Psalmorum 91

1 Laus Cantici David. Qui habitat in adiutorio Altissimi, in protectione Dei cæli commorabitur.

He that dwellith in the help of the hiyeste God; schal dwelle in the proteccioun of God of heuene.

2 Dicet Domino: Susceptor meus es tu, et refugium meum: Deus meus sperabo in eum.

He schal seie to the Lord, Thou art myn vptaker, and my refuit; my God, Y schal hope in him.

3 Quoniam ipse liberavit me de laqueo venantium, et a verbo aspero.

For he delyuered me fro the snare of hunteris; and fro a scharp word.

4 Scapulis suis obumbrabit tibi: et sub pennis eius sperabis:

With hise schuldris he schal make schadowe to thee; and thou schalt haue hope vnder hise fetheris.

5 Scuto circumdabit te veritas eius: non timebis a timore nocturno,

His treuthe schal cumpasse thee with a scheld; thou schalt not drede of nyytis drede.

6 A sagitta volante in die, a negotio perambulante in tenebris: ab incursu, et dæmonio meridiano.

Of an arowe fliynge in the dai, of a gobelyn goynge in derknessis; of asailing, and a myddai feend.

7 Cadent a latere tuo mille, et decem millia a dextris tuis: ad te autem non appropinquabit.

A thousynde schulen falle doun fro thi side, and ten thousynde fro thi riytside; forsothe it schal not neiye to thee.

8 Verumtamen oculis tuis considerabis: et retributionem peccatorum videbis.

Netheles thou schalt biholde with thin iyen; and thou schalt se the yelding of synneris.

9 Quoniam tu es Domine spes mea: Altissimum posuisti refugium tuum.

For thou, Lord, art myn hope; thou hast set thin help altherhiyeste.

10 Non accedet ad te malum: et flagellum non appropinquabit tabernaculo tuo.

Yuel schal not come to thee; and a scourge schal not neiye to thi tabernacle.

11 Quoniam angelis suis mandavit de te: ut custodiant te in omnibus viis tuis.

For God hath comaundid to hise aungels of thee; that thei kepe thee in alle thi weies.

12 In manibus portabunt te: ne forte offendas ad lapidem pedem tuum.

Thei schulen beere thee in the hondis; leste perauenture thou hirte thi foot at a stoon.

13 Super aspidem, et basiliscum ambulabis: et conculcabis leonem et draconem.

Thou schalt go on a snake, and a cocatrice; and thou schalt defoule a lioun and a dragoun.

14 Quoniam in me speravit, liberabo eum: protegam eum, quoniam cognovit nomen meum.

For he hopide in me, Y schal delyuere hym; Y schal defende him, for he knew my name.

15 Clamabit ad me, et ego exaudiam eum: cum ipso sum in tribulatione: eripiam eum et glorificabo eum.

He criede to me, and Y schal here him, Y am with him in tribulacioun; Y schal delyuere him, and Y schal glorifie hym.

16 Longitudine dierum replebo eum: et ostendam illi salutare meum.

I schal fille hym with the lengthe of daies; and Y schal schewe myn helthe to him.