Плач Иеремии 5

1 Вспомни, Господи, что над нами совершилось; призри и посмотри на поругание наше.

Wee Jehova-rĩ, ririkana maũndũ marĩa matũkorete; ta rora wone gũconoka gwitũ.

2 Наследие наше перешло к чужим, домы наши - к иноплеменным;

Igai riitũ nĩrĩneanĩtwo kũrĩ ageni, nayo mĩciĩ iitũ ĩgakĩneanwo kũrĩ andũ a kũngĩ.

3 мы сделались сиротами, без отца; матери наши - как вдовы.

Nĩtũtuĩkĩte ciana cia ngoriai na ciana itarĩ na maithe, nao manyina maitũ magatuĩka ta atumia a ndigwa.

4 Воду свою пьем за серебро, дрова наши достаются нам за деньги.

Maaĩ marĩa tũnyuuaga no tũgũrire; o na ngũ nĩkũgũra tũragũra.

5 Нас погоняют в шею, мы работаем, и не имеем отдыха.

Arĩa matũingatithagia marĩ o magũrũ-inĩ maitũ; nĩtũnogete, na tũkaaga ũhurũko.

6 Протягиваем руку к Египтянам, к Ассириянам, чтобы насытиться хлебом.

Twĩneanĩte kũrĩ andũ a Misiri na a Ashuri nĩgeetha tuone irio cia gũtũigana.

7 Отцы наши грешили: их уже нет, а мы несем наказание за беззакония их.

Maithe maitũ nĩmehirie na rĩu matirĩ ho, na ithuĩ nĩ ithuĩ tũraherithio handũ hao.

8 Рабы господствуют над нами, и некому избавить от руки их.

Ngombo nĩcio itwathaga, na gũtirĩ mũndũ wa gũtũteithũra kuuma moko-inĩ ma cio.

9 С опасностью жизни от меча, в пустыне достаем хлеб себе.

Tuonaga irio na ũndũ wa gũtwarĩrĩria mĩoyo iitũ ũgwati-inĩ, nĩ ũndũ wa rũhiũ rwa njora rũrĩa rũrĩ werũ-inĩ.

10 Кожа наша почернела, как печь, от жгучего голода.

Gĩkonde giitũ kĩhiũhĩte o ta riiko rĩa kũruga mĩgate, tũkainaina nĩ ũndũ wa kũhũũta.

11 Жен бесчестят на Сионе, девиц - в городах Иудейских.

Andũ-a-nja nĩmanyiitĩtwo na hinya gũkũ Zayuni, nao airĩtu gathirange makanyiitwo na hinya matũũra-inĩ ma Juda.

12 Князья повешены руками их, лица старцев не уважены.

Anene akuo nĩ macuurĩtio na moko mao; athuuri nao matiheagwo gĩtĩĩo.

13 Юношей берут к жерновам, и отроки падают под ношами дров.

Aanake marutithagio wĩra wa hinya ithĩi-inĩ; tũmwana natuo tũtũgũũgaga nĩgũkuuithio mĩrigo ya ngũ.

14 Старцы уже не сидят у ворот; юноши не поют.

Athuuri nĩmatigĩte gũikara kĩhingo-inĩ gĩa itũũra inene; aanake nao nĩmatigĩte kũina nyĩmbo ciao.

15 Прекратилась радость сердца нашего; хороводы наши обратились в сетование.

Ngoro ciitũ nĩithirĩte gĩkeno; ndũrũhĩ ciitũ igarũrũkĩte igatuĩka macakaya.

16 Упал венец с головы нашей; горе нам, что мы согрешили!

Thũmbĩ ya ũnene nĩĩgwĩte, ĩgatuuma mũtwe, kaĩ tũrĩ na haaro-ĩ, nĩgũkorwo nĩtwĩhĩtie!

17 От сего-то изнывает сердце наше; от сего померкли глаза наши.

Tondũ ũcio ngoro ciitũ nĩiringĩkĩte; na tondũ wa maũndũ macio maitho maitũ makaira,

18 Оттого, что опустела гора Сион, лисицы ходят по ней.

tondũ wa Kĩrĩma gĩa Zayuni, kĩrĩa gĩkirĩte ihooru, nacio mbwe rĩu nĩkuo iceeraga.

19 Ты, Господи, пребываешь во веки; престол Твой - в род и род.

Wee Jehova-rĩ, wathanaga nginya tene; gĩtĩ gĩaku kĩa ũnene gĩtũũraga kuuma njiarwa nginya njiarwa.

20 Для чего совсем забываешь нас, оставляешь нас на долгое время?

Ũriganagĩrwo nĩ ithuĩ hĩndĩ ciothe nĩkĩ? Ũtũtiganĩirie hĩndĩ ndaaya ũguo nĩkĩ?

21 Обрати нас к Тебе, Господи, и мы обратимся; обнови дни наши, как древле.

Wee Jehova-rĩ, tũcookererie harĩwe, nĩguo tũhote gũgũcookerera; erũhia matukũ maitũ macooke o ta ũrĩa matariĩ tene,

22 Неужели Ты совсем отверг нас, прогневался на нас безмерно?

tiga ũkorirwo nĩũtũregeete biũ, ũgagĩtũrakarĩra o mũno makĩria.