Psalmorum 111

1 alleluia reversionis Aggei et Zacchariae confitebor tibi Domine in toto corde meo in consilio iustorum et congregatione

Alleluya. Lord, Y schal knouleche to thee in al myn herte; in the counsel and congregacioun of iust men.

2 magna opera Domini exquisita in omnes voluntates eius

The werkis of the Lord ben greete; souyt out in to alle hise willis.

3 confessio et magnificentia opus eius et iustitia eius manet in saeculum saeculi

His werk is knoulechyng and grete doyng; and his riytfulnesse dwellith in to the world of world.

4 memoriam fecit mirabilium suorum misericors et miserator Dominus

The Lord merciful in wille, and a merciful doere, hath maad a mynde of hise merueilis;

5 escam dedit timentibus se memor erit in saeculum testamenti sui

he hath youe meete to men dredynge hym. He schal be myndeful of his testament in to the world;

6 virtutem operum suorum adnuntiabit populo suo

he schal telle to his puple the vertu of hise werkis.

7 ut det illis hereditatem gentium opera manuum eius veritas et iudicium

That he yyue to hem the eritage of folkis; the werkis of hise hondis ben treuthe and doom.

8 fidelia omnia mandata eius confirmata in saeculum saeculi facta in veritate et aequitate

Alle hise comaundementis ben feithful, confermed in to the world of world; maad in treuthe and equite.

9 redemptionem misit populo suo mandavit in aeternum testamentum suum sanctum et terribile nomen eius

The Lord sente redempcioun to hys puple; he comaundide his testament with outen ende. His name is hooli and dreedful;

10 initium sapientiae timor Domini intellectus bonus omnibus facientibus eum laudatio eius manet in saeculum saeculi

the bigynnyng of wisdom is the drede of the Lord. Good vndirstondyng is to alle that doen it; his preising dwellith in to the world of world.