Psalmorum 147
1 alleluia Aggei et Zacchariae laudate Dominum quoniam bonum psalmus Deo nostro sit iucunda decoraque; laudatio
Alleluya. Herie ye the Lord, for the salm is good; heriyng be myrie, and fair to oure God.
2 aedificans Hierusalem Dominus dispersiones Israhel congregabit
The Lord schal bilde Jerusalem; and schal gadere togidere the scateryngis of Israel.
3 qui sanat contritos corde et alligat contritiones illorum
Which Lord makith hool men contrit in herte; and byndith togidere the sorewes of hem.
4 qui numerat multitudinem stellarum et omnibus eis nomina vocans
Which noumbrith the multitude of sterris; and clepith names to alle tho.
5 magnus Dominus noster et magna virtus eius et sapientiae eius non est numerus
Oure Lord is greet, and his vertu is greet; and of his wisdom is no noumbre.
6 suscipiens mansuetos Dominus humilians autem peccatores usque ad terram
The Lord takith vp mylde men; forsothe he makith low synneris `til to the erthe.
7 praecinite Domino in confessione psallite Deo nostro in cithara
Bifore synge ye to the Lord in knoulechyng; seye ye salm to oure God in an harpe.
8 qui operit caelum nubibus et parat terrae pluviam qui producit in montibus faenum et herbam servituti hominum
Which hilith heuene with cloudis; and makith redi reyn to the erthe. Which bryngith forth hei in hillis; and eerbe to the seruice of men.
9 et dat iumentis escam ipsorum et pullis corvorum invocantibus eum
Which yyueth mete to her werk beestis; and to the briddys of crowis clepinge hym.
10 non in fortitudine equi voluntatem habebit nec in tibiis viri beneplacitum erit ei
He schal not haue wille in the strengthe of an hors; nether it schal be wel plesaunt to hym in the leggis of a man.
11 beneplacitum est Domino super timentes eum et in eis qui sperant super misericordia eius
It is wel plesaunt to the Lord on men that dreden hym; and in hem that hopen on his mercy.
12 alleluia lauda Hierusalem Dominum lauda Deum tuum Sion
Jerusalem, herie thou the Lord; Syon, herie thou thi God.
13 quoniam confortavit seras portarum tuarum benedixit filiis tuis in te
For he hath coumfortid the lockis of thi yatis; he hath blessid thi sones in thee.
14 qui posuit fines tuos pacem et adipe frumenti satiat te
Which hath set thi coostis pees; and fillith thee with the fatnesse of wheete.
15 qui emittit eloquium suum terrae velociter currit sermo eius
Which sendith out his speche to the erthe; his word renneth swiftli.
16 qui dat nivem sicut lanam nebulam sicut cinerem spargit
Which yyueth snow as wolle; spredith abrood a cloude as aische.
17 mittit cristallum suum sicut buccellas ante faciem frigoris eius quis sustinebit
He sendith his cristal as mussels; who schal suffre bifore the face of his cooldnesse?
18 emittet verbum suum et liquefaciet ea flabit spiritus eius et fluent aquae
He schal sende out his word, and schal melte tho; his spirit schal blowe, and watris schulen flowe.
19 qui adnuntiat verbum suum Iacob iustitias et iudicia sua Israhel
Which tellith his word to Jacob; and hise riytfulnessis and domes to Israel.
20 non fecit taliter omni nationi et iudicia sua non manifestavit eis
He dide not so to ech nacioun; and he schewide not hise domes to hem.
