UJobe 19
1 Wasephendula uJobe wathi:
| ויען איוב ויאמר |
2 Koze kube nini lihlupha umphefumulo wami, lingiphahlaza ngamazwi?
| עד-אנה תוגיון נפשי ותדכאונני במלים |
3 Lezizikhathi ezilitshumi lingithela ngehlazo; kalilanhloni, lingiphatha kubi.
| זה עשר פעמים תכלימוני לא-תבשו תהכרו-לי |
4 Uba-ke kuliqiniso ukuthi ngiduhile, ukuduha kwami kuzahlala lami.
| ואף-אמנם שגיתי אתי תלין משוגתי |
5 Uba isibili lizikhukhumeza phezu kwami, liphikisane lami ngehlazo lami,
| אם-אמנם עלי תגדילו ותוכיחו עלי חרפתי |
6 yazini-ke ukuthi nguNkulunkulu ongihlanekeleyo, wangigombolozela ngembule lakhe.
| דעו-אפו כי-אלוה עותני ומצודו עלי הקיף |
7 Khangela, ngiyamemeza ngithi: Okubi! Kodwa kangiphendulwa. Ngicela usizo, kodwa akulasahlulelo.
| הן אצעק חמס ולא אענה אשוע ואין משפט |
8 Uyivalile indlela yami ngomduli ukuze ngingedluli, wamisa umnyama emikhondweni yami.
| ארחי גדר ולא אעבור ועל נתיבותי חשך ישים |
9 Ungihlubule udumo lwami, wasusa umqhele wekhanda lami.
| כבודי מעלי הפשיט ויסר עטרת ראשי |
10 Ungibhidlizile inhlangothi zonke, sengihambile, ulisiphule ithemba lami njengesihlahla.
| יתצני סביב ואלך ויסע כעץ תקותי |
11 Ulumathisile ulaka lwakhe kimi, ungibale njengezitha zakhe kuye.
| ויחר עלי אפו ויחשבני לו כצריו |
12 Amabutho akhe afika kanyekanye, abuthelela indlela yawo emelene lami, amisa inkamba agombolozela ithente lami.
| יחד יבאו גדודיו--ויסלו עלי דרכם ויחנו סביב לאהלי |
13 Ubeke abafowethu khatshana lami, labangaziyo isibili sebengabemzini kimi.
| אחי מעלי הרחיק וידעי אך-זרו ממני |
14 Izihlobo zami zinyamalele, labazana lami bangikhohliwe.
| חדלו קרובי ומידעי שכחוני |
15 Abahlala endlini yami lencekukazi zami bangibala njengowezizwe; ngingumfokazi emehlweni abo.
| גרי ביתי ואמהתי לזר תחשבני נכרי הייתי בעיניהם |
16 Ngabiza inceku yami, kodwa kayiphendulanga; ngayincenga ngomlomo wami.
| לעבדי קראתי ולא יענה במו-פי אתחנן-לו |
17 Umoya wami uyenyanyeka kumkami, sengiyisinengiso kumadodana esizalo sami.
| רוחי זרה לאשתי וחנתי לבני בטני |
18 Labantwana abancinyane bayangidelela; ngasukuma, basebekhuluma bemelene lami.
| גם-עוילים מאסו בי אקומה וידברו-בי |
19 Bonke abantu besifuba sami banengwa yimi, labo ebengibathanda sebengiphendukele.
| תעבוני כל-מתי סודי וזה-אהבתי נהפכו-בי |
20 Ithambo lami linamathelana lesikhumba sami lenyama yami, njalo ngiphephe ngesikhumba samazinyo ami.
| בעורי ובבשרי דבקה עצמי ואתמלטה בעור שני |
21 Ngihawukelani, ngihawukelani, lina bangane bami; ngoba isandla sikaNkulunkulu singithintile.
| חנני חנני אתם רעי כי יד-אלוה נגעה בי |
22 Lingizingelelani njengoNkulunkulu, lingeneliswa yinyama yami?
| למה תרדפני כמו-אל ומבשרי לא תשבעו |
23 Kungathi ngabe khathesi amazwi ami abhaliwe! Kungathi ngabe acindezelwe egwalweni!
| מי-יתן אפו ויכתבון מלי מי-יתן בספר ויחקו |
24 Ngabe abazwe ngepheni yensimbi langomnuso edwaleni kuze kube nininini!
| בעט-ברזל ועפרת-- לעד בצור יחצבון |
25 Ngoba mina ngiyazi ukuthi umhlengi wami uyaphila, lekupheleni uzakuma emhlabathini.
| ואני ידעתי גאלי חי ואחרון על-עפר יקום |
26 Lapho sekutshabalalise lokhu emva kwesikhumba sami, kanti enyameni yami ngizambona uNkulunkulu,
| ואחר עורי נקפו-זאת ומבשרי אחזה אלוה |
27 mina engizazibonela yena, lamehlo ami azabona, hatshi omunye. Izinso zami seziphelile ngaphakathi kwami.
| אשר אני אחזה-לי--ועיני ראו ולא-זר כלו כליתי בחקי |
28 Kodwa lithi: Kungani simzingela? Ngoba impande yendaba itholakala kimi.
| כי תאמרו מה-נרדף-לו ושרש דבר נמצא-בי |
29 Lina yesabeni inkemba, ngoba ulaka luletha izijeziso zenkemba, ukuze lazi ukuthi sikhona isahlulelo.
| גורו לכם מפני-חרב--כי-חמה עונות חרב למען תדעון שדין (שדון) |
