Psalmorum 115

1 non nobis Domine non nobis sed nomini tuo da gloriam

Non nobis Domine, non nobis: sed nomini tuo da gloriam.

2 super misericordia tua et veritate tua nequando dicant gentes ubi est Deus eorum

Super misericordia tua, et veritate tua: nequando dicant Gentes: Ubi est Deus eorum?

3 Deus autem noster in caelo omnia quaecumque voluit fecit

Deus autem noster in cælo: omnia quæcumque voluit, fecit.

4 simulacra gentium argentum et aurum opera manuum hominum

Simulacra gentium argentum, et aurum, opera manuum hominum.

5 os habent et non loquentur oculos habent et non videbunt

Os habent, et non loquentur: oculos habent, et non videbunt.

6 aures habent et non audient nares habent et non odorabuntur

Aures habent, et non audient: nares habent, et non odorabunt.

7 manus habent et non palpabunt pedes habent et non ambulabunt non clamabunt in gutture suo

Manus habent, et non palpabunt: pedes habent, et non ambulabunt: non clamabunt in gutture suo.

8 similes illis fiant qui faciunt ea et omnes qui confidunt in eis

Similes illis fiant qui faciunt ea: et omnes qui confidunt in eis.

9 domus Israhel speravit in Domino adiutor eorum et protector eorum est

Domus Israel speravit in Domino: adiutor eorum et protector eorum est.

10 domus Aaron speravit in Domino adiutor eorum et protector eorum est

Domus Aaron speravit in Domino: adiutor eorum et protector eorum est.

11 qui timent Dominum speraverunt in Domino adiutor eorum et protector eorum est

Qui timent Dominum, speraverunt in Domino: adiutor eorum et protector eorum est.

12 Dominus memor fuit nostri et benedixit nobis benedixit domui Israhel benedixit domui Aaron

Dominus memor fuit nostri: et benedixit nobis: Benedixit domui Israel: benedixit domui Aaron.

13 benedixit omnibus qui timent Dominum pusillis cum maioribus

Benedixit omnibus, qui timent Dominum, pusillis cum maioribus.

14 adiciat Dominus super vos super vos et super filios vestros

Adiiciat Dominus super vos: super vos, et super filios vestros.

15 benedicti vos Domino qui fecit caelum et terram

Benedicti vos a Domino, qui fecit cælum, et terram.

16 caelum caeli Domino terram autem dedit filiis hominum

Cælum cæli Domino: terram autem dedit filiis hominum.

17 non mortui laudabunt te Domine neque omnes qui descendunt in infernum (questioned)

Non mortui laudabunt te Domine: neque omnes, qui descendunt in infernum. (questioned)

18 sed nos qui vivimus benedicimus Domino ex hoc nunc et usque in saeculum

Sed nos qui vivimus, benedicimus Domino, ex hoc nunc et usque in sæculum.