Men Korint I 11

1 KOMAIL idauen ia do duen I kin idauen Krijtuj.

2 I kin kapinaki komail omail tamataman ia ni meakan karoj, o dadaurata pun kan, duen i kakalikidi on komail er.

3 A i men, komail en ajadar, me Krijtuj tapwin ol akan, a ol me tapwin li, a Kot me tapwin Krijtuj.

4 A ma amen amen ren ol akan wia kapakap de kokop ap lijoropedi, a kin kajuedeki pein mon a.

5 A ma li amen wia kapakap de kokop, ap jota lijoropedi, nan I kin kajuedeki pein mon a, pwe a rajon me pit en mon a jeijei jan.

6 Pwe ma li amen jota lijoropedi, en koteda, a ma a kanamenok li en kotedar o kotokot, i en pwaindi mon a.

7 A ol o ender lijoropedi, pwe i me kajanjal o linan en Kot, a li o me linan en ol o.

8 Pwe ol jo tapi jan li, a li jan ol o.

9 Pwe ol jota wiaui on li, a li wiaui on ol o.

10 I me li o en kida manaman eu pon mon a pweki tounlan kan,

11 Ari jo, li amen jota kak mia ma jota ol; o ol amen jota kak mia, ma jota li, a mepukat ren Kaun o.

12 Pwe duen li o a tapi jan ol, iduen ol o wiaui kida li, a karoj wiauier ren Kot.

13 Komail en pein kajauiada, ma a janjal mau, ma li amen kapakap on Kot, ap jo lijoropedi.

14 De pein komail aja, me kanamenok pan ol, ma a pwili peipei.

15 A linan en li a pwilipeipei, pwe pid en mon a en ko on i, en pwaindi i.

16 A ma amen re omail men akamai, a en aja, me kit jota kin wia due, momodijou en Kot akan pil jo.

17 A ni ai kujonededa me pukat i jota kin kapina omail pokon pena, me jota kin ka maui a kajuedeki komail,

18 Pwe ni omail pokon pena nan momodijou, i ronadar, me komail kin liak toror pajan, o i mur kamelele.

19 Pwe komail en liak toror pajan, pwe me pun kan en janjal kida re omail.

20 Komail lao pokon pena waja kij, kaidin i jak kamadip en Kaun o.

21 Pwe ni kamadip toun kapar kin amatan maj, a amen men manadar, a amen jokolar.

22 Jota im omail, waja en mana o nim? De komail kin mamaleki momodijou en Kot o kanamenok ir ala, me jota ar tunol? Da me i en inda? I en kapin komail? Ni mepukat i jota pan kapina.

23 Pwe i aleer jan ren Kaun o, me i pwiliki on komail er, me Kaun Iejuj pon ota en a panala, a limada prot,

24 Murin a laolaoki, kamauieda, pilitiki pajan, majani: Ale tunole war ai met et, me pilitiki on komail, en wia, pwen katakataman kin ia.

25 A murin jak, a pil kotin limada dal majani: Dal wet iei inau kap, me wiaui kidar nt’ ai. Pan pak en omail nima jan, komail wiaki men kataman kin ia.

26 Pwe pan pak en omail kan prot wet o nima jan dal wet, Komail kajanjaleda en Kaun a matala, lao a kotido.

27 Ari me kan prot wet o nim jan dal en Kaun o ap jo war on iei me dip ion war o ntan Kaun o.

28 Amen amen en kajauiada pein i, ap kan jan prot o nima jan dal o.

29 Pwe me kan o nim jowar, kin kan o nim kadeik on pein i, pwe a jota kajampwaleki war o.

30 Nan i me toto nan pun omail me luetalar o jomaudar, o me toto mairedier.

31 Pwe ma kitail kajauiada pein kitail, kitail jota pan pakadeikada.

32 A ma kitail pan pakadeikada, kitail pan kalokolok ren Kaun o, pwe kitail de ian men liki lokidokila.

33 Ari ri ai ol akan, komail lao pokon pena pwen jak, en papajan pena amen amen.

34 A ma amen men manadar, i en mana maj nan im a; pwe komail de pokon penan kadeik o. A me lua kan i pan kapunala ni ai pwara won.