Masese 13

1 Mwana mayele ayokaka mateya ya tata na ye, kasi mwana oyo atiolaka ayokaka pamela te.

L'enfant sage écoute l'avis de son père: mais le moqueur n'écoute pas la réprimande.

2 Mbuma ya monoko eleisaka moto bilei ya malamu, kasi molimo ya moto oyo atambolaka na bosembo te ememaka na mobulu.

Par les fruits de sa bouche l'homme est rassasié de biens; mais la convoitise des infidèles [recueille] l'injure.

3 Moto oyo abatelaka monoko na ye abatelaka molimo na ye, kasi moto oyo afungolaka monoko na ye makasi akosuka na libebi.

Qui surveille sa bouche, met en sûreté sa vie; pour qui tient ses lèvres ouvertes, la ruine est là.

4 Moto ya goyigoyi ayokaka baposa, kasi akoki kokokisa yango te; nzokande baposa ya moto ya nzunzu ekokisamaka.

L'appétit des paresseux est avide, et ne le mène à rien; mais l'appétit des diligents est entièrement satisfait.

5 Moto ya sembo ayinaka maloba ya lokuta, kasi moto mabe amiyinisaka mpe apanzaka soni.

Le juste a le langage menteur en aversion; mais le méchant diffame et outrage.

6 Bosembo ebatelaka moto oyo atambolaka alima na nzela na ye, kasi mabe ebebisaka bongo ya moto ya masumu.

La justice préserve l'innocence, mais l'impiété cause la ruine du pécheur.

7 Ezali na moto moko oyo asalaka makambo lokola mozwi, nzokande azali na ye ata na eloko moko te; mpe ezali na moto mosusu oyo asalaka makambo lokola mobola, nzokande azali na bozwi mingi.

Tel fait le riche, qui n'a rien du tout; tel fait le pauvre, qui a beaucoup de bien.

8 Bomengo ya mozwi ebatelaka bomoi na ye, kasi bato mabe batungisaka mobola te.

Avec des richesses on rachète sa vie; mais le pauvre n'a pas de menaces à entendre.

9 Pole ya bato ya sembo engengaka makasi, kasi mwinda ya bato mabe ekufaka.

La lumière des justes a toujours un riant éclat; mais la lampe des impies s'éteint.

10 Lolendo ememaka kaka na koswana, kasi bato oyo bayokaka toli bazwaka bwanya.

Par l'orgueil on ne fait naître que des rixes; mais ceux qui accueillent un conseil, possèdent la sagesse.

11 Bomengo oyo ezwami na lombangu mpe na nzela ya mabe esilaka noki, kasi bomengo oyo babakisaka na moke-moke ekomaka ebele.

La richesse se dissipe plus vite qu'un souffle; mais celui qui amasse dans sa main, l'accroît.

12 Elikya oyo ekokisami te epesaka bokono na motema, kasi posa oyo ekokisami ezali nzete ya bomoi.

L'espoir différé rend le cœur malade; mais le souhait accompli est un arbre de vie.

13 Moto oyo atiolaka liloba amiyokisaka pasi, kasi moto oyo atosaka malako akozwa lifuti.

Qui méprise la Parole, se perd; mais qui respecte la Loi, sera récompensé.

14 Mateya ya moto ya bwanya ezali etima ya bomoi, ekangolaka na mitambo ya kufa.

La doctrine du sage est une source de vie, faisant échapper aux lacs de la mort.

15 Boyebi ememelaka bato ngolu, kasi nzela ya bato oyo babukaka mibeko ezalaka pasi.

Un bon esprit concilie la faveur; mais la voie des perfides est pénible.

16 Moto ya mayele asalaka makambo kolanda boyebi, kasi zoba, atandaka bozoba na ye.

Tout homme prudent agit avec jugement; mais l'insensé déploie de la folie.

17 Motindami ya mabe akweyaka kati na pasi, kasi motindami ya sembo amemaka lobiko.

Un messager infidèle tombe dans le malheur; mais un envoyé sûr fait du bien.

18 Bobola mpe soni ekomelaka bato oyo baboyaka koyekola, kasi moto oyo andimaka pamela akozwa lokumu.

Indigence et honte pour qui déserte la discipline; mais qui a égard à la correction, parvient à la gloire.

19 Posa oyo ekokisami esalaka esengo na motema, kasi kokabwana na mabe ezali likambo ya nkele na miso ya zoba.

Un souhait accompli est doux au cœur; et ce que les fous abhorrent, c'est de fuir le mal.

20 Moto oyo asanganaka na bato ya bwanya akomaka moto ya bwanya, kasi moto oyo atambolaka nzela moko na bazoba akomona pasi.

Hante les sages, et sage tu seras; mais qui se plaît avec les fous, se déprave.

21 Mabe elandaka bato ya masumu, kasi bolamu ezali lifuti ya bato ya sembo.

Le malheur poursuit les pécheurs, mais le bonheur est la rétribution des justes.

22 Moto oyo asalaka bolamu atikelaka bakitani na ye libula, kasi bomengo ya moto ya masumu ebombamaka mpo na moyengebene.

L'homme de bien laisse son héritage aux enfants de ses enfants, mais l'opulence du pécheur est réservée pour le juste.

23 Bilanga ya mobola ekoki kobotela ye bilei ebele, kasi ezali na bato oyo bazali kobeba mpo na kozanga bosembo.

Le défrichement du pauvre donne abondance de denrées; mais tel se ruine, faute de justice.

24 Moto oyo aboyaka kobeta mwana na ye fimbu alingaka ye te, kasi moto oyo alingaka mwana na ye abetaka ye.

Epargner la verge, c'est haïr son enfant; mais c'est l'aimer que de veiller à sa correction.

25 Moyengebene aliaka mpe atondaka, kasi libumu ya moto mabe ezalaka na nzala.

Le juste mange à satisfaire sa faim; mais le ventre des impies ressent la disette.