Banzembo 48
1 Nzembo ya bana ya Kore. Yawe azali monene mpe abongi na lokumu, kati na engumba ya Nzambe na biso, ngomba na Ye ya bule.
A song; a psalm of the sons of Korah. Great is Yahweh and greatly to be praised, in the city of our God on his holy mountain.
2 Ezali kitoko, ngomba moke oyo esalaka esengo ya mokili mobimba, ngomba Siona! Ngambo na yango ya Nor nde ezali engumba ya Mokonzi Monene.
Beautiful in elevation, the joy of the whole earth, is Mount Zion, on the sides of the north, the city of the great King.
3 Nzambe azali kati na bandako na yango ya bokonzi, amimonisi lokola ndako batonga makasi.
God has made himself known in her palaces as a refuge.
4 Pamba te bakonzi basanganaki, batambolaki nzela moko.
For, see, the kings assembled themselves; they passed by together.
5 Kasi tango kaka bamonaki yango, bakamwaki mpe bakimaki na somo.
They saw it, then they were amazed; they were dismayed, and they hurried away.
6 Mbala moko, bakomaki kolenga wana lokola mwasi oyo azali na pasi ya kobota
Trembling took hold of them there, pain as when a woman is in labor.
7 to lokola mopepe ya Este oyo apanzaka masuwa ya Tarsisi.
With the east wind you break the ships of Tarshish.
8 Ndenge kaka bayebisaki biso, ndenge mpe tomonaki kati na engumba ya Yawe, Mokonzi ya mampinga, kati na engumba ya Nzambe na biso; Nzambe alendisaka yango seko na seko.
As we have heard, so have we seen in the city of Yahweh of hosts, in the city of our God; God will establish it forever. (Selah)
9 Nzambe, kati na Tempelo na Yo, tokanisaka bolingo na Yo.
We have thought about your covenant faithfulness, God, in the middle of your temple.
10 Nzambe, lokumu na Yo epanzani kino na suka ya mokili, ndenge moko na Kombo na Yo; loboko na Yo ya mobali etondi na bosembo.
As your name is, God, so is your praise to the ends of the earth; your right hand is full of righteousness.
11 Ngomba ya Siona ezali kosepela, bamboka ya Yuda etondi na esengo mpo na mikano na Yo.
Let Mount Zion be glad, let the daughters of Judah rejoice because of your righteous decrees.
12 Botambola pembeni ya Siona, bokende zingazinga na yango, botanga bandako na yango ya milayi.
Walk around Mount Zion, go round about her; count her towers,
13 Botala lopango na yango, botala malamu bandako na yango mpo ete bopesa sango epai ya bato oyo bakoya na sima.
notice well her walls, and look at her palaces so that you may tell it to the next generation.
14 Pamba te Nzambe wana azali Nzambe na biso seko na seko mpe libela na libela; akotambolisa biso, ezala kino na kufa.
For this God is our God forever and ever; he will be our guide to death.
