Psalmorum 132

1 canticum graduum memento Domine David et omnis mansuetudinis eius

The song of greces. Lord, haue thou mynde on Dauid; and of al his myldenesse.

2 sicut iuravit Domino votum vovit Deo Iacob

As he swoor to the Lord; he made a vowe to God of Jacob.

3 si introiero in tabernaculum domus meae si ascendero in lectum strati mei

I schal not entre in to the tabernacle of myn hous; Y schal not stie in to the bed of mi restyng.

4 si dedero somnum oculis meis et palpebris meis dormitationem

I schal not yyue sleep to myn iyen; and napping to myn iye liddis.

5 et requiem temporibus meis donec inveniam locum Domino tabernaculum Deo Iacob

And rest to my templis, til Y fynde a place to the Lord; a tabernacle to God of Jacob.

6 ecce audivimus eam in Efrata invenimus eam in campis silvae

Lo! we herden that arke of testament in Effrata, `that is, in Silo; we founden it in the feeldis of the wode.

7 introibimus in tabernacula eius adorabimus in loco ubi steterunt pedes eius

We schulen entre in to the tabernacle of hym; we schulen worschipe in the place, where hise feet stoden.

8 surge Domine in requiem tuam tu et arca sanctificationis tuae

Lord, rise thou in to thi reste; thou and the ark of thin halewing.

9 sacerdotes tui induentur iustitia et sancti tui exultabunt

Thi prestis be clothid with riytfulnesse; and thi seyntis make ful out ioye.

10 propter David servum tuum non avertas faciem christi tui

For Dauid, thi seruaunt; turne thou not awei the face of thi crist.

11 iuravit Dominus David veritatem et non frustrabit eum de fructu ventris tui ponam super sedem tuam

The Lord swoor treuthe to Dauid, and he schal not make hym veyn; of the fruyt of thi wombe Y schal sette on thi seete.

12 si custodierint filii tui testamentum meum et testimonia mea haec quae docebo eos et filii eorum usque in saeculum sedebunt super sedem tuam

If thi sones schulen kepe my testament; and my witnessingis, these whiche Y schal teche hem. And the sones of hem til in to the world; thei schulen sette on thi seete.

13 quoniam elegit Dominus Sion elegit eam in habitationem sibi

For the Lord chees Sion; he chees it in to dwelling to hym silf.

14 haec requies mea in saeculum saeculi hic habitabo quoniam elegi eam

This is my reste in to the world of world; Y schal dwelle here, for Y chees it.

15 viduam eius benedicens benedicam pauperes eius saturabo panibus

I blessynge schal blesse the widewe of it; Y schal fille with looues the pore men of it.

16 sacerdotes eius induam salutari et sancti eius exultatione exultabunt

I schal clothe with heelthe the preestis therof; and the hooli men therof schulen make ful out ioye in ful reioisinge.

17 illic producam cornu David paravi lucernam christo meo

Thidir Y schal bringe forth the horn of Dauid; Y made redi a lanterne to my crist.

18 inimicos eius induam confusione super ipsum autem efflorebit sanctificatio mea

I schal clothe hise enemyes with schame; but myn halewing schal floure out on hym.