Genesis 36
1 hae sunt autem generationes Esau ipse est Edom
Hæ sunt autem generationes Esau, ipse est Edom.
2 Esau accepit uxores de filiabus Chanaan Ada filiam Elom Hetthei et Oolibama filiam Anae filiae Sebeon Evei
Esau accepit uxores de filiabus Chanaan: Ada filiam Elon Hethæi, et Oolibama filiam Anæ filiæ Sebeon Hevæi:
3 Basemath quoque filiam Ismahel sororem Nabaioth
Basemath quoque filiam Ismael sororem Nabaioth.
4 peperit autem Ada Eliphaz Basemath genuit Rauhel
Peperit autem Ada, Eliphaz: Basemath genuit Rahuel:
5 Oolibama edidit Hieus et Hielom et Core hii filii Esau qui nati sunt ei in terra Chanaan
Oolibama genuit Iehus et Ihelon et Core. Hi filii Esau qui nati sunt ei in terra Chanaan.
6 tulit autem Esau uxores suas et filios et filias et omnem animam domus suae et substantiam et pecora et cuncta quae habere poterat in terra Chanaan et abiit in alteram regionem recessitque a fratre suo Iacob
Tulit autem Esau uxores suas et filios et filias, et omnem animam domus suæ, et substantiam, et pecora, et cuncta quæ habere poterat in terra Chanaan: et abiit in alteram regionem, recessitque a fratre suo Iacob.
7 divites enim erant valde et simul habitare non poterant nec sustinebat eos terra peregrinationis eorum prae multitudine gregum
Divites enim erant valde, et simul habitare non poterant: nec sustinebat eos terra peregrinationis eorum præ multitudine gregum.
8 habitavitque Esau in monte Seir ipse est Edom
Habitavitque Esau in monte Seir, ipse est Edom.
9 hae sunt generationes Esau patris Edom in monte Seir
Hæ autem sunt generationes Esau patris Edom in monte Seir,
10 et haec nomina filiorum eius Eliphaz filius Ada uxoris Esau Rauhel quoque filius Basemath uxoris eius
et hæc nomina filiorum eius: Eliphaz filius Ada uxoris Esau: Rahuel quoque filius Basemath uxoris eius.
11 fueruntque filii Eliphaz Theman Omar Sephu et Gatham et Cenez
Fueruntque Eliphaz filii: Theman, Omar, Sepho, et Gatham, et Cenez.
12 erat autem Thamna concubina Eliphaz filii Esau quae peperit ei Amalech hii sunt filii Adae uxoris Esau
Erat autem Thamna, concubina Eliphaz filii Esau: quæ peperit ei Amalech. Hi sunt filii Ada uxoris Esau.
13 filii autem Rauhel Naath et Zara Semma et Meza hii filii Basemath uxoris Esau
Filii autem Rahuel: Nahath et Zara, Samma et Meza. Hi filii Basemath uxoris Esau.
14 isti quoque erant filii Oolibama filiae Ana filiae Sebeon uxoris Esau quos genuit ei Hieus et Hielom et Core
Isti quoque erant filii Oolibama filiæ Anæ filiæ Sebeon, uxoris Esau, quos genuit ei Iehus et Ihelon et Core.
15 hii duces filiorum Esau filii Eliphaz primogeniti Esau dux Theman dux Omar dux Sephu dux Cenez
Hi duces filiorum Esau: Filii Eliphaz primogeniti Esau: dux Theman, dux Omra, dux Sepho, dux Cenez,
16 dux Core dux Gatham dux Amalech hii filii Eliphaz in terra Edom et hii filii Adae
dux Core, dux Gathan, dux Amalech. Hi filii Eliphaz in terra Edom, et hi filii Ada.
17 hii quoque filii Rauhel filii Esau dux Naath dux Zara dux Semma dux Meza hii duces Rauhel in terra Edom isti filii Basemath uxoris Esau
Hi quoque filii Rahuel filii Esau: dux Nahath, dux Zara, dux Samma, dux Meza. Hi autem duces Rahuel in terra Edom: isti filii Basemath uxoris Esau.
18 hii autem filii Oolibama uxoris Esau dux Hieus dux Hielom dux Core hii duces Oolibama filiae Ana uxoris Esau
Hi autem filii Oolibama uxoris Esau: dux Iehus, dux Ihelon, dux Core. Hi duces Oolibama filiæ Anæ uxoris Esau.
19 isti filii Esau et hii duces eorum ipse est Edom
Isti sunt filii Esau, et hi duces eorum: ipse est Edom.
20 isti filii Seir Horrei habitatores terrae Lotham et Sobal et Sebeon et Anan
Isti sunt filii Seir Horræi, habitatores terræ: Lotan, et Sobal, et Sebeon, et Ana,
21 Dison et Eser et Disan hii duces Horrei filii Seir in terra Edom
et Dison, et Eser, et Disan. Hi duces Horræi, filii Seir in Terra Edom.
22 facti sunt autem filii Lotham Horrei et Heman erat autem soror Lotham Thamna
Facti sunt autem filii Lotan: Hori et Heman. Erat autem soror Lotan, Thamna.
23 et isti filii Sobal Alvam et Maneeth et Hebal Sephi et Onam
Et isti filii Sobal: Alvan et Manahat et Ebal, et Sepho et Onam.
24 et hii filii Sebeon Ahaia et Anam iste est Ana qui invenit aquas calidas in solitudine cum pasceret asinos Sebeon patris sui
Et hi filii Sebeon: Aia et Ana. Iste est Ana qui invenit aquas calidas in solitudine, cum pasceret asinos Sebeon patris sui:
25 habuitque filium Disan et filiam Oolibama
habuitque filium Dison, et filiam Oolibama.
26 et isti filii Disan Amdan et Esban et Iethran et Charan
Et isti filii Dison: Hamdan, et Eseban, et Iethram, et Charan.
27 hii quoque filii Eser Balaan et Zevan et Acham
Hi quoque filii Eser: Balaan, et Zavan, et Acan.
28 habuit autem filios Disan Hus et Aran
Habuit autem filios Disan: Hus, et Aram.
29 isti duces Horreorum dux Lothan dux Sobal dux Sebeon dux Ana
Hi duces Horræorum: dux Lotan, dux Sobal, dux Sebeon, dux Ana,
30 dux Dison dux Eser dux Disan isti duces Horreorum qui imperaverunt in terra Seir
dux Dison, dux Eser, dux Disan: isti duces Horræorum qui imperaverunt in Terra Seir.
31 reges autem qui regnaverunt in terra Edom antequam haberent regem filii Israhel fuerunt hii
Reges autem qui regnaverunt in Terra Edom antequam haberent regem filii Israel, fuerunt hi:
32 Bale filius Beor nomenque urbis eius Denaba
Bela filius Beor, nomenque urbis eius Denaba.
33 mortuus est autem Bale et regnavit pro eo Iobab filius Zare de Bosra
Mortuus est autem Bela, et regnavit pro eo Iobab filius Zaræ de Bosra.
34 cumque mortuus esset Iobab regnavit pro eo Husan de terra Themanorum
Cumque mortuus esset Iobab, regnavit pro eo Husam de terra Themanorum.
35 hoc quoque mortuo regnavit pro eo Adad filius Badadi qui percussit Madian in regione Moab et nomen urbis eius Ahuith
Hoc quoque mortuo, regnavit pro eo Adad filius Badad, qui percussit Madian in regione Moab: et nomen urbis eius Avith.
36 cumque mortuus esset Adad regnavit pro eo Semla de Maserecha
Cumque mortuus esset Adad, regnavit pro eo Semla de Masreca.
37 hoc quoque mortuo regnavit pro eo Saul de fluvio Rooboth
Hoc quoque mortuo regnavit pro eo Saul de fluvio Rohoboth.
38 cumque et hic obisset successit in regnum Baalanam filius Achobor
Cumque et hic obiisset, successit in regnum Balanan filius Achobor.
39 isto quoque mortuo regnavit pro eo Adad nomenque urbis eius Phau et appellabatur uxor illius Meezabel filia Matred filiae Mizaab
Isto quoque mortuo regnavit pro eo Adar, nomenque urbis eius Phau: et appellabatur uxor eius Meetabel, filia Matred filiæ Mezaab.
40 haec ergo nomina Esau in cognationibus et locis et vocabulis suis dux Thamna dux Alva dux Ietheth
Hæc ergo nomina ducum Esau in cognationibus, et locis, et vocabulis suis: dux Thamna, dux Alva, dux Ietheth,
41 dux Oolibama dux Ela dux Phinon
dux Oolibama, dux Ela, dux Phinon,
42 dux Cenez dux Theman dux Mabsar
dux Cenez, dux Theman, dux Mabsar,
43 dux Mabdiel dux Iram hii duces Edom habitantes in terra imperii sui ipse est Esau pater Idumeorum
dux Magdiel, dux Hiram: hi duces Edom habitantes in terra imperii sui, ipse est Esau pater Idumæorum.
