Psalmorum 118
1 Alleluia. Confitemini Domino quoniam bonus: quoniam in saeculum misericordia eius.
Alleluja. [Confitemini Domino, quoniam bonus, quoniam in sæculum misericordia ejus.
2 Dicat nunc Israel quoniam bonus: quoniam in saeculum misericordia eius.
Dicat nunc Israël: Quoniam bonus, quoniam in sæculum misericordia ejus.
3 Dicat nunc domus Aaron: quoniam in saeculum misericordia eius.
Dicat nunc domus Aaron: Quoniam in sæculum misericordia ejus.
4 Dicant nunc omnes qui timent Dominum: quoniam in saeculum misericordia eius.
Dicant nunc qui timent Dominum: Quoniam in sæculum misericordia ejus.
5 De tribulatione invocavi Dominum: et exaudivit me in latitudine Dominus.
De tribulatione invocavi Dominum, et exaudivit me in latitudine Dominus.
6 Dominus mihi adiutor: non timebo quid faciat mihi homo.
Dominus mihi adjutor; non timebo quid faciat mihi homo.
7 Dominus mihi adiutor: et ego despiciam inimicos meos.
Dominus mihi adjutor, et ego despiciam inimicos meos.
8 Bonum est confidere in Domino, quam confidere in homine:
Bonum est confidere in Domino, quam confidere in homine.
9 Bonum est sperare in Domino, quam sperare in principibus.
Bonum est sperare in Domino, quam sperare in principibus.
10 Omnes gentes circuierunt me: et in nomine Domini quia ultus sum in eos.
Omnes gentes circuierunt me, et in nomine Domini, quia ultus sum in eos.
11 Circumdantes circumdederunt me: et in nomine Domini quia ultus sum in eos.
Circumdantes circumdederunt me, et in nomine Domini, quia ultus sum in eos.
12 Circumdederunt me sicut apes, et exarserunt sicut ignis in spinis: et in nomine Domini quia ultus sum in eos.
Circumdederunt me sicut apes, et exarserunt sicut ignis in spinis: et in nomine Domini, quia ultus sum in eos.
13 Impulsus eversus sum ut caderem: et Dominus suscepit me.
Impulsus eversus sum, ut caderem, et Dominus suscepit me.
14 Fortitudo mea, et laus mea Dominus: et factus est mihi in salutem.
Fortitudo mea et laus mea Dominus, et factus est mihi in salutem.
15 Vox exultationis, et salutis in tabernaculis iustorum.
Vox exsultationis et salutis in tabernaculis justorum.
16 Dextera Domini fecit virtutem: dextera Domini exaltavit me, dextera Domini fecit virtutem.
Dextera Domini fecit virtutem; dextera Domini exaltavit me: dextera Domini fecit virtutem.
17 Non moriar, sed vivam: et narrabo opera Domini.
Non moriar, sed vivam, et narrabo opera Domini.
18 Castigans castigavit me Dominus: et morti non tradidit me.
Castigans castigavit me Dominus, et morti non tradidit me.
19 Aperite mihi portas iustitiae, ingressus in eas confitebor Domino:
Aperite mihi portas justitiæ: ingressus in eas confitebor Domino.
20 haec porta Domini, iusti intrabunt in eam.
Hæc porta Domini: justi intrabunt in eam.
21 Confitebor tibi quoniam exaudisti me: et factus es mihi in salutem.
Confitebor tibi quoniam exaudisti me, et factus es mihi in salutem.
22 Lapidem, quem reprobaverunt aedificantes: hic factus est in caput anguli.
Lapidem quem reprobaverunt ædificantes, hic factus est in caput anguli.
23 A Domino factum est istud: et est mirabile in oculis nostris.
A Domino factum est istud, et est mirabile in oculis nostris.
24 Haec est dies, quam fecit Dominus: exultemus, et laetemur in ea.
Hæc est dies quam fecit Dominus; exsultemus, et lætemur in ea.
25 O Domine salvum me fac, o Domine bene prosperare:
O Domine, salvum me fac; o Domine, bene prosperare.
26 benedictus qui venit in nomine Domini. Benediximus vobis de domo Domini:
Benedictus qui venit in nomine Domini: benediximus vobis de domo Domini.
27 Deus Dominus, et illuxit nobis. Constituite diem sollemnem in condensis, usque ad cornu altaris.
Deus Dominus, et illuxit nobis. Constituite diem solemnem in condensis, usque ad cornu altaris.
28 Deus meus es tu, et confitebor tibi: Deus meus es tu, et exaltabo te. Confitebor tibi quoniam exaudisti me: et factus es mihi in salutem.
Deus meus es tu, et confitebor tibi; Deus meus es tu, et exaltabo te. Confitebor tibi quoniam exaudisti me, et factus es mihi in salutem.
29 Confitemini Domino quoniam bonus: quoniam in saeculum misericordia eius.
Confitemini Domino, quoniam bonus, quoniam in sæculum misericordia ejus.]
