༡ ཀརིནྠིནཿ 1

1 ཡཱཝནྟཿ པཝིཏྲཱ ལོཀཱཿ སྭེཥཱམ྄ ཨསྨཱཀཉྩ ཝསཏིསྠཱནེཥྭསྨཱཀཾ པྲབྷོ ཪྻཱིཤོཿ ཁྲཱིཥྚསྱ ནཱམྣཱ པྲཱརྠཡནྟེ ཏཻཿ སཧཱཧཱུཏཱནཱཾ ཁྲཱིཥྚེན ཡཱིཤུནཱ པཝིཏྲཱིཀྲྀཏཱནཱཾ ལོཀཱནཱཾ ཡ ཨཱིཤྭརཱིཡདྷརྨྨསམཱཛཿ ཀརིནྠནགརེ ཝིདྱཏེ

2 ཏཾ པྲཏཱིཤྭརསྱེཙྪཡཱཧཱུཏོ ཡཱིཤུཁྲཱིཥྚསྱ པྲེརིཏཿ པཽལཿ སོསྠིནིནཱམཱ བྷྲཱཏཱ ཙ པཏྲཾ ལིཁཏི།

3 ཨསྨཱཀཾ པིཏྲེཤྭརེཎ པྲབྷུནཱ ཡཱིཤུཁྲཱིཥྚེན ཙ པྲསཱདཿ ཤཱནྟིཤྩ ཡུཥྨབྷྱཾ དཱིཡཏཱཾ།

4 ཨཱིཤྭརོ ཡཱིཤུཁྲཱིཥྚེན ཡུཥྨཱན྄ པྲཏི པྲསཱདཾ པྲཀཱཤིཏཝཱན྄, ཏསྨཱདཧཾ ཡུཥྨནྣིམིཏྟཾ སཪྻྭདཱ མདཱིཡེཤྭརཾ དྷནྱཾ ཝདཱམི།

5 ཁྲཱིཥྚསམྦནྡྷཱིཡཾ སཱཀྵྱཾ ཡུཥྨཱཀཾ མདྷྱེ ཡེན པྲཀཱརེཎ སཔྲམཱཎམ྄ ཨབྷཝཏ྄

6 ཏེན ཡཱུཡཾ ཁྲཱིཥྚཱཏ྄ སཪྻྭཝིདྷཝཀྟྲྀཏཱཛྙཱནཱདཱིནི སཪྻྭདྷནཱནི ལབྡྷཝནྟཿ།

7 ཏཏོ྅སྨཏྤྲབྷོ ཪྻཱིཤུཁྲཱིཥྚསྱ པུནརཱགམནཾ པྲཏཱིཀྵམཱཎཱནཱཾ ཡུཥྨཱཀཾ ཀསྱཱཔི ཝརསྱཱབྷཱཝོ ན བྷཝཏི།

8 ཨཔརམ྄ ཨསྨཱཀཾ པྲབྷོ ཪྻཱིཤུཁྲཱིཥྚསྱ དིཝསེ ཡཱུཡཾ ཡནྣིརྡྡོཥཱ བྷཝེཏ ཏདརྠཾ སཨེཝ ཡཱཝདནྟཾ ཡུཥྨཱན྄ སུསྠིརཱན྄ ཀརིཥྱཏི།

9 ཡ ཨཱིཤྭརཿ སྭཔུཏྲསྱཱསྨཏྤྲབྷོ ཪྻཱིཤུཁྲཱིཥྚསྱཱཾཤིནཿ ཀརྟྟུཾ ཡུཥྨཱན྄ ཨཱཧཱུཏཝཱན྄ ས ཝིཤྭསནཱིཡཿ།

10 ཧེ བྷྲཱཏརཿ, ཨསྨཱཀཾ པྲབྷུཡཱིཤུཁྲཱིཥྚསྱ ནཱམྣཱ ཡུཥྨཱན྄ ཝིནཡེ྅ཧཾ སཪྻྭཻ ཪྻུཥྨཱབྷིརེཀརཱུཔཱཎི ཝཱཀྱཱནི ཀཐྱནྟཱཾ ཡུཥྨནྨདྷྱེ བྷིནྣསངྒྷཱཏཱ ན བྷཝནྟུ མནོཝིཙཱརཡོརཻཀྱེན ཡུཥྨཱཀཾ སིདྡྷཏྭཾ བྷཝཏུ།

11 ཧེ མམ བྷྲཱཏརོ ཡུཥྨནྨདྷྱེ ཝིཝཱདཱ ཛཱཏཱ ཨིཏི ཝཱརྟྟཱམཧཾ ཀློཡྻཱཿ པརིཛནཻ རྫྙཱཔིཏཿ།

12 མམཱབྷིཔྲེཏམིདཾ ཡུཥྨཱཀཾ ཀཤྩིཏ྄ ཀཤྩིད྄ ཝདཏི པཽལསྱ ཤིཥྱོ྅ཧམ྄ ཨཱཔལློཿ ཤིཥྱོ྅ཧཾ ཀཻཕཱཿ ཤིཥྱོ྅ཧཾ ཁྲཱིཥྚསྱ ཤིཥྱོ྅ཧམིཏི ཙ།

13 ཁྲཱིཥྚསྱ ཀིཾ ཝིབྷེདཿ ཀྲྀཏཿ? པཽལཿ ཀིཾ ཡུཥྨཏྐྲྀཏེ ཀྲུཤེ ཧཏཿ? པཽལསྱ ནཱམྣཱ ཝཱ ཡཱུཡཾ ཀིཾ མཛྫིཏཱཿ?

14 ཀྲིཥྤགཱཡཽ ཝིནཱ ཡུཥྨཱཀཾ མདྷྱེ྅ནྱཿ ཀོ྅པི མཡཱ ན མཛྫིཏ ཨིཏི ཧེཏོརཧམ྄ ཨཱིཤྭརཾ དྷནྱཾ ཝདཱམི།

15 ཨེཏེན མམ ནཱམྣཱ མཱནཝཱ མཡཱ མཛྫིཏཱ ཨིཏི ཝཀྟུཾ ཀེནཱཔི ན ཤཀྱཏེ།

16 ཨཔརཾ སྟིཕཱནསྱ པརིཛནཱ མཡཱ མཛྫིཏཱསྟདནྱཿ ཀཤྩིད྄ ཡནྨཡཱ མཛྫིཏསྟདཧཾ ན ཝེདྨི།

17 ཁྲཱིཥྚེནཱཧཾ མཛྫནཱརྠཾ ན པྲེརིཏཿ ཀིནྟུ སུསཾཝཱདསྱ པྲཙཱརཱརྠམེཝ; སོ྅པི ཝཱཀྤཊུཏཡཱ མཡཱ ན པྲཙཱརིཏཝྱཿ, ཡཏསྟཐཱ པྲཙཱརིཏེ ཁྲཱིཥྚསྱ ཀྲུཤེ མྲྀཏྱུཿ ཕལཧཱིནོ བྷཝིཥྱཏི།

18 ཡཏོ ཧེཏོ ཪྻེ ཝིནཤྱནྟི ཏེ ཏཱཾ ཀྲུཤསྱ ཝཱརྟྟཱཾ པྲལཱཔམིཝ མནྱནྟེ ཀིཉྩ པརིཏྲཱཎཾ ལབྷམཱནེཥྭསྨཱསུ སཱ ཨཱིཤྭརཱིཡཤཀྟིསྭརཱུཔཱ།

19 ཏསྨཱདིཏྠཾ ལིཁིཏམཱསྟེ, ཛྙཱནཝཏཱནྟུ ཡཏ྄ ཛྙཱནཾ ཏནྨཡཱ ནཱཤཡིཥྱཏེ། ཝིལོཔཡིཥྱཏེ ཏདྭད྄ བུདྡྷི རྦདྡྷིམཏཱཾ མཡཱ༎

20 ཛྙཱནཱི ཀུཏྲ? ཤཱསྟྲཱི ཝཱ ཀུཏྲ? ཨིཧལོཀསྱ ཝིཙཱརཏཏྤརོ ཝཱ ཀུཏྲ? ཨིཧལོཀསྱ ཛྙཱནཾ ཀིམཱིཤྭརེཎ མོཧཱིཀྲྀཏཾ ནཧི? (aiōn g165)

21 ཨཱིཤྭརསྱ ཛྙཱནཱད྄ ཨིཧལོཀསྱ མཱནཝཱཿ སྭཛྙཱནེནེཤྭརསྱ ཏཏྟྭབོདྷཾ ན པྲཱཔྟཝནྟསྟསྨཱད྄ ཨཱིཤྭརཿ པྲཙཱརརཱུཔིཎཱ པྲལཱཔེན ཝིཤྭཱསིནཿ པརིཏྲཱཏུཾ རོཙིཏཝཱན྄།

22 ཡིཧཱུདཱིཡལོཀཱ ལཀྵཎཱནི དིདྲྀཀྵནྟི བྷིནྣདེཤཱིཡལོཀཱསྟུ ཝིདྱཱཾ མྲྀགཡནྟེ,

23 ཝཡཉྩ ཀྲུཤེ ཧཏཾ ཁྲཱིཥྚཾ པྲཙཱརཡཱམཿ། ཏསྱ པྲཙཱརོ ཡིཧཱུདཱིཡཻ ཪྻིགྷྣ ཨིཝ བྷིནྣདེཤཱིཡཻཤྩ པྲལཱཔ ཨིཝ མནྱཏེ,

24 ཀིནྟུ ཡིཧཱུདཱིཡཱནཱཾ བྷིནྣདེཤཱིཡཱནཱཉྩ མདྷྱེ ཡེ ཨཱཧཱུཏཱསྟེཥུ ས ཁྲཱིཥྚ ཨཱིཤྭརཱིཡཤཀྟིརིཝེཤྭརཱིཡཛྙཱནམིཝ ཙ པྲཀཱཤཏེ།

25 ཡཏ ཨཱིཤྭརེ ཡཿ པྲལཱཔ ཨཱརོཔྱཏེ ས མཱནཝཱཏིརིཀྟཾ ཛྙཱནམེཝ ཡཙྩ དཽརྦྦལྱམ྄ ཨཱིཤྭར ཨཱརོཔྱཏེ ཏཏ྄ མཱནཝཱཏིརིཀྟཾ བལམེཝ།

26 ཧེ བྷྲཱཏརཿ, ཨཱཧཱུཏཡུཥྨདྒཎོ ཡཥྨཱབྷིརཱལོཀྱཏཱཾ ཏནྨདྷྱེ སཱཾསཱརིཀཛྙཱནེན ཛྙཱནཝནྟཿ པརཱཀྲམིཎོ ཝཱ ཀུལཱིནཱ ཝཱ བཧཝོ ན ཝིདྱནྟེ།

27 ཡཏ ཨཱིཤྭརོ ཛྙཱནཝཏསྟྲཔཡིཏུཾ མཱུརྑལོཀཱན྄ རོཙིཏཝཱན྄ བལཱནི ཙ ཏྲཔཡིཏུམ྄ ཨཱིཤྭརོ དུརྦྦལཱན྄ རོཙིཏཝཱན྄།

28 ཏཐཱ ཝརྟྟམཱནལོཀཱན྄ སཾསྠིཏིབྷྲཥྚཱན྄ ཀརྟྟུམ྄ ཨཱིཤྭརོ ཛགཏོ྅པཀྲྀཥྚཱན྄ ཧེཡཱན྄ ཨཝརྟྟམཱནཱཾཤྩཱབྷིརོཙིཏཝཱན྄།

29 ཏཏ ཨཱིཤྭརསྱ སཱཀྵཱཏ྄ ཀེནཱཔྱཱཏྨཤླཱགྷཱ ན ཀརྟྟཝྱཱ།

30 ཡཱུཡཉྩ ཏསྨཱཏ྄ ཁྲཱིཥྚེ ཡཱིཤཽ སཾསྠིཏིཾ པྲཱཔྟཝནྟཿ ས ཨཱིཤྭརཱད྄ ཡུཥྨཱཀཾ ཛྙཱནཾ པུཎྱཾ པཝིཏྲཏྭཾ མུཀྟིཤྩ ཛཱཏཱ།

31 ཨཏཨེཝ ཡདྭད྄ ལིཁིཏམཱསྟེ ཏདྭཏ྄, ཡཿ ཀཤྩིཏ྄ ཤླཱགྷམཱནཿ སྱཱཏ྄ ཤླཱགྷཏཱཾ པྲབྷུནཱ ས ཧི།