Psalms 8

1 MAIN at Kaun, mar omui meid linan nan jap karoj! Irail kin kapina komui nanlan!

2 Jan nan au en jeri pwelel, o ir me kin kankan didi, re kotin wia kidar manaman eu on omui imwintiti kan, pwe komui en kamela me imwintiti o, o me aktuau o.

3 Ma i kilekilan lan, dodok en lim omui, jaunipon o uju kan, me re kotin wiadar:

4 Dakot aramaj o, pwe komui kin kotin kupkupura i, de nain aramaj, pwe komui kin kotin apapwali i?

5 Re kotin kajapwilidier i anjau kij pan tounlan kan, a re kalinanadar i, o kawauialar i.

6 Re kajapwiladaner i wiawia en lim omui kan. Kom kotin kaloedier karoj pan na a kan:

7 Jip o kau kan, o pil man en jap akan.

8 O manpir en pan lan, o mam en nan jed, karoj me kin memaureki nan madau.

9 leowa at Kaun, mar omui meid linan nan jap karoj!