Psalmorum 89
1 intellectus Aethan Ezraitae misericordias Domini in aeternum cantabo in generationem et generationem adnuntiabo veritatem tuam in ore meo
Intellectus Ethan Ezrahitæ. Misericordias Domini in æternum cantabo. In generationem et generationem annunciabo veritatem tuam in ore meo.
2 quoniam dixisti in aeternum misericordia aedificabitur in caelis praeparabitur veritas tua in eis;
Quoniam dixisti: In æternum misericordia ædificabitur in cælis: præparabitur veritas tua in eis.
3 disposui testamentum electis meis iuravi David servo meo
Disposui testamentum electis meis, iuravi David servo meo:
4 usque in aeternum praeparabo semen tuum et aedificabo in generationem et generationem sedem tuam diapsalma
usque in æternum præparabo semen tuum. Et ædificabo in generationem, et generationem sedem tuam.
5 confitebuntur caeli mirabilia tua Domine etenim veritatem tuam in ecclesia sanctorum
Confitebuntur cæli mirabilia tua Domine: etenim veritatem tuam in Ecclesia sanctorum.
6 quoniam quis in nubibus aequabitur Domino similis erit Domino in filiis Dei
Quoniam quis in nubibus æquabitur Domino: similis erit Deo in filiis Dei?
7 Deus qui glorificatur in consilio sanctorum magnus et horrendus super omnes qui in circuitu eius sunt
Deus, qui glorificatur in consilio sanctorum: magnus et terribilis super omnes qui in circuitu eius sunt.
8 Domine Deus virtutum quis similis tibi potens es Domine et veritas tua in circuitu tuo
Domine Deus virtutum quis similis tibi? potens es Domine, et veritas tua in circuitu tuo.
9 tu dominaris potestatis maris motum autem fluctuum eius tu mitigas
Tu dominaris potestati maris: motum autem fluctuum eius tu mitigas.
10 tu humiliasti sicut vulneratum superbum in brachio virtutis tuae dispersisti inimicos tuos
Tu humiliasti sicut vulneratum, superbum: in brachio virtutis tuæ dispersisti inimicos tuos.
11 tui sunt caeli et tua est terra orbem terrae et plenitudinem eius tu fundasti
Tui sunt cæli, et tua est terra, orbem terræ et plenitudinem eius tu fundasti:
12 aquilonem et mare tu creasti Thabor et Hermon in nomine tuo exultabunt
Aquilonem, et mare tu creasti. Thabor et Hermon in nomine tuo exultabunt:
13 tuum brachium cum potentia firmetur manus tua et exaltetur dextera tua
tuum brachium cum potentia. Firmetur manus tua, et exaltetur dextera tua:
14 iustitia et iudicium praeparatio sedis tuae misericordia et veritas praecedent faciem tuam
iustitia et iudicium præparatio sedis tuæ. Misericordia et veritas præcedent faciem tuam.
15 beatus populus qui scit iubilationem Domine in lumine vultus tui ambulabunt
Beatus populus, qui scit iubilationem. Domine, in lumine vultus tui ambulabunt,
16 et in nomine tuo exultabunt tota die et in iustitia tua exaltabuntur
et in nomine tuo exultabunt tota die: et in iustitia tua exaltabuntur.
17 quoniam gloria virtutis eorum tu es et in beneplacito tuo exaltabitur cornu nostrum
Quoniam gloria virtutis eorum tu es: et in beneplacito tuo exaltabitur cornu nostrum.
18 quia Domini est adsumptio nostra; et Sancti Israhel regis nostri
Quia Domini est assumptio nostra: et sancti Israel regis nostri.
19 tunc locutus es in visione sanctis tuis et dixisti posui adiutorium in potentem exaltavi electum de plebe mea
Tunc locutus es in visione sanctis tuis, et dixisti: Posui adiutorium in potente: et exaltavi electum de plebe mea.
20 inveni David servum meum in oleo sancto meo linui eum
Inveni David servum meum: oleo sancto meo unxi eum.
21 manus enim mea auxiliabitur ei et brachium meum confirmabit eum
Manus enim mea auxiliabitur ei: et brachium meum confortabit eum.
22 nihil proficiet inimicus in eo et filius iniquitatis non adponet nocere eum
Nihil proficiet inimicus in eo, et filius iniquitatis non apponet nocere ei.
23 et concidam a facie ipsius inimicos eius et odientes eum in fugam convertam
Et concidam a facie ipsius inimicos eius: et odientes eum in fugam convertam.
24 et veritas mea et misericordia mea cum ipso et in nomine meo exaltabitur cornu eius
Et veritas mea, et misericordia mea cum ipso: et in nomine meo exaltabitur cornu eius.
25 et ponam in mari manum eius et in fluminibus dexteram eius
Et ponam in mari manum eius: et in fluminibus dexteram eius.
26 ipse invocabit me pater meus es tu Deus meus et susceptor salutis meae
Ipse invocabit me: Pater meus es tu: Deus meus, et susceptor salutis meæ:
27 et ego primogenitum ponam illum excelsum prae regibus terrae
Et ego primogenitum ponam illum, excelsum præ regibus terræ.
28 in aeternum servabo illi misericordiam meam et testamentum meum fidele ipsi
In æternum servabo illi misericordiam meam: et testamentum meum fidele ipsi.
29 et ponam in saeculum saeculi semen eius et thronum eius sicut dies caeli
Et ponam in sæculum sæculi semen eius: et thronum eius sicut dies cæli.
30 si dereliquerint filii eius legem meam et in iudiciis meis non ambulaverint
Si autem dereliquerint filii eius legem meam: et in iudiciis meis non ambulaverint:
31 si iustitias meas profanaverint et mandata mea non custodierint
Si iustitias meas profanaverint: et mandata mea non custodierint:
32 visitabo in virga iniquitates eorum et in verberibus peccata eorum
Visitabo in virga iniquitates eorum: et in verberibus peccata eorum.
33 misericordiam autem meam non dispergam ab eo neque nocebo in veritate mea
Misericordiam autem meam non dispergam ab eo: neque nocebo in veritate mea:
34 neque profanabo testamentum meum et quae procedunt de labiis meis non faciam irrita
Neque profanabo testamentum meum: et quæ procedunt de labiis meis non faciam irrita.
35 semel iuravi in sancto meo si David mentiar
Semel iuravi in sancto meo, si David mentiar:
36 semen eius in aeternum manebit
semen eius in æternum manebit. Et thronus eius sicut Sol in conspectu meo,
37 et thronus eius sicut sol in conspectu meo et sicut luna perfecta in aeternum et testis in caelo fidelis diapsalma
et sicut Luna perfecta in æternum: et testis in cælo fidelis.
38 tu vero reppulisti et despexisti distulisti christum tuum
Tu vero repulisti et despexisti: distulisti Christum tuum.
39 evertisti testamentum servi tui profanasti in terram sanctuarium eius
Evertisti testamentum servi tui: profanasti in terra Sanctuarium eius.
40 destruxisti omnes sepes eius posuisti firmamenta eius formidinem
Destruxisti omnes sepes eius: posuisti firmamentum eius formidinem.
41 diripuerunt eum omnes transeuntes viam factus est obprobrium vicinis suis
Diripuerunt eum omnes transeuntes viam: factus est opprobrium vicinis suis.
42 exaltasti dexteram deprimentium eum laetificasti omnes inimicos eius
Exaltasti dexteram deprimentium eum: lætificasti omnes inimicos eius.
43 avertisti adiutorium gladii eius et non es auxiliatus ei in bello
Avertisti adiutorium gladii eius: et non es auxiliatus ei in bello.
44 destruxisti eum a mundatione sedem eius in terram conlisisti
Destruxisti eum ab emundatione: et sedem eius in terram collisisti.
45 minorasti dies temporis eius perfudisti eum confusione diapsalma
Minorasti dies temporis eius: perfudisti eum confusione.
46 usquequo Domine avertis in finem exardescet sicut ignis ira tua
Usquequo Domine avertis in finem: exardescet sicut ignis ira tua?
47 memorare quae mea substantia numquid enim vane constituisti omnes filios hominum
Memorare quæ mea substantia: numquid enim vane constituisti omnes filios hominum?
48 quis est homo qui vivet et non videbit mortem eruet animam suam de manu inferi diapsalma (Sheol h7585)
Quis est homo, qui vivet, et non videbit mortem: eruet animam suam de manu inferi? (Sheol h7585)
49 ubi sunt misericordiae tuae antiquae Domine sicut iurasti David in veritate tua
Ubi sunt misericordiæ tuæ antiquæ Domine, sicut iurasti David in veritate tua?
50 memor esto Domine obprobrii servorum tuorum quod continui in sinu meo multarum gentium
Memor esto Domine opprobrii servorum tuorum (quod continui in sinu meo) multarum gentium.
51 quod exprobraverunt inimici tui Domine quod exprobraverunt commutationem christi tui
Quod exprobraverunt inimici tui Domine, quod exprobraverunt commutationem Christi tui.
52 benedictus Dominus in aeternum fiat fiat
Benedictus Dominus in æternum: fiat, fiat.
