Psalmorum 141

1 Psalmus David. Domine clamavi ad te, exaudi me: intende voci meae, cum clamavero ad te.

Psalmus David. [Domine, clamavi ad te: exaudi me; intende voci meæ, cum clamavero ad te.

2 Dirigatur oratio mea sicut incensum in conspectu tuo: elevatio manuum mearum sacrificium vespertinum.

Dirigatur oratio mea sicut incensum in conspectu tuo; elevatio manuum mearum sacrificium vespertinum.

3 Pone Domine custodiam ori meo: et ostium circumstantiae labiis meis.

Pone, Domine, custodiam ori meo, et ostium circumstantiæ labiis meis.

4 Non declines cor meum in verba malitiae, ad excusandas excusationes in peccatis. Cum hominibus operantibus iniquitatem: et non communicabo cum electis eorum.

Non declines cor meum in verba malitiæ, ad excusandas excusationes in peccatis; cum hominibus operantibus iniquitatem, et non communicabo cum electis eorum.

5 Corripiet me iustus in misericordia, et increpabit me: oleum autem peccatoris non impinguet caput meum. Quoniam adhuc et oratio mea in beneplacitis eorum:

Corripiet me justus in misericordia, et increpabit me: oleum autem peccatoris non impinguet caput meum. Quoniam adhuc et oratio mea in beneplacitis eorum:

6 absorpti sunt iuncti petrae iudices eorum. Audient verba mea quoniam potuerunt:

absorpti sunt juncti petræ judices eorum. Audient verba mea, quoniam potuerunt.

7 sicut crassitudo terrae erupta est super terram. Dissipata sunt ossa nostra secus infernum: (Sheol h7585)

Sicut crassitudo terræ erupta est super terram, dissipata sunt ossa nostra secus infernum. (Sheol h7585)

8 quia ad te Domine, Domine oculi mei: in te speravi, non auferas animam meam.

Quia ad te, Domine, Domine, oculi mei; in te speravi, non auferas animam meam.

9 Custodi me a laqueo, quem statuerunt mihi: et a scandalis operantium iniquitatem.

Custodi me a laqueo quem statuerunt mihi, et a scandalis operantium iniquitatem.

10 Cadent in retiaculo eius peccatores: singulariter sum ego donec transeam.

Cadent in retiaculo ejus peccatores: singulariter sum ego, donec transeam.]