི ཡུཥྨཱཀཾ སརྵཔཻཀམཱཏྲོཔི ཝིཤྭཱསོ ཛཱཡཏེ, ཏརྷི ཡུཥྨཱབྷིརསྨིན྄ ཤཻལེ ཏྭམིཏཿ སྠཱནཱཏ྄ ཏཏ྄ སྠཱནཾ ཡཱཧཱིཏི བྲཱུཏེ ས ཏདཻཝ ཙལིཥྱཏི, ཡུཥྨཱཀཾ ཀིམཔྱསཱདྷྱཉྩ ཀརྨྨ ན སྠཱསྱཱཏི། ཀིནྟུ པྲཱརྠནོཔཝཱསཽ ཝིནཻཏཱདྲྀཤོ བྷཱུཏོ ན ཏྱཱཛྱེཏ།
22 ཨཔརཾ ཏེཥཱཾ གཱལཱིལྤྲདེཤེ བྷྲམཎཀཱལེ ཡཱིཤུནཱ ཏེ གདིཏཱཿ, མནུཛསུཏོ ཛནཱནཱཾ ཀརེཥུ སམརྤཡིཥྱཏེ ཏཻ རྷནིཥྱཏེ ཙ,
23 ཀིནྟུ ཏྲྀཏཱིཡེ྅ཧིན མ ཨུཏྠཱཔིཥྱཏེ, ཏེན ཏེ བྷྲྀཤཾ དུཿཁིཏཱ བབྷཱུཝཿ།
24 ཏདནནྟརཾ ཏེཥུ ཀཕརྣཱཧཱུམྣགརམཱགཏེཥུ ཀརསཾགྲཱཧིཎཿ པིཏརཱནྟིཀམཱགཏྱ པཔྲཙྪུཿ, ཡུཥྨཱཀཾ གུརུཿ ཀིཾ མནྡིརཱརྠཾ ཀརཾ ན དདཱཏི? ཏཏཿ པིཏརཿ ཀཐིཏཝཱན྄ དདཱཏི།
25 ཏཏསྟསྨིན྄ གྲྀཧམདྷྱམཱགཏེ ཏསྱ ཀཐཱཀཐནཱཏ྄ པཱུཪྻྭམེཝ ཡཱིཤུརུཝཱཙ, ཧེ ཤིམོན྄, མེདིནྱཱ རཱཛཱནཿ སྭསྭཱཔཏྱེབྷྱཿ ཀིཾ ཝིདེཤིབྷྱཿ ཀེབྷྱཿ ཀརཾ གྲྀཧླནྟི? ཨཏྲ ཏྭཾ ཀིཾ བུདྷྱསེ? ཏཏཿ པིཏར ཨུཀྟཝཱན྄, ཝིདེཤིབྷྱཿ།
26 ཏདཱ ཡཱིཤུརུཀྟཝཱན྄, ཏརྷི སནྟཱནཱ མུཀྟཱཿ སནྟི།
27 ཏཐཱཔི ཡཐཱསྨཱབྷིསྟེཥཱམནྟརཱཡོ ན ཛནྱཏེ, ཏཏྐྲྀཏེ ཛལདྷེསྟཱིརཾ གཏྭཱ ཝཌིཤཾ ཀྵིཔ, ཏེནཱདཽ ཡོ མཱིན ཨུཏྠཱསྱཏི, ཏཾ གྷྲྀཏྭཱ ཏནྨུཁེ མོཙིཏེ ཏོལཀཻཀཾ རཱུཔྱཾ པྲཱཔྶྱསི, ཏད྄ གྲྀཧཱིཏྭཱ ཏཝ མམ ཙ ཀྲྀཏེ ཏེབྷྱོ དེཧི།
