ཨིབྲིཎཿ 3

1 ཧེ སྭརྒཱིཡསྱཱཧྭཱནསྱ སཧབྷཱགིནཿ པཝིཏྲབྷྲཱཏརཿ, ཨསྨཱཀཾ དྷརྨྨཔྲཏིཛྙཱཡཱ དཱུཏོ྅གྲསརཤྩ ཡོ ཡཱིཤུསྟམ྄ ཨཱལོཙདྷྭཾ།

2 མཱུསཱ ཡདྭཏ྄ ཏསྱ སཪྻྭཔརིཝཱརམདྷྱེ ཝིཤྭཱསྱ ཨཱསཱིཏ྄, ཏདྭཏ྄ ཨཡམཔི སྭནིཡོཛཀསྱ སམཱིཔེ ཝིཤྭཱསྱོ བྷཝཏི།

3 པརིཝཱརཱཙྩ ཡདྭཏ྄ ཏཏྶྠཱཔཡིཏུརདྷིཀཾ གཽརཝཾ བྷཝཏི ཏདྭཏ྄ མཱུསསོ྅ཡཾ བཧུཏརགཽརཝསྱ ཡོགྱོ བྷཝཏི།

4 ཨེཀཻཀསྱ ནིཝེཤནསྱ པརིཛནཱནཱཾ སྠཱཔཡིཏཱ ཀཤྩིད྄ ཝིདྱཏེ ཡཤྩ སཪྻྭསྠཱཔཡིཏཱ ས ཨཱིཤྭར ཨེཝ།

5 མཱུསཱཤྩ ཝཀྵྱམཱཎཱནཱཾ སཱཀྵཱི བྷྲྀཏྱ ཨིཝ ཏསྱ སཪྻྭཔརིཛནམདྷྱེ ཝིཤྭཱསྱོ྅བྷཝཏ྄ ཀིནྟུ ཁྲཱིཥྚསྟསྱ པརིཛནཱནཱམདྷྱཀྵ ཨིཝ།

6 ཝཡཾ ཏུ ཡདི ཝིཤྭཱསསྱོཏྶཱཧཾ ཤླཱགྷནཉྩ ཤེཥཾ ཡཱཝད྄ དྷཱརཡཱམསྟརྷི ཏསྱ པརིཛནཱ བྷཝཱམཿ།

7 ཨཏོ ཧེཏོཿ པཝིཏྲེཎཱཏྨནཱ ཡདྭཏ྄ ཀཐིཏཾ, ཏདྭཏ྄, "ཨདྱ ཡཱུཡཾ ཀཐཱཾ ཏསྱ ཡདི སཾཤྲོཏུམིཙྪཐ།

8 ཏརྷི པུརཱ པརཱིཀྵཱཡཱ དིནེ པྲཱནྟརམདྷྱཏཿ། མདཱཛྙཱནིགྲཧསྠཱནེ ཡུཥྨཱབྷིསྟུ ཀྲྀཏཾ ཡཐཱ། ཏཐཱ མཱ ཀུརུཏེདཱནཱིཾ ཀཋིནཱནི མནཱཾསི ཝཿ།

9 ཡུཥྨཱཀཾ པིཏརསྟཏྲ མཏྤརཱིཀྵཱམ྄ ཨཀུཪྻྭཏ། ཀུཪྻྭདྦྷི རྨེ྅ནུསནྡྷཱནཾ ཏཻརདྲྀཤྱནྟ མཏྐྲིཡཱཿ། ཙཏྭཱརིཾཤཏྶམཱ ཡཱཝཏ྄ ཀྲུདྡྷྭཱཧནྟུ ཏདནྭཡེ།

10 ཨཝཱདིཥམ྄ ཨིམེ ལོཀཱ བྷྲཱནྟཱནྟཿཀརཎཱཿ སདཱ། མཱམཀཱིནཱནི ཝརྟྨཱནི པརིཛཱནནྟི ནོ ཨིམེ།

11 ཨིཏི ཧེཏོརཧཾ ཀོཔཱཏ྄ ཤཔཐཾ ཀྲྀཏཝཱན྄ ཨིམཾ། པྲེཝེཀྵྱཏེ ཛནཻརེཏཻ རྣ ཝིཤྲཱམསྠལཾ མམ༎ "

12 ཧེ བྷྲཱཏརཿ སཱཝདྷཱནཱ བྷཝཏ, ཨམརེཤྭརཱཏ྄ ནིཝརྟྟཀོ ཡོ྅ཝིཤྭཱསསྟདྱུཀྟཾ དུཥྚཱནྟཿཀརཎཾ ཡུཥྨཱཀཾ ཀསྱཱཔི ན བྷཝཏུ།

13 ཀིནྟུ ཡཱཝད྄ ཨདྱནཱམཱ སམཡོ ཝིདྱཏེ ཏཱཝད྄ ཡུཥྨནྨདྷྱེ ཀོ྅པི པཱཔསྱ ཝཉྩནཡཱ ཡཏ྄ ཀཋོརཱིཀྲྀཏོ ན བྷཝེཏ྄ ཏདརྠཾ པྲཏིདིནཾ པརསྤརམ྄ ཨུཔདིཤཏ།

14 ཡཏོ ཝཡཾ ཁྲཱིཥྚསྱཱཾཤིནོ ཛཱཏཱཿ ཀིནྟུ པྲཐམཝིཤྭཱསསྱ དྲྀཌྷཏྭམ྄ ཨསྨཱབྷིཿ ཤེཥཾ ཡཱཝད྄ ཨམོགྷཾ དྷཱརཡིཏཝྱཾ།

15 ཨདྱ ཡཱུཡཾ ཀཐཱཾ ཏསྱ ཡདི སཾཤྲོཏུམིཙྪཐ, ཏརྷྱཱཛྙཱལངྒྷནསྠཱནེ ཡུཥྨཱབྷིསྟུ ཀྲྀཏཾ ཡཐཱ, ཏཐཱ མཱ ཀུརུཏེདཱནཱིཾ ཀཋིནཱནི མནཱཾསི ཝ ཨིཏི ཏེན ཡདུཀྟཾ,

16 ཏདནུསཱརཱད྄ ཡེ ཤྲུཏྭཱ ཏསྱ ཀཐཱཾ ན གྲྀཧཱིཏཝནྟསྟེ ཀེ? ཀིཾ མཱུསསཱ མིསརདེཤཱད྄ ཨཱགཏཱཿ སཪྻྭེ ལོཀཱ ནཧི?

17 ཀེབྷྱོ ཝཱ ས ཙཏྭཱརིཾཤདྭརྵཱཎི ཡཱཝད྄ ཨཀྲུདྷྱཏ྄? པཱཔཾ ཀུཪྻྭཏཱཾ ཡེཥཱཾ ཀུཎཔཱཿ པྲཱནྟརེ ྅པཏན྄ ཀིཾ ཏེབྷྱོ ནཧི?

18 པྲཝེཀྵྱཏེ ཛནཻརེཏཻ རྣ ཝིཤྲཱམསྠལཾ མམེཏི ཤཔཐཿ ཀེཥཱཾ ཝིརུདྡྷཾ ཏེནཱཀཱརི? ཀིམ྄ ཨཝིཤྭཱསིནཱཾ ཝིརུདྡྷཾ ནཧི?

19 ཨཏསྟེ ཏཏ྄ སྠཱནཾ པྲཝེཥྚུམ྄ ཨཝིཤྭཱསཱཏ྄ ནཱཤཀྣུཝན྄ ཨིཏི ཝཡཾ ཝཱིཀྵཱམཧེ།