Masese 13

1 Mwana mayele ayokaka mateya ya tata na ye, kasi mwana oyo atiolaka ayokaka pamela te.

Un fils sage [écoute] l’instruction du père, mais le moqueur n’écoute pas la répréhension.

2 Mbuma ya monoko eleisaka moto bilei ya malamu, kasi molimo ya moto oyo atambolaka na bosembo te ememaka na mobulu.

Du fruit de sa bouche l’homme mange du bien, mais l’âme des perfides [mange] la violence.

3 Moto oyo abatelaka monoko na ye abatelaka molimo na ye, kasi moto oyo afungolaka monoko na ye makasi akosuka na libebi.

Qui surveille sa bouche garde son âme; la ruine est pour celui qui ouvre ses lèvres toutes grandes.

4 Moto ya goyigoyi ayokaka baposa, kasi akoki kokokisa yango te; nzokande baposa ya moto ya nzunzu ekokisamaka.

L’âme du paresseux désire, et il n’y a rien; mais l’âme des diligents sera engraissée.

5 Moto ya sembo ayinaka maloba ya lokuta, kasi moto mabe amiyinisaka mpe apanzaka soni.

Le juste hait la parole mensongère, mais le méchant se rend odieux et se couvre de honte.

6 Bosembo ebatelaka moto oyo atambolaka alima na nzela na ye, kasi mabe ebebisaka bongo ya moto ya masumu.

La justice garde celui qui est intègre dans sa voie, mais la méchanceté renverse le pécheur.

7 Ezali na moto moko oyo asalaka makambo lokola mozwi, nzokande azali na ye ata na eloko moko te; mpe ezali na moto mosusu oyo asalaka makambo lokola mobola, nzokande azali na bozwi mingi.

Tel fait le riche et n’a rien du tout; et tel se fait pauvre et a de grands biens.

8 Bomengo ya mozwi ebatelaka bomoi na ye, kasi bato mabe batungisaka mobola te.

La rançon pour la vie d’un homme, c’est sa richesse; mais le pauvre n’entend pas la réprimande.

9 Pole ya bato ya sembo engengaka makasi, kasi mwinda ya bato mabe ekufaka.

La lumière des justes est joyeuse, mais la lampe des méchants s’éteindra.

10 Lolendo ememaka kaka na koswana, kasi bato oyo bayokaka toli bazwaka bwanya.

Ce n’est que de l’orgueil que vient la querelle, mais la sagesse est avec ceux qui se laissent conseiller.

11 Bomengo oyo ezwami na lombangu mpe na nzela ya mabe esilaka noki, kasi bomengo oyo babakisaka na moke-moke ekomaka ebele.

Les biens qui viennent de la vanité diminuent, mais celui qui amasse à la main les accroîtra.

12 Elikya oyo ekokisami te epesaka bokono na motema, kasi posa oyo ekokisami ezali nzete ya bomoi.

L’attente différée rend le cœur malade, mais le désir qui arrive est un arbre de vie.

13 Moto oyo atiolaka liloba amiyokisaka pasi, kasi moto oyo atosaka malako akozwa lifuti.

Qui méprise la parole sera lié par elle; mais qui craint le commandement, celui-là sera récompensé.

14 Mateya ya moto ya bwanya ezali etima ya bomoi, ekangolaka na mitambo ya kufa.

L’enseignement du sage est une fontaine de vie, pour faire éviter les pièges de la mort.

15 Boyebi ememelaka bato ngolu, kasi nzela ya bato oyo babukaka mibeko ezalaka pasi.

Le bon sens procure la faveur, mais la voie des perfides est dure.

16 Moto ya mayele asalaka makambo kolanda boyebi, kasi zoba, atandaka bozoba na ye.

Tout homme avisé agit avec connaissance, mais le sot fait étalage de sa folie.

17 Motindami ya mabe akweyaka kati na pasi, kasi motindami ya sembo amemaka lobiko.

Un messager méchant tombe dans le mal, mais un ambassadeur fidèle est santé.

18 Bobola mpe soni ekomelaka bato oyo baboyaka koyekola, kasi moto oyo andimaka pamela akozwa lokumu.

La pauvreté et la honte arrivent à qui rejette l’instruction, mais celui qui a égard à la répréhension sera honoré.

19 Posa oyo ekokisami esalaka esengo na motema, kasi kokabwana na mabe ezali likambo ya nkele na miso ya zoba.

Le désir accompli est agréable à l’âme, mais se détourner du mal est une abomination pour les sots.

20 Moto oyo asanganaka na bato ya bwanya akomaka moto ya bwanya, kasi moto oyo atambolaka nzela moko na bazoba akomona pasi.

Qui marche avec les sages devient sage, mais le compagnon des sots s’en trouvera mal.

21 Mabe elandaka bato ya masumu, kasi bolamu ezali lifuti ya bato ya sembo.

Le mal poursuit les pécheurs; mais le bien est la récompense des justes.

22 Moto oyo asalaka bolamu atikelaka bakitani na ye libula, kasi bomengo ya moto ya masumu ebombamaka mpo na moyengebene.

L’homme de bien laisse un héritage aux fils de ses fils, mais la richesse du pécheur est réservée pour le juste.

23 Bilanga ya mobola ekoki kobotela ye bilei ebele, kasi ezali na bato oyo bazali kobeba mpo na kozanga bosembo.

Il y a beaucoup à manger dans le défrichement des pauvres, mais il y a ce qui se perd faute de règle.

24 Moto oyo aboyaka kobeta mwana na ye fimbu alingaka ye te, kasi moto oyo alingaka mwana na ye abetaka ye.

Celui qui épargne la verge hait son fils, mais celui qui l’aime met de la diligence à le discipliner.

25 Moyengebene aliaka mpe atondaka, kasi libumu ya moto mabe ezalaka na nzala.

Le juste mange pour le rassasiement de son âme, mais le ventre des méchants aura disette.